މިއީ ހަމާސް އާއި އިޒްރޭލު ސިފައިންނާ ދެމެދު ކުރިޔަށްދާ ހަނގުރާމައިގެ 12 ވަނަ ދުވަސް،18 އޮކްޓޯބަރ 2023 ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ހުކުރުދުވަހު މިސްރު މެދުވެރިކޮށް ގާތްގަނޑަކަށް 20 ވަރަކަށް އެހީ ޓްރަކް ޣައްޒާއަށް ވަނުމުގެ ހުއްދަ ދޭނެ ކަމަށް އެމެރިކާއިން އިއުލާންކޮށްފައިވާއިރު، އިސްރާއީލުން ބުނީ އެ އެހީ ޓްރަކްތައް އެމީހުން ނުހުއްޓުވާނެކަމަށް. މިކަން އިއުލާން ކޮށްފައިވަނީ އެމެރިކާގެ ރައީސް ޖޯ ބައިޑަން އިސްރާއީލަށް ކުރެއްވި ދަތުރުފުޅަށް ފަހު. ނަމަވެސް މީގެ ކުރިން ވެފައިވާ މިފަދަ އެއްބަސްވުންތަކަށް އިސްރާއިލުން އިހްތިރާމްނުކޮށް، ދެ މިލިއަނަށް ވުރެ ގިނަ ފަލަސްތީނު ރައްޔިތުން ވަނީ އުނދަގޫ ހާލަތެއް ތަހައްމަލްކުރަން ޖެހިފައި.

🔴 ހިއުމަން ރައިޓްސް ވޮޗް (އެޗްއާރުޑަބްލިއު) އިން ބުނާ ގޮތުގައި ކަރަންޓާއި ތެލާއި ނެތި، ޣައްޒާއަށް ފޮނުވުމަށް ވައުދުވެފައިވާ އެހީއިން ޣައްޒާގެ އާބާދީގެ ބޭނުންތައް ފުއްދައިދިނުމަށް އުނދަގޫވާނެކަމަށް.

🔴 އެމެރިކާގެ ރައީސް ޖޯ ބައިޑަން އިސްރާއީލަށް ކުރެއްވި ދަތުރުފުޅަށް ފަހު އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވިދާޅުވީ، އެމެރިކާގެ ތާއީދާއެކު ފަލަސްތީނާ ދެކޮޅަށް ކުރަމުން ދާ ހަނގުރާމަ ހުއްޓުމެއްނެތި ކުރިޔަށްގެންދާނެކަމަށް.

🔴 އިސްރާއީލުން ޣައްޒާއަށް ދެމުންގެންދާ ބޮމުގެ ހަމަލާތައް ކުރިއަށްދާއިރު، ޚާން ޔޫނިސްގެ ސްކޫލެއް ކައިރީގައި ހުރި ސަރަހައްދަކަށް ހަމަލާ ދީފައިވޭ. މި ސްކޫލަކީ ފަލަސްތީނުގެ އެތައް ސަތޭކަ ބަޔަކު ހިމާޔަތް ހޯދައިގެން ތިބި ތަނެއް. އަދި ޣައްޒާ ސިޓީގެ އަލް ޤުދުސް ހޮސްޕިޓަލް ކައިރިއަށް ހަމަލާތަކެއް ދީފައިވާކަމަށް ފަލަސްތީނުގެ ރެޑް ކްރެސެންޓް ސޮސައިޓީން  ހާމަކޮށްފައިވޭ.

🔴 އޮކްޓޯބަރު މަހުގެ 7ވަނަ ދުވަހުން ފެށިގެން އިސްރާއީލުން ޣައްޒާއަށް ދިން ވައިގެ ހަމަލާތަކުގައި ފަލަސްތީނުގެ 3،478 މީހުން މަރުވެފައިވާ ކަމަށް ޣައްޒާގެ ހެލްތު މިނިސްޓްރީން ބުނެފައިވޭ. އަދި ވެއްޓިފައިވާ އިމާރާތްތަކުގެ ދަށުގައި މަދުވެގެން 1،300 މީހުން ގެއްލިފައިވާކަމަށާއި، އޭގެ ތެރޭގައި 600 ކުޑަކުދިން ހިމެނޭކަމަށް ވެސް ހާމަކޮށްފައިވޭ.

🔴 ހަނގުރާމަ ހުއްޓާލުމަށް ގޮވާލާ ގޮވާލުންތައް އިތުރުވަމުންދާއިރު، އިންސާނީ އެހީ ދިނުމަށް ހަނގުރާމަ މަޑުޖައްސާލުމަށް ގޮވާލި އ.ދ. ގެ ސަލާމަތީ މަޖިލީހުގެ ގަރާރު އެމެރިކާއިން ވަނީ ވީޓޯކޮށްފަ.

🔴 އިސްރާއީލާއި ލުބުނާނުގެ ހަނގުރާމަވެރިން ބޯޑަރު ހުރަސްކޮށް އިތުރު ހަމަލާތައް ބަދަލުކުރަމުންދާއިރު، އިސްރާއީލުން ސީރިއާއަށް ހަމަލާދީފައިވާ ކަމަށް ވެސް އޮބްޒާވަރަކު ރިޕޯޓްކޮށްފައިވޭ.

🔴 އިނގިރޭސި ބޮޑުވަޒީރު ރިޝީ ސުނާކް އަންނަ ބުރާސްފަތި ދުވަހު އިސްރާއީލަށް ވަޑައިގަތުމަށް ހަމަޖެހިފައިވާކަމަށް އިއުލާންކޮށްފި.