Advertisement

ފޮޓޯ: އައްޑޫ ސިޓީ ކައުންސިލް

26 Oct 2023
ޚަބަރު

އައްޑޫ 200 ހައުސިން ޔުނިޓް އަޅާނެ ބިން ހަވާލުކޮށްފި

ސަރުކާރުން އައްޑޫ ސިޓީގައި ތަރައްޤީކުރާ 200 ހައުސިންގ ޔުނިޓުގެ މަސައްކަތްކުރުމަށް ބޭނުންވާ ބިން މަސައްކަތުގެ ކޮންޓްރެކްޓަރާއި ޙަވާލުކޮށްފިއެވެ. 

އައްޑޫ ސިޓީ ކައުންސިލްގައި ބޭއްވި ރަސްމިއްޔާތެއްގައި މިމަޝްރޫޢު ހިންގުމަށް ބޭނުންވާ ބިން މަސައްކަތުގެ ކޮންޓްރެކްޓަރ، ޕީޓީ ސިސްޓްރަމަސް ހެވީ އިންޑަސްޓްރީސް އިން ޖޭވީ ވިތް ބީވާރ ބިލްޑާރސް ޕްރައިވެޓް ލިމިޓެޑާ ޙަވާލުކޮށްފައެވެ.

ފޮޓޯ: އައްޑޫ ސިޓީ ކައުންސިލް

މިމަޝްރޫޢުގެ ދަށުން ބިން ދޫކޮށްފައިވަނީ ހިތަދޫގައި ޤާއިމުކޮށްފައިވާ ސިޓީ ބާޒާރުގެ ފުރަގަހުން އޮތް ސަރަޙައްދުންނެވެ. މިސަރަޙައްދުގައި 200 ހައުސިންގ ޔުނިޓު ތަރައްޤީކުރުމަށްވަނީ ނިންމާފައެވެ. 

މިއީ ދައުލަތުގެ ބަޖެޓުން 214 މިލިއަނަށްވުރެ ގިނަ ރުފިޔާ ޚަރަދުކުރައްވައިގެން ކުރިއަށްގެންދަވާ މަޝްރޫޢެކެވެ. މިމަޝްރޫޢު އެކުންފުންޏާއި ޙަވާލުކޮށްފައިވަނީ ދޮޅު އަހަރުގެ ތެރޭގައި މަސައްކަތް ނިންމާ ޙަވާލުކުރާގޮތަށެވެ.

ފޮޓޯ: އައްޑޫ ސިޓީ ކައުންސިލް

މިމަޝްރޫޢުގައި ހިމެނޭ 200 ހައުސިންގ ޔުނިޓުގައި ހިމެނެނީ 1000 އަކަފޫޓްގެ އެޕާޓްމަންޓްތަކެވެ. 3 ކޮޓަރީގެ މިއެޕާޓްމަންޓްތަކުގައި 3 ފާޚާނާއާއި ސިޓިންގރޫމާއި ބަދިގެއާއި، ލޯންޑްރީގެ އިތުރުން ސްޓޯރރޫމެއް ހުންނާނެއެވެ. 

މިމަޝްރޫޢުގެ ދަށުން 11 ފަންގިފިލައިގެ 2 ޓަވަރު ތަރައްޤީކުރުމަށްވަނީ ހަމަޖެހިފައެވެ. މިއިން ކޮންމެ ޓަވަރެއްގެ ތިރީ ފަންގިފިލާ ޚާއްސަކުރުމަށް ހަމަޖެހިފައިވަނީ ވިޔަފާރި ބޭނުންތަކާއި ޓަވަރުގެ މެއިންޓަނަންސް އޮފީހާއި ޕާކިންގ އޭރިއާގެ ގޮތުގައި ކަމަށް ސަރުކާރުން ވިދާޅުވެއެވެ. މިމަޝްރޫޢުގެ ދަށުން މިސަރަޙައްދުގައި ޕާކެއް ތަރައްޤީކުރުމަށްވެސްވަނީ ނިންމާފައެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.