ކްރައުން އެންޑް ޗަމްޕާ ރިސޯޓްސް އިން ޅ. އަތޮޅުގައި ތަރައްގީކުރި 'ޖާވަކަރަ އައިލެންޑްސް މޯލްޑިވްސް' ރިސޯޓު ހުޅުވައިފި އެވެ. މި ރިސޯޓަކީ 290 ކޮޓަރީގެ ރިސޯޓެކެވެ.

މިއީ މަޑިވަރު ޑޮމެސްޓިކް އެއާޕޯޓުން ފުރައިގެން ލޯންޗުގައި 40 މިނެޓުން ދެވޭ ރިސޯޓެކެވެ. އަދި ވެލާނާ އިންޓަނޭޝަނަލް އެއަރޕޯޓުން ފުރައިގެން މަޑިވަރު އެއަރޕޯޓަށް ދެވޭނީ 35 މިނެޓުންނެވެ.

މި ރިސޯޓު ތަރައްގީކޮށްފައިވަނީ މާބިންހުރާ އަދި ދެރުއް ފިނޮޅު، ދިގު ފާލަމަކުން ގުޅާލައިގެންނެވެ. 

Advertisement

މާބިން ހުރާގައި 202 ކޮޓަރި އަދި ދެ ރުއްފިނޮޅުގައި 88 ކޮޓަރި ހުރެއެވެ.  އެއީ 110 ބީޗު ވިލާ އާއި 90 ބީޗް ޕޫލް ވިލާ އަދި 70 ވޯޓާ ޕޫލް ވިލާއެވެ. 

މި ރިސޯޓް ތަރައްޤީކޮށްފައިވަނީ ދެ ސްޕާ، ހަތަރު ބާ އާއި ހަތަރު ރެސްޓޯރެންޓް ހިމެނޭގޮތަށެވެ. 

މި ރިސޯޓުގައި ސްޕާ އާއި ކުޑަކުދިންނަށް ހާއްސަ ކިޑްސް ކްލަބެއްގެ އިތުރުން ދެ އިންފިނިޓީ ޕޫލް ހުރެއެވެ. މީގެ އިތުރުން ރިސޯޓްގައި ސާފް ސްކޫލަކާއި ވޯޓާ ސްޕޯޓްސްގެ ތަފާތު ކުޅިވަރު ކުޅެވޭނެ އިންތިޒާމް ވެސް ވަނީ ހަމަޖައްސައިފައެވެ.