ރައްޔިތުންގެ މަޖިލީހުގެ އިދާރާ ހިންގުމަށް އަންނަ އަހަރަށް 186.7 މިލިއަން ރުފިޔާގެ ބަޖެޓެއް ހުށައަޅައިފިއެވެ. މިއަދު ބޭއްވި ޢާންމު ކޮމިޓީގެ ބައްދަލުވުމުގައި ވަނީ އަންނަ އަހަރަށް ލަފާކުރާ މަޖިލީހުގެ ބަޖެޓާގުޅޭގޮތުން މަޝްވަރާކުރައްވާފައެވެ.

ސިއްހީ ސާމާނު ނުހޯދިގެން، އެ ދާއިރާގެ ހިދުމަތްތަކަށް ހުއްޓުން ނާންނާނެކަމުގެ ޔަގީންކަން ސަރުކާރުން ދީފިއެވެ. ސަރުކާރުން މިގޮތަށް ބުނީ ސަރުކާރުގެ އެންމެ ބޮޑު ހޮސްޕިޓަލު، އައިޖީއެމްއެޗްގައި ގާއިމުކޮށްފައިވާ ހިތުގެ ބަލިތަކާއި ކިޑްނީގެ ބަލިތަކަށް ފަރުވާ ދޭ ސެންޓަރު ހިންގަމުން އަންނަ ބޭރުގެ ކުންފުންޏަށް ދައްކަން ޖެހޭ 5.3 މިލިއަން ޑޮލަރު ނުދައްކާ އޮތުމުން، އެ ކުންފުނީގެ ފަރާތުން ދެމުންދާ ހިދުމަތް ހުއްޓާލަފާނެ ކަމުގެ ކަންބޮޑުވުން އިންތިހާބީ ރައީސް އޮފީހުން ފާޅުކޮށްފައިވަަނިކޮށެވެ.

ލެޕްރަސީ ނުވަތަ ޖުޒާމް ބަލި ނެތް ޤައުމެއްގެ ގޮތުގައި ރާއްޖެ ކަނޑައެޅުމަށް ބޭނުންވާ ޝަރުތު ފުރިހަމަކޮށްފިއެވެ. އެކަން ފުރިހަމަވުމަށް ބޭނުންވާ އެންމެ މުހިންމު އެއް ޝަރުޠަކީ 100 ރަށުގައި ޖުޒާމް ބަލި ނެތްކަން ކަށަވަރުކުރުމެވެ.

ޔަހޫދީ އިސްރާއީލުން ފަލަސްތީނަށް ދެމުންދާ ޙަމަލާތަކަކީ މުޅި އިސްލާމީ އުންމަތަށް ދެމުންދާ ޙަމަލާތަކެއްކަމަށާއި، މިނިސްޓަރ އޮފް ހޯމްއެފެއަރޒް ޢިމްރާން ޢަބްދުﷲ ވިދާޅުވެއްޖެއެވެ. ހޯމް މިނިސްޓަރ ޢިމްރާން މިހެން ވިދާޅުވީ، ރާއްޖެ އިސްލާމްވީ ދުވަހުގެ މުނާސަބަތުގައި ބޭއްވި ޖަލްސާ ޝަރަފްވެރިކޮށްދެއްވައި ވާހަކަފުޅުދައްކަވަމުންނެވެ.

ދުނިޔޭގެ ސިއްހަތު ޖަމިއްޔާއިން އިންޒާރު ދީފައިވާ ގޮތުގައި ޣައްޒާގައި ބާކީ ހުރީ އެންމެ 24 ގަޑިއިރު ބޭނުންކުރާނެ ފެނާއި، ކަރަންޓާއި، ތެޔޮ.

އެމަނިކުފާނުގެ ޚިޠާބުގައި ވިދާޅުވީ، ދިވެހިންގެ ކުރިއެރުމާއި ތަރައްޤީއަށް ލިބޭ އެންމެ ވަރުގަދަ ހަކަތައަކީވެސް، ދިވެހިންގެ މެދުގައި އޮތް އެކުވެރިކަމާއި އެއްބައިވަންތަކަމާއި ސުލްޙަވެރިކަން ކަމަށާއި، އެކަން ބިނާވެފައި ވަނީ، ދިވެހިންގެ މެދުގައި ދީނީ އެއްބައިވަންތަކަމުގެ މައްޗަށް ކަމަށެވެ. އެހެންކަމުން، އިސްލާމް ދީނުގެ ޞައްޙަ ޢަޤީދާ އަޅުގަނޑުމެންގެ ދަރިންގެ ހިތްތަކުގައި ހަރުލައްވައި، އިސްލާމީ ރިވެތި އަދަބު އަޚްލާޤުގެ މަތީގައި އެކުދިން ތަރުބިއްޔަތުކުރުމަކީ، ދިވެހި އުންމަތުގެ ކުރިމަގުގެ އުޖާލާކަމަށްޓަކައި، ކޮްންމެ މީހެއްގެ ކޮނޑުގައިވެސް އެޅިފައިވާ ދީނީ އަދި ޤައުމީ ވާޖިބެއް ކަމުގައި އެމަނިކުފާނު ވިދާޅުވިއެވެ.

ރައީސުލްޖުމްހޫރިއްޔާގެ ޚިޠާބުގައި، މާތްވެގެންވާ އިސްލާމް ދީނާ ގުޅިފައިވާ މިފަދަ އުފާވެރި ދުވަހެއް އަޅުގަނޑުމެން ފާހަގަކުރާއިރު، އިސްލާމީ އުންމަތުގެ އެތައް މިލިޔަން އަޚުންނާއި އުޚުތުންނެއް، ޣައިރު މުސްލިމުންގެ އަނިޔާވެރި ޙަމަލާތަކުގައި ޝަހީދުވެ އަދި ޒަޚަމްވަމުންދާކަމީ، މުޅި އިސްލާމީ އުންމަތަށް ލިބޭ ނުހަނު ބޮޑު ހިތާމައެކެވެ. އަދި ޒަޔަނިސްޓު ޔަހޫދީން ފަލަސްޠީނުގެ ބިމަށް ވެރިވެގަނެ، ފަލަސްޠީނުގެ ރައްޔިތުން އަޅުވެތިކޮށް، އެ ބިމުގައިވާ މުސްލިމުންގެ މުޤައްދަސް ބިނާތަކުގެ ޙުރުމަތް ކަނޑަމުން ދިޔުމަކީ، އިސްލާމީ އުންމަތުގެ ހިތަށް ހެރިފައިވާ ނުހަނު ތޫނު ޚަންޖަރެއްގެ ގޮތުގައި ރައީސުލްޖުމްހޫރިއްޔާ ވަނީ ސިފަ ކުރައްވާފައެވެ.

މިދިޔަ އަހަރު ދައުލަތަށް ލިބުނު އާމްދަނީ 19.7 އިންސައްތަ އިތުރުކަމަށް ފިނޭންސް މިނިސްޓްރީން ހާމަކޮށްފިއެވެ. ފިނޭންސް މިނިސްޓްރީންގެ މިދިޔަ އަހަރުގެ ބަޖެޓު ނަތީޖާގެ ބަޔާނުގައި ވަނީ ބަޖެޓުގައި ލަފާކުރި އަދަދަށްވުރެ މިދިޔަ އަހަރު ދައުލަތައް ލިބުނު އާމްދަނީ އިތުރުކަމަށެވެ.

ސިނަމާލެ ބްރިޖުގައި ގަވައިދާ ހިލާފަށް ދުއްވި 120 މީހަކަށް ނަސޭހަތުގެ މެސެޖު ފޮނުވާފައިވާކަމަށް ފުލުހުން ބުނެފިއެވެ. ފުލުހުން ބުނީ އިއްޔެ ހެނދުނު 7:30 އިން ފެށިގެން މިއަދުގެ އެވަގުތާ ހަމައަށް ބްރިޖުގައި ގަވައިދާ ހިލާފަށް އުޅަނދު ދުއްވި 120 މީހަކަށް ނަސޭހަތުގެ މެސެޖު ފޮނުވާފައިވާނެ ކަމަށެވެ.

އެންމެ މަދުވެގެން 10 އަހަރުވެފައިވާ ކޮލެޖުތަކާއި މަތީ ތައުލީމުގެ ހިދުމަތް ފޯރުކޮށްދޭ މަރުކަޒުތަކަށް ޔުނިވާސިޓީގެ ދަރަޖަ ދެވޭ ގޮތަށް މަތީ ތައުލީމާއި ތަމްރީނުގެ ގާނޫނަށް އިސްލާހު ގެންނަ ގޮތަށް ބިލެއް ހުށަހަޅައިފިއެވެ. ސަރުކާރުގެ ފަރާތުން ރައްޔިތުންގެ މަޖިލީހަށް މި ބިލް ހުށައެޅުއްވީ އިހަވަންދޫ ދާއިރާގެ މެންބަރު މުހައްމަދު ޝިފާއުއެވެ.

ރާއްޖެ ޓްރާންސްޕޯޓް ލިންކް (އާރުޓީއެލް) ފެރީތަކަށް ވިސާ އަދި މާސްޓާކާޑުން ފައިސާ ދެއްކޭނެ އިންތިޒާމު އެމްޓީސީސީން މިއަދު ހަމަޖައްސައިފިއެވެ. މާފަންނު ވިލިމާލެ ފެރީ ޓާމިނަލުގައި އޮތް ހާއްސަ ރަސްމިއްޔާތެއްގައި މި ހިދުމަތް ތައާރަފުކޮށްދެއްވީ އެމްޓީސީސީގެ ސީއީއޯ، އާދަމް އާޒިމްއެވެ.

ފަލަސްތީނަށް ދެމުންފެންދާ ބޮމުގެ ހަމަލާތަކުގެ އިތުރުން، ޣައްޒާގެ ބޯޑަރު ފެންސުކައިރިއަށް އިސްރާއީލުން ވަނީ އެމީހުންގެ ހަނގުރާމަވެރި ޓޭންކްތަކާއި ހަތިޔާރުތައް ގެނަސް، ޣައްޒާގެ ބިން ބަލާފާސްކޮށް، ހަމާސް ނައްތާލުމަށްކަމަށް ބުނެ އެ ރަށަށް އެރުމަށް އިސްރާއިލް ސިފައިން ތިބީ ތައްޔާރުވެފައި.

"މޯލްޑިވްސް އޯޝަން ހެކަތަން 2023" މިއަދު ފަށައިފިއެވެ. މިއީ ޑިޖިޓަލް ޓެކްނޮލޮޖީގެ އެހީގައި މޫސުމީ މައްސަލަތަކަށް އޮތް ޙައްލު ދެނެގަތުމަށްޓަކައި ކުރިއަށްގެންދާ ހެކަތަންއެކެވެ.

ސަޢުދީ އަރަބިއްޔާއިން ދިވެހިރާއްޖެއަށް 2.3 ބިލިއަން ރުފިޔާގެ އެހީއެއް ދިނުމަށް މަޝްވަރާކޮށްފިއެވެ. ދިވެހިރާއްޖެއިން ސަޢުދީ ޢަރަބިއްޔާއާއެކު ސިޔާސީ ގުޅުން ޤާއިމުކޮށްފައިވަނީ 17 މާރިޗު 1981 ގައެވެ.

އުންމީދަކީ ހަފްތާއެއްހާ ދުވަހުގެ ތެރޭގައި އިންޑިއާ ސިފައިންގެ މައްސަލަ ހައްލުކުރެވުންކަމަށް އިންތިޚާބީ ރައީސް ޑރ.މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، އަލްޖަޒީރާއަށް ދެއްވި އިންޓަރވިއުއެއްގައެވެ.

ރާއްޖެއިން ބޭރުން އައްޑޫ ސިޓީއަށް މުދާ ގެނައުމަށް މޯލްޑިވްސް ސްޓޭޓް ޝިޕިން، އެމްއެސްއެސް އިން ގަނެފައިވާ ކޮންޓެއިނަރ އުފުލާ ބޯޓު، މުދަލާއި އެކު އައްޑޫއަށް ބަނދަރުކޮށްފިއެވެ.