Advertisement
މާލެ ސަރަހައްދު --
މާލެ ކައިރިން ކަނޑުމަތިން މަރުވެފައި އޮތް މީހެއްގެ ހަށިގަނޑު އޮޔާދަނިކޮށްފެނިއްޖެ
މާލެ ކައިރިން ކަނޑުމަތިން މަރުވެފައި އޮތް މީހެއްގެ ހަށިގަނޑު އޮޔާދަނިކޮށްފެނިއްޖެއެވެ.
ފުލުހުންގެ އިދާރާއިން ބުނީ، މަރުވެފައި އޮތް އެމީހާގެ ހަށިގަނޑު ފެނިފައިވަނީ، މާލެއާ ދާދިގާތުގައި އޮންނަ ފުނަދޫއާ ދޫނިދޫއާ ދެމެދުގެ ކަނޑުގެ ސަރަހައްދުން އޮޔާދަނިކޮށް ކަމަށެވެ. މިހާރު އެމީހާގެ ހަށިގަނޑު ވަނީ ކަނޑުމަތިން ނަގައިގެން މާލެއަށް ގެނެސްފައެވެ.
މަރުވެފައި އޮތް އެމީހާގެ ހަށިގަނޑު ދެފެންދޭ ތެރޭގައި އޮޔާދަނިކޮށް މަންޒަރުފެންނަ ވީޑިއޯއެއް ސޯޝަލްމީޑިއާގައި މިހާރު ދަނީ ދައުރުވަމުންނެވެ. ވީޑިއޯއިން ފާހަގަކުރެވޭ ގޮތުގައި އެމީހާއަކީ، މެދު އުމުރުން މަތީގެ ބިދޭސީ ފިރިހެނެކެވެ. އަދި އެމީހާގެ ހަށިގަނޑުކަނޑުގައި އޮތް އިރު ގައިގައި އެއްވެސް ފޭރާމެއް ނެތްކަމާއި، އެމީހާގެ ހަށިގަނޑުގައި ޒަޚަމްތަކެއް ހުރިކަމަށް ފުރަތަމަ އެމީހާގެ ހަށިގަނޑު ފެނުނު މީހުން ވަނީ ފާހަގަކޮށްފައެވެ.
މަރުވެފައި އޮއްވައި ފެނުނު މީހާއަކީ ދިވެއްސެއްކަމެއް އަދި ބިދޭސީއެއްކަމެއް މިހާތަނަށް ސާފެއް ނުވެއެވެ.
ފުލުހުންގެ އިދާރާއިން ބުނެފައި ވަނީ، މަރުވެފައި އޮއްވައި ފެނުނު މީހާ ދެނެގަތުމުގެ މަސައްކަތް ކުރަމުންދާކަމަށާއި އަދި އެމައްސަލަ ތަޙްޤީޤުކުރަން ފަށާފައިވާ ކަމަށެވެ.
