ކުރީގެ ސަރުކާރުގެ ދައުރު ހަމަވެގެންދިޔައިރު، އަމީނީމަގު ހެދުމުގެ މަސައްކަތުގެ ތެރެއިން ނުނިމި އޮތް ދެ ސެގްމެންޓްގެ މަސައްކަތް އަވަށް ނިންމުމަާއި ގުޅޭ ގޮތުން، ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓްރީން، ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)އާ އެކު މަޝްވަރާކޮށްފިއެވެ.

އެ މިނިސްޓްރީން ނެރުނު ނޫސްބަޔާނެއްގައި ބުނެފައި ވަނީ، ރޯޑް ކޯޕަރޭޝަނާއި އެކު ކުރެވުނު މަޝްވަރާތަކުގައި، މިހާރު ނުނިމި އޮތް ދެ ސެގްމެންޓްގެ މަސައްކަތް އަވަހަށް ފަށައި ނިންމުމާއި ގުޅޭ ގޮތުން މަޝްވަރާ ކުރެވުނު ކަމަށެވެ.

އަމީނީ މަގުގައި ނުނިމި އޮތީ، އެމަގުގައި އެންމެ ބާރު ބޮޑު ސަރަހައްދެވެ. އެއީ މާލޭ ހުޅަނގު ދެކުނު ހާބަރުގެ ފުޑުކޯޓުތަކާއި، ރޭޑިއޯ ބިލްޑިންގއާ ދެމެދުން ދަރުމަވަންތަ ހޮސްޕިޓަލާއި ހަމައަށް އޮންނަ އަމީނީމަގުގެ ނިމޭކޮޅުގެ ބައެކެވެ. އެއީ ރާއްޖެ ޓްރާސްޕޯޓް ލިންކުގެ ބޮޑެތި ބަސްތައްވެސް ދަތުރުކުރާ ރޫޓެކެވެ. އެހެންކަމުން އެބައްދަލުވުމުގައި މަގުގެ މަސައްކަތް ފަށައިގެން ކުރިޔަށް ގެންދާއިރު ޓްރެފިކް ފްލޯއަށް ގެންނާނޭ ބަދަލާއި ގުޅޭ ގޮތުން ޓްރެފިކް ފުލުހުންނާއި ވާހަކަދައްކައިގެން ހައްލެއް ހޯދުމަށްވެސް އެބައްދަލުވުމުގައި ވަނީ މަޝްވަރާކޮށްފައެވެ.