ހުޅުމާލޭގެ ދެވަނަ ފިޔަވަހީގައި އަޅާފައިވާ ވިނަރެސް ފްލެޓްތަކަށް ދައްކަންޖެހޭ ޑައުންޕޭމެންޓް ފަންސާސް ޕަސެންޓަށް ކުޑަކޮށްދިނުމަށް ސަރުކާރުން ނިންމަވައިފިއެވެ.

މިއަދު ބޭއްވި ވަޒީރުންގެ މަޖިލީހުގެ ޖަލްސާއަށް ފަހުގައި ނޫސްވެރިންނަށް މައުލޫމާތު ދެއްވަމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، ވިނަރެސް ފްލެޓްތަކަށް ޑައުންޕޭމަންޓްގެ ގޮތުގައި ދައްކަންޖެހޭ އަދަދު %50 އިންސައްތަ ކުޑަކޮށްދިނުމަށާއި، އަދި ފުލެޓްކުލިން 4200 ރުފިޔާ ކުޑަކޮށްދެއްވުމަށް ނިންމަވާފައިވާ ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ވިނަރެސް ފްލެޓްތަކުގެ ޑައުންޕޭމަންޓް %50 ޕަސެންޓް ކުޑަކުރުމުން ފްލެޓްތަކުގެ އަގުން މަހުކުލި ކުޑަވާ ސީދާއަދަދެއް ނުދެންނެވީ، ފްލެޓްތައް މަހުކުލީގެ ގޮތުގައި ދައްކަންޖެހެނީ، އެކި އަދަދުތަކުން ކަމުގައިވާތީ ކަމަށްވެސް ރައީސުލްޖުމްހޫރިއްޔާ ވިދާޅުވިއެވެ. އެމަނިކުފާނު ވިދާޅުވީ، ވިނަރެސްގެ ހުރިހާ ފްލެޓަކުންވެސް ދައްކަންޖެހޭ ކުލިން 4200ގެ އަދަދެއް ކުޑަވެގެން ދާނެކަމަށެވެ.

ވިނަރެސް ފްލެޓްތަކުގެ ކުލި ކުއްޔާއި ޑައުންޕޭމަންޓް ކުޑަކޮށްދެއްވުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދެކެވެ.

ވިނަރެސް ފްލެޓްތަކުގެ ކުއްޔާއި ޑައުންޕޭމަންޓް ކުޑަކޮށްދެއްވި އިރު، ވިނަރެސްގެ ހުރިހާ ފްލެޓެއް އާބަންކޯއިން މިހާރު ވަނީ ވިއްކައި ނިންމާފައެވެ.