Thilafushige dhevana phase ge furathama bai hikkai nimmaifi

Advertisement

ތިލަފުށި 2 ގެ ބީ އޭރިއާ ހިއްކާފައި --- ފޮޓޯ: އާބަންކޯ

01 Nov 2023

ޚަބަރު

ތިލަފުށީގެ ދެވަނަ ފޭސްގެ ފުރަތަމަބައި ހިއްކައި ނިންމައިފި

ސިނާޢީ މަސައްކަތްތަކަށް ޚާއްސަކޮށްފައިވާ، ތިލަފުށީގެ ދެވަނަ ފޭސްގެ ފުރަތަމަ ބައިގެ ބިން ހިއްކައި ނިމިފައިވާ ކަމުގައި އާބަންކޯއިން ބުނެފިއެވެ.

އެކުންފުނިން ބުނީ، ތިލަފުށީ ދެވަނަ ފިޔަވަހީގައި ހިމެނޭ އޭރިއާ ބީ ގެ ބިންހިއްކުމުގެ މަސައްކަތް މިހާރު މުޅިން ނިމިފައިވާ ކަމަށާއި އަދި އޭރިއާ އޭގެ ބިންހިއްކުމުގެ މަސައްކަތް މިހާރު ފަށާފައިވާ ކަމަށެވެ. މިގޮތުން، އޭރިއާ އޭގެ ބިންހިއްކުމުގެ މަސައްކަތްވެސް އަންނަ އަހަރުގެ ފެބުރުއަރީ މަހުގެ ތެރޭގައި ނިމެނޭކަމުގައި، އާބަންކޯއިން ވަނީ ބުނެފައެވެ. އޭރިއާ އޭގެ ގޮތުގައި ހިއްކުމަށް ހަމަޖައްސާފައި ވަނީ، 71.5 ހެކްޓަރުގެ ސަރަހައްދެކެވެ.

ތިލަފުށީގެ ދެވަނަ ފިޔަވަހީގެ ބިންހިއްކުމުގެ މަސައްކަތް ފަށާފައި ވަނީ މިއަހަރުގެ މާރިޗު މަހުގައެވެ. މިގޮތުން ތިންއޭރިއާއަކަށް ބަހާލައިގެން ތިލަފަޅު ހިއްކަމުންދާއިރު، މިހާރު ނުފެށި އޮތީ އޭރިއާ ސީގެ މަސައްކަތެވެ.

ތިލަފަޅު ހިއްކުމުގެ މަސައްކަތް ކުރަމުން ދަނީ، ޗައިނާ ހާބާ އިންޖިނިއަރިން ކޮމްޕެނީ (ސީއެޗްއީސީ)އާ ހަވާލުކޮށްގެންނެވެ. އެކުންފުންޏަކީ، ސިނަމާލެ ބްރިޖް ހެދުމުގެ މަސައްކަތްވެސް ކޮށްފައިވާ ކުންފުންޏެވެ.

ޚަބަރު އާބަންކޯ ތިލަފުށި

ކޮމެންޓް

އިތުރު އާޓިކަލް

މިއަދު 4 އިން 5 އަށް މާލެއިން ކަރަންޓް ކެޑިދާނެ: ސްޓެލްކޯ

ސްޓެލްކޯއިން މިއަދު މާލޭގެ ކަރަންޓު ޑިސްޓްރިބިއުޝަން ވިއުގައިގައި ކޮންމެހެން ކުރަންޖެހޭ މުހިއްމު މަސައްކަތެއް ކުރުމަށްޓަކައި، މިއަދު ހަވީރު 4:00 އާއި 5:00 އާއި ދެމެދު މާލޭގެ ހަތަރު އަވަށުގެ އެެކި ސަރަހައްދުތަކުން ކުޑަ ވަގުތުކޮޅަކަށް ކަރަންޓުގެ ހިދުމަތަށް ބުރޫއަރާފާނެ ކަމަށް ސޯޝަލް މީޑިއާގައި ޕޯސްޓްކޮއްފިއެވެ. އަދި މިކަމާއި ގުޅިގެން ދިމާވެދާނެ ދަތިތަކަށްްޓަކާއި ރައްޔިތުން ކިބައިން މާފަށްއެދިފައިވެއެވެ.

ޝަންމާންއަށް 5 އަހަރާއި 15 އަހަރާ ދެމެދުގެ ޖަލުހުކުމެއް އައިސްދާނެ.

ކުރީގެ އިމިގްރޭޝަންގެ ކޮންޓްރޯލަރުގެ މަގާމުން ވަކިކުރި މުހައްމަދު ޝަމްއާން ވަހީދުގެ މައްޗަށް ދައުވާ އުފުލައި، ކްރިމިނަލް ލޯޓަށް ފޮނުވައިފި އެވެ. ދައުވާސާބިތުވެއްޖެ ނަމަ 5 އަހަރާއި 15 އަހަރާ ދެމެދުގެ ޖަލުހުކުމެއް އައިސްދާނެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސްޓެލްކޯގެ "ރީޖަނަލް ސްކާޑާ" ސިސްޓަމް މަސައްކަތްކުރާ ގޮތް ބައްލަވާލައްވާފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިރޭ ދިވެހީންގެ އުފެއްދުންތެރިކަމުގެ މައުރަޒަށް ވަޑައިގެން، ސްލެކޯގެ ސްޓޯލަށް ކުރެއްވި ޒިޔާރަތުގައި، ސަރުކާރުގެ ހިއްސާވާ ކުންފުނިތަކުގެ ގިންތިން އެއްވަނަ ހޯދި ސްޓެލްކޯގެ "ރީޖަނަލް ސްކާޑާ" ސިސްޓަމް މަސައްކަތްކުރާ ގޮތް ބައްލަވާލައްވާފިއެވެ. ރީޖަނަލް ސްކާޑާ ސިސްޓަމަކީ ސްޓެލޯކެގެ މުވައްޒަފުންގެ އުފެއްދުންތެރި އަދި އީޖާދީ ވިސްނުމުގެ ސަބަބުން ޙާޞިލުކުރެވުނު ފާހަގަކޮށްލެވޭ ކާމިޔާބެކެވެ.

އަޕްޓަމިލް މިލްކް ކިރުދަޅަކަށް ބޭނުން ޖެހިފައިވާ ތުއްތު ކުއްޖާ، މުޅިމާލެއިން ހުސްވެފައި

ސޯޝަލްމީޑިއާގައި ދައުރުވުމުންދައު ޕޯސްޓްގައި ބަޔާން ކޮއްފައިވަނީ އެކުއްޖާ ވަރަށް ހާލުދެރަވެގެން ހޮސްޕިޓަލްގައި އެޑްމިޓްކޮއްފައިވާކަމަށެވެ. އަދި އަޅުގަނޑުމެން ނޫހުން ފޯނުން ގުޅައި މިކަންވަނީ ކަށަވަރު ކުރެވިފައިއެވެ. އެދެނީ ވީހާވެސް ގިނަބަޔަކު މިކަމުގައި އުޅެދެއްވައި މި ތުއްތު ކުއްޖައިގެ ފުރިހަމަ ސިއްހަތަކަށް ގެނަސްދެއްވުމަށްޓަކައި މިކަމުގައި އެހީތެރިވެލެއްވުމެވެ.