Advertisement
ރައްޔިތުންގެ މަޖިލީހުގެ ހޯރަފުށީ ދާއިރާގެ މެމްބަރު އަޙްމަދު ސަލީމް ---
ރައްޔިތުންގެ މަޖިލީހުގެ ނައިބު ރައީސް ކަމުގެ މަޤާމަށް ސަލީމް ހޮވައިފި
ރައްޔިތުންގެ މަޖިލީހުގެ ނައިބު ރައީސަކަށް، ރައްޔިތުންގެ މަޖިލީހުގެ ހޯރަފުށީ ދާއިރާގެ މެމްބަރު އަޙްމަދު ސަލީމް ހޮވައިފިއެވެ،
ސަލީމް މަޖިލީހުގެ މެމްބަރު ކަމުގެ މަޤާމަށް ހޮވާފައި ވަނީ، މިރޭ ބޭއްވި ރައްޔިތުންގެ މަޖިލީހުގެ ޖަލްސާގައި ސަލީމް އެމަޤާމަށްއިންތިޚާބުކޮށްފައި ވަނީ ރައްޔިތުންގެ މަޖިލީހުގެ 51 މެމްބަރުންގެ ވޯޓާއި އެކުގައެވެ. އޭނާއާ ވާދަކުރެއްވި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު ޢަބުދުﷲ ޖާބިރަށް ލިބިވަޑައިގެންނެވީ 23 ވޯޓެވެ.
ރައްޔިތުންގެ މަޖިލީހުގެ ނައިބު ރައީސް ކަމުގެ މަޤާމަށް ސަލީމް އިންތިޚާބު ކުރުމާއިއެކު މަޖިލީހުގެ، ރިޔާސަތު އަނެއްކާވެސް އެމްޑީޕީއަށް ލިބުނީއެވެ.
ރައްޔިތުންގެ މަޖިލީހުގައި އެމްޑީޕީއަށް ސުޕަރ މެޖޯރިޓީ އޮއްވައި، ރައީސް ނަޝީދާއި އީވާ މަޖިލީހުގެ ރައީސް ކަމަށް ހޮވީ އެމްޑީޕީންނެވެ. އެހެން ނަމަވެސް ރައީސް ނަޝީދު ވަނީ، ރިޔާސީ ޕްރައިމަރީ ނާކާމިޔާބުވުމުން އެމްޑީޕީގެ ތެރޭގައި ވަކިފެކްޝަނެއް ހެއްދެވުމަށްފަހުުގައި ފަހުން، ދަޑިމޮކްރެޓްސްގެ ނަމުގައި ޕާޓީއެއް ހައްދަވާފައެވެ. އަދި އެޕާޓީއަށް މަޖިލީހުގެ ރައީސް މުޙައްމަދު ނަޝީދާއި އަދި ނައިބު ރައީސް އީވާ ޢަބުދުﷲ ސޮއިކުރެއްވުމަށްފަހުގައި މަޖިލީހުގެ ރިޔާސަތު ދޫކޮށް ނުލައްވައި ތިއްބެވުމުން، އެބޭފުޅުން މަޤާމުތަކުން ވަކިކުރުމަށް އެމްޑީޕީގެ މެމްބަރުން ގިނަ މަސައްކަތްތަކެއް ކުރަން ޖެހުނެވެ.
