Advertisement

ރައީސް ޑރ. މުހައްމަދު މުއިއްޒުގެ ކެމްޕޭނުގެ ތެރެއިން ---

06 Dec 2023
ޚަބަރު
ޢަލީ ސުލައިމާން

ރައީސް ޔާމީނާއި ބެހޭ ގޮތުން ވާހަކަފުޅު ދައްކަވާކަށް ރައީސް ޑރ މުއިއްޒު ބޭނުންފުޅެއް ނުވި

ރައީސް ޔާމީނުގެ ފޮޓޯފުޅާއި އެމަނިކުފާނުގެ ސަޕޯޓަރުން ދެއްވި ތާއީދާއިއެކު ވެރިކަމަށް ވަޑައިގެންނެވި، ރައީސުލްޖުމްހޫރިއްޔާ، ޑރ. މުހައްމަދު މުޢިއްޒު ރައީސް ޔާމީނާއި ދެމެދު ގުޅުން ގޯސްވި މައްސަލައާއި ގުޅޭ ގޮތުން ވާހަކަފުޅު ދައްކަވަން ބޭނުންފުޅު ނުވާކަމުގައި ވިދާޅުވެއްޖެއެވެ.

ރައީސް އޮފީހުގައި އިއްޔެ ބޭއްވެވި ނޫސްވެރިންގެ ބައްދަލުވުމުގައި ރައީސުލްޖުމްހޫރިއްޔާ ވަނީ ނޫސްވެރިން، ރައީސް ޔާމީނާއި ގުޅޭ ގޮތުން ކުރެއްވި ސުވާލުތަކަށް ސާފު ޖަވާބެއް ދެއްވުމަށް ދެކޮޅު ހައްދަވާފައެވެ. އެމަނިކުފާނު ވިދާޅުވީ، ޤައުމީ ވިސްނުމުގައި މަސައްކަތް ކުރައްވާ ކޮންމެ ބޭފުޅަކާއި އަދި ބަޔަކާއިއެކުވެސް މަސައްކަތް ކުރެއްވުމަށް ތައްޔާރަށް ހުންނެވި ކަމަށެވެ.

ރައީސް ޔާމީނުގެ ސަޕޯޓަރުން ޑރ. މުހައްމަދު މުއިއްޒު ވެރިކަމަށް އިންތިޚާބުކުރީ، ރައީސް ޔާމީނު މިނިވަންކުރުމުގެ އުންމީދުގައި ކަމަށާއި، އަދި ވެރިކަމަށް ހޮވިވަޑައިގަތުމަށްފަހުގައި، ރައީސް ޔާމީނަށް ޑރ. މުއިއްޒު ޖަވާބު ނުދެއްވަނީ ކިއްވެތޯ ނޫސްވެރިން ސުވާލު ކުރިއެވެ.

ނޫސްވެރިންގެ ސުވާލުތަކަށް ޖަވާބު ދެއްވުމުގެ ބަދަލުގައި ރައީސް ޑރ. މުޢިއްޒު ވިދާޅުވީ، އެމަނިކުފާނަކީ އެއްވެސް އިރަކު އަދި މިއަދާ ހަމައަށް އައިއިރުވެސް އެއްވެސް ބޭފުޅެއްގެ ވާހަކަ ދައްކާ މީހެއް ނޫންކަމަށެވެ. އަދި މިހާތަނަށްވެސް އެއްވެސް ވާހަކައެއް ދައްކަވާފައި ނުވާނެ ކަމުގައި އެމަނިކުފާނު ވިދާޅުވިއެވެ.

އެހެން ނަމަވެސް ރައީސް ޑރ. މުއިއްޒުގެ ވާހަކަފުޅުން ނޫސްވެރިންނަށާއި، އެހެން ރައްޔިތުންނަށްވެސް މޭރުން ކުރެވުނީ ރައީސް ޑރ. މުޙައްމަދު މުޢިއްޒު ރައީސް ޔާމީން ސިފަކުރައްވަނީ ޤައުމަށްވުރެ އަމިއްލަފުޅު ކަންކަން އިސްކުރައްވާ ބޭފުޅެއްގެ ގޮތުގައި ކަމެވެ.

ރައީސް ޑރ. މުއިއްޒު ވިދާޅުވީ، އެއްވެސް ސިޔާސީ ލީޑަރަކީ ގައުމު އިސް ނުކުރައްވާނެ ބޭފުޅެއް ކަމުގައި ދެކެވަޑައި ނުގަންނަވާ ކަމަށެވެ.

"އަޅުގަނޑަކަށް ނެތް އެއްވެސް މައްސަލައެއް އެއްވެސް ބޭފުޅަކާ އެކު މަސައްކަތް ކުރުމުގެ. އަޅުގަނޑު ބޭނުން ވަނީ އެކަތިގަނޑަކަށްވެގެން ރިވެތި އުސޫލުގައި ވާހަަކަ ދެކެވިގެން ކުރިއަށްދާ ބަޔަކަށް ވާން."

ރައީސުލްޖުމްހޫރިއްޔާ، ޑރ. މުހައްމަދު މުޢިއްޒު

ރައީސް ޑރ މުޢިއްޒު ވަނީ، ރައްޔިތުން ތިބީ ސަރުކާރާއި އަދި ޕީޕިއެމްއާ ޕީއެންސީއާއެކުގައި ކަމަށް ވިދާޅުވެފައެވެ. އަދި ރައީސް ޔާމީން ވަކި ޕާޓީއެއް ހައްދަވައިގެން މަޖިލިސް އިންތިޚާބަށް ނުކުމެވަޑައިގެންނެވުމަކީ، އޮތް ގޮންޖެހުމެއް ކަމަކަށް ރައީސް ޑރ. މުހައްމަދު މުއިއްޒު ދެކެވަޑައެއް ނުގަންނަވައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.