1 ޖެނުއަރީ 2024 ވަނަ ދުވަހުން ފެށިގެން ހުކުރު ޚުޠުބާ ޓީވީން ދައްކާ ވަގުތުގައި އިނގިރޭސި ތަރުޖަމާއާއެކު ގެނެސްދިނުމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު ނިންމަވައިފިއެވެ.

އިމިގްރޭޝަންގެ ޚިދުމަތްތައް ރައްޔިތުންނަށް ވީހާވެސް ފަސޭހައިން ލިބޭނެ އިންތިޒާމް ހަމަޖެއްސެވުމަށް މިއަދުން ފެށިގެން އިމިގްރޭޝަންގެ ރީޖަނަލް އޮފީސްތައް ގާއިމުވެފައިވާ 4 އަތޮޅަކުން ދިވެހި ޕާސްޕޯޓު ދޫކުރުން ދެގުނައަށް އަވަސްކުރުމަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަޙީދު ނިންމަވައިފިއެވެ.

ރައްޔިތުންގެ މަޖިލީހުގެ ނައިބު ރައީސް ކަމުގެ މަޤާމަށް ވާދަކުރުމަށް ކުރިމަތިލެއްވި އެމްޑީޕީގެ ކެންޑިޑޭޓުންނަކީ، ރައްޔިތުންގެ މަޖިލީހުގެ އަައްޑޫ މީދޫ ދާއިރާގެ މެމްބަރު ރޮޒައިނާ އާދަމާއި، ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޢަބުދުﷲ ޖާބިރާއި، ރައްޔިތުންގެ މަޖިލީހުގެ ހޯރަފުށީ ދާއިރާގެ މެމްބަރު އަޙްމަދު ސަލީމެވެ.

ރައްޔިތުންގެ މަޖިލީހުގެ ނައިބު ރައީސްކަމުގެ މަޤާމުން އީވާ އަބްދުﷲ އިސްތިއުފާ ދެއްވައިފިއެވެ.

މިކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު ހެނދު 09:20 އެހާކަންހާއިރުކަމަށް ފުލުހުން ވިދާޅުވިއެވެ. ފުލުހުން ވިދާޅުވީ އދ. ދިގުރަށުގައި ވިހެއުމަށްފަހު ކޮތަޅަކަށް ލައި އެއްލާލާފައި އޮތް ތުއްތު ކުއްޖަކު އެރަށު ކުނިގޮނޑުން ފެނިފައިވާކަމަށެވެ. މިމައްސަލައާ ގުޅިގެން ފުލުހުންގެ ޓީމެއް އެރަށުގައި މިހާރު ދަނީ ހަރަކާތްތެރިވަމުންނެވެ. އަދި ކުއްޖާ މަރުވެފައިވާކަމަށް ކުއްޖާ ބެލި ޑޮކްޓަރު މައުލޫމާތު ދީފައިވާ ކަަމަށް ފުލުހުން ހާމަކުރެއެވެ.

ޑިމޮކްރެޓިކް ހަމަތައް ނެގެހެއްޓުމަށް ކަމަށް ބުނެ ރައީސް ނަޝީދު އިސްވެހުންނަވައި އުފެއްދެވި ދަ ޑިމޮކްރެޓްސްގެ އެތެރޭގެ އިންތިޚާބުގެ ނަތީޖާތައް އިޢުލާނު ނުކުރެވި ތުހުމަތުތައް އަމާޒުވެއްޖެއެވެ.

ރައީސުލްޖުމްހޫރިއްޔާ، ޑޮކްޓަރ މުޙައްމަދު މުޢިއްޒު ޑިފެންސް މިނިސްޓަރަށް އެގްރިކަލްޗަރ މިނިސްޓްރީ ހިންގެވުން ހަވާލުކުރެއްވީ، އެވުޒާރާގެ މިނިސްޓަރަކަށް ޢައްޔަނުކުރެއްވި، ޢާއިޝަތު ރަމީލާ، 2023 ނޮވެމްބަރު 23 ގައި ޗުއްޓީއެއްގައި ރާއްޖެއިން ބޭރަށް ފުރާވަޑައިގެންފައިވާތީ، އެ ކަމަނާ މި ދަތުރުފުޅު ނިންމަވާލެއްވުމަށްފަހު އެނބުރި ރާއްޖެ ވަޑައިގަންނަވަންދެން ކަމުގައި ރައީސުލްޖުމްހޫރިއްޔާގެ އޮފީހުން ވަނީ ވިދާޅުވެފައެވެ.

މާލޭގައި ނޮވެމްބަރު 29 ވަނަ ދުވަހު ބޮޑު މާރާމާރީއެއް ހިނގާފައި ވާއިރު، ޑިސެމްބަރު މަހުގެ 1 ވަނަ ދުވަހުގެރޭ އައްޑޫ ސިޓީގައި ވަނީ ބޮޑު މާރާމާރީއެއް ހިންގައި، ޒުވާނަކު ވަރަށް ބޮޑަށް ޒަޚަމްކޮށްލާފައެވެ. ޒަޚަމްކޮށްލާފައިވާ ޒުވާނާގެ ހާލު ސީރިޔަސްކަމުގައި ފުލުހުން ވިދާޅުވެއެވެ.

މާލޭ ސިޓީގެ މޭޔަރުގެ މަޤާމަށް ވާދަކުރައްވާނެ އެމްޑީޕީގެ ކެންޑިޑޭޓުގެ ގޮތުގައި އާދަމް އާޒިމް ކަނޑައަޅައި އެމްޑީޕީގެ ޓިކެޓް އާދަމް އާޒިމަށް އެޕާޓީން ދީފިއެވެ.

އީވާގެ އިތުބާރު ނެތްކަމުގެ މައްސަލަ މީގެ ކުރިންވެސް އެމްޑީޕީން މަޖިލީހަށް ހުށައެޅިއެވެ. އެހެން ނަމަވެސް މަޖިލީހުގެ ނިޒާމްގެ ތެރެއިން އިތުބާރު ނެތްކަމުގެ މައްސަަލަ ކުރިޔަށް ނުގެންގޮސް ހިފަހައްޓާފައި ވަނިކޮށް އެފަހަރު އެމްޑީޕީން އެމައްސަލަ އަނބުރާ ނެގީއެވެ.

ޙަބީބު ވަނީ، ކެންޑިޑެންސީ ހުށައެޅުގައި ދުރާލައި ބައްލަވަންވީ ކަންތައްތައް ޕާޓީތަކަށާއި، އަދި ކެންޑިޑޭޓުންގެ ގޮތުގައި ވާދަކުރައްވަން ތައްޔާރުވެވަޑައިގަންނަވާ ފަރާތްތަކަށް ހަނދުމަފުޅުކޮށްދެއްވާފައެވެ. މިގޮތުން ރައްޔިތުންގެ މަޖިީހުގެ އިންތިޚާބަށް ކުރިމަތިލާ މީހާގެ ކިބައިގައި ފުރިހަމަވާންޖެހޭނެކަމަށް ޤާނޫނުގައި ބަޔާންކޮށްފައިވާ ޝަރުޠުތައް ޙަބީބު ވަނީ ސަމާލުކަމަށް ގެނެސްދެއްވާފައެވެ.

ފަތުރުވެރިކަމުގެ ދާއިރާގެ އެންމެ މަޝްހޫރު އެއް އެވޯޑު ކަމުގައިވާ ވޯލްޑު ޓްރެވަލް އެވޯޑްސްއިން ދޭ އަހަރުގެ ޓްރެވަލް ޕާސަނަލިޓީ އެވޯޑު، ކުރީގެ ޓޫރިޒަމް މިނިސްޓަރު ޑރ. އަބްދުﷲ މައުސޫމަށް ލިބިވަޑައިގެންފިއެވެ.

މީސްލްސް އަދި ރުބެއްލާއިން ރައްކާތެރިވުމަށް މީސްލްސް ވެކްސިން ދިނުމުގެ ގައުމީ ކެމްޕެއިނެއް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ފަށައިފިއެވެ. މި ކެންޕެއިން ފަށާފައިވަނީ ހުކުރު ދުވަހުއެވެ.

މާލޭގެ މިސްކިތެއްގައި އިނގިރޭސި ބަހުން ހުތުބާ ކިޔުމާ މެދު އިސްލާމިކް މިނިސްޓަރު ޑރ. މުހައްމަދު ޝަހީމް އާއްމުންގެ ހިޔާލަށް ހުޅުވާލައްވައިފިއެވެ.

ޒައިދު ސަސްޓެއިނަބިލިޓީ އެވޯޑް ދިނުމުގެ ރަސްމިއްޔާތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ބައިވެރިވެވަޑައިގެންފިއެވެ.