Advertisement
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު --
ފަސްޓް ކްލާހުގައި ދަތުރުފުޅު ކުރައްވަން ބޭނުންފުޅު ނުވާކަމަށާއި، ފަސްޓް ކުލާހުގައި ފުރަތަމަ ދަތުރުފުޅުކުރެއްވީ ޖާގަ ނުލިބިގެން ކަމުގައި ރައީސް ވިދާޅުވެއްޖެ
ފަސްޓް ކްލާހުގައި ދަތުރުފުޅު ކުރައްވަން ބޭނުންފުޅު ނުވާކަމަށާއި، ފަސްޓް ކުލާހުގައި ފުރަތަމަ ދަތުރުފުޅުކުރެއްވީ ޖާގަ ނުލިބިގެން ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ދެޤައުމަކަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހުގައި މިއަދު މާލެ ވަޑައިގެން ވެލާނާ އެއާޕޯޓުގައި ނޫސްވެރިންނާއި ބައްދަލުކުރައްވައި ދެއްކެވި ވާހަކަފުޅުގައެވެ.
ރައީސުލްޖުމްހޫރިއްޔާ ވިދާޅުވީ، އެމަނިކުފާނުވެސް އަދި އެމަނިކުފާނުގެ ނައިބުވެސް ފަސްޓް ކުލާހުގައި ދަތުރުފުޅު ކުރައްވަން ބޭނުންފުޅު ނުވާކަމަށެވެ. އެހެން ނަމަވެސް އެންމެ ފުރަތަމަ ކުރެއްވި ރަސްމީ ދަތުރުފުޅުގައި އެމަނިކުފާނު ފަސްޓް ކްލާހުގައި ދަތުރުފުޅުކުރައްވަން ޖެހިވަޑައިގަތީ ފަސްޓް ކުލާސް ނޫންތަނަކުން ޝީޓެއް ލިބިވަޑައިނުގެންނެވުމުންކަމުގައި ވަނީ ވިދާޅުވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، ރަސްމީ ދަތުރުފުޅުތަކުގެ ޚަރަދު ބަރަދު ގިނަވެގެން 15 ދުވަސްތެރޭގައި ހާމަކުރައްވާނެ ކަމަށެވެ. އަދި ބައްލަވާނީ އެއަށްވުރެވެސް އަވަހަށް އެމައުލޫމާތު ހާމަކުރެއްވުމަށް ކަމުގައި ރައީސުލްޖުމްހޫރިއްޔާ ވިދާޅުވިއެވެ.
