ރައްޔިތުންގެ މަޖިލީހުގެ ރައީސް މުޙައްމަދު އަސްލަމް --
މަޖިލީހުގެ ދައުރު ޑިސެމްބަރު މަހުގެ 18 ވަނަ ދުވަހާއި ހަމައަށް އިތުރު ކުރުމަށް ފާސްކޮށްފި
ރައްޔިތުންގެ މަޖިލީހުގެ މިހާރު ހިނގަމުން މިދާ ދައުރުގެ ޖަލްސާތައް މިޑެމްބަރު މަހުގެ 18 ވަނަ ދުވަހާއި ހަމައަށް ކުރިޔަށް ގެންދިޔުމަށް ރައްޔިތުންގެ މަޖިލީހުން ފާސްކޮށްގިއެވެ.
މަޖިލީހުގެ މިހިނގާ ދައުރު ޑިސެމްބަރު މަހުގެ 18 ވަނަ ދުވަހާއި ހަމައަށް ކުރިޔަށް ގެންދިޔުމަށް ހުށައެޅުއްވީ، ރައްޔިތުންގެ މަޖިލީހުގެ ރައީސް މުޙައްމަދު އަސްލަމެވެ.
މަޖިލީހުގައި މިހުށައެޅުމަށް ވޯޓަށް އެހުމުން ވޯޓުގައި ބައިވެރިވެވަޑައިގެންނެވި 43 މެމްބަރުން ވޯޓު ދެއްވީ މަޖިލީހުގެ ދައުރު ދިގުކުރަން ފެންނަ ކަމަށެވެ، މިހުށައެޅުމާއި ދެކޮޅަށް އެއްވެސް މެމްބަރަކު ވޯޓު ދެއްވާފައެއް ނުވެއެވެ.
މަޖިލީހުގެ ރައީސް އަސްލަމް ވިދާޅުވީ މަޖިލީހުގެ ދައުރު އިތުރުކުރެއްވުމަށް ހުށައެޅުއްވީ، މަޖިލީހުގެ ގަވާއިދުގެ 214 ވަނަ މާއްދާގެ ހ. ގެ ދަށުން ބަޖެޓު ކޮމިޓީގެ މަސައްކަތް ނިންމާ ހިނގަމުންދާ މަޖިލީހުގެ ދައުރު ނިންމުމުގެ 7 ދުވަސް ކުރިން ބަޖެޓާ މެދު ގޮތެއް ނިންމުމަށް ހުށަހެޅުމަށް އޮންނާތީކަމަށެވެ.
ރައްޔިތުންގެ މަޖިލީހުގެ މިއަހަރުގެ ދައުރު ނިންމާލެވޭނީ އަންނަ އަހަރަށް ލަފާކުރާ ދައުލަތުގެ ބަޖެޓް ފާސްކުރެއްވުމަށްފަހުގައެވެ.