Advertisement
ެއދ. ދިގުރަށް
ވިހޭ ދަރިފުޅު މަރާލުމުގެ ކުށުގެ ތުހުމަތުގައި ހައްޔަރުކުރި ލަންކާމީހާ ޝަރީއަތް ނިމެންދެން ބަންދުކޮށްފި
ވިހޭ ތުއްތު ދަރިފުޅު މަރާލައި، ކުނިކޮތަޅަކަށް ލައި އެއްލާލި ލަންކާ އަންހެންމީހާ ޝަރީއަތް ނިމެންދެން ބަންދުކޮށްފިއެވެ.
ފުލުހުންގެ އިދާރާއިން ބުނީ އެ އަންހެންމީހާގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުން ޝަރީޢަތް ނިމެންދެން އޭނާ ބަންދުކޮށްފައި ބެެހެއްޓުމުގެ އަމުރުދީފައިވާ ކަމަށެވެ.
އދ. ދިގުރަށުގައި ގެސްޓްހައުސެއްގައި ވަޒީފާ އަދާކުރަމުން ދިޔަ އެއަންހެންމީހާ ވިހާފައިވަނީ އާދީއްތަ ވިލޭރޭގައެވެ. އަދި އޭނާ ވަނީ ވިހޭދަރިފުޅު ކަޅު ޑަސްބިންގ ބޭގަކަށްލުމަށްފަހު، ކުނިގޮނޑަށް އެއްލާލާފައެވެ. އެމައްސަލަ ފެންމަތިވީ ކުނި ވަކިކުރުމުގެ މަސައްކަތް ކުރި މީހުންނަށް ކޮތަޅުތެރޭގައި އޮތް މަރުވެފައިވާ ތުއްތު ކުއްޖާގެ ހަށިގަނޑު ފެނުމުންނެވެ.
ވިހޭ ދަރިފުޅު މަރާލުމުގެ ތުހުމަތުގައި ފުލުހުން ލަންކާ އަންހެންމީހާ ހައްޔަރު ކުރީ، އޭނާ ލަންކާއަށް ފުރައިގެން ދިޔުމަށްޓަކައި ވެލާނާ އިންޓަރނޭޝަނަލް އެއާޕޯޓަށް އައިސް ހުއްޓައެވެ.
މި މައްސަލަ ސީރިއަސް މައްސަލައެއްގެ ގޮތުގައި ފުލުހުން ގެންދަނީ ބަލަމުންނެވެ.
