ރައީސުލްޖުމްހޫރިއްޔާގެ ބަޔާނުގައި ވިދާޅުވީ، ސަރުކާރުގެ ރޭވުމަކީ ދައުލަތުގެ މާލީ ހާލަތު ރަނގަޅުކޮށް، ދެމެހެއްޓެނިވި މިންގަނޑަކަށް ދަރަނި އަދި ފިސްކަލް ހާލަތު ގެނައުމަށް، އަޅުގަނޑުމެންގެ އަމިއްލަ އިޞްލާޙީ ސިޔާސަތެއް އެކަށައަޅައި ހިންގުން ކަމަށެވެ. އަދި މިއީ ޤައުމުގެ އިޤްތިޞާދީ އަދި މާލީ މުސްތަޤްބަލަށް މި ވަގުތު ކޮންމެހެން ކުރަންޖެހޭ ކަމެއް ކަމުގައި ދެކެވަޑައިގަންނަވާ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

4000 ފްލެޓް ލިބޭ ކަމަށް ކަނޑައެޅި ފަރާތްތަކުގެ ތެރެއިން ޝަރުތު ފުރިހަމަވުމުގައި އެއްވެސް މައްސަލައެއް ނެތްކަމަށް ފާހަގަވެފައި ވަނީ %20.7 މީހުން ކަމަށެވެ. އަދި %19.7 މީހުންނަކީ، ޝަރުޠު ހަމަވާކަމަށް ކަނޑައެޅި ނަމަވެސް އެމީހުން ހުށައަޅާފައިވާ ފޯމްތަކުގެ މައުލޫމާތަށް ބަލާއިރު ޝަރުޠު ހަމަ ނުވާ މީހުންކަމަށާއި، ފްލެޓް ލިބޭކަމަށް ކަނޑައެޅި މީހުންގެ ޖުމުލަ %59.6 (2،113) މީހުންނަކީ، ފްލެޓްދިނުމަށް ކަނޑައަޅާފައިވާ ޝަރުޠުތަކަށް ބަލާއިރު، ޝަރުޠު ހަމަނުވާ މީހުން ކަމުގައި، އޭސީސީގެ ތަޙްޤީޤަށް ފާހަގަވެފައިވާ ކަމުގައި އޭސީސީން ވަނީ ބުނެފައެވެ.

މި ހިނގާ 2024 ވަނަ އަހަރުގެ ރައްޔިތުންގެ މަޖިލީހުގެ ފުރަތަމަ ދައުރުގެ ފުރަތަމަ ޖަލްސާގައި ރިޔާސީ ބަޔާން އިއްވަވަމުން ރައީސް ޑރ. މުއިއްޒު ވިދާޅުވީ، ސިޔާސީގޮތުން މީހުން ހައްޔަރުކޮށް އަދަބު ދިނުމަކީ އެމަނިކުފާނު ކުރައްވާނެކަމެއް ނޫންކަމަށެވެ. އެހެން ނަމަވެސް ޤާނޫނީ ވެރިކަން ދަމަހައްޓައި ނަގަހައްޓަވާނެ ކަމުގައި އެމަނިކުފާނު ވިދާޅުވިއެވެ.

ރައްޔިތުންގެ މަޖިލީހަށް ރައީސުލްޖުމުހޫރިއްޔާ ޑރ. މުޙައްމަދު މުއިއްޒު ރިޔާސީ ބަޔާން އިއްވެވުމަށް ހަމަޖެހިފައިވާ، މަޖިލީހުގެ މިއަހަރުގެ ފުރަތަމަ ޖަލްސާގައި އެމް.ޑީ.ޕީގެ ޕާލިމަންޓަރީ ގްރޫޕުގެ މެންބަރުން ހާޒިރުނުވުމަށް، ޕާލިމަންޓަރީ ގްރޫޕްގެ 148 ވަނަ ބައްދަލުވުމުގައި ވަނީ ފާސްކޮށްފައި ކަމަށެވެ.

ރައީސުލްޖުމްހޫރިއްޔާގެ އޮފީހުން ވިދާޅުވެފައިވާ ގޮތުގައި، ރައީސުލްޖުމްހޫރިއްޔާ މި ސިޔާސަތުތައް ކަނޑައެޅުއްވީ މިއަދު އޮތް ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ހެލްތުން ހުށަހެޅުއްވި ކަރުދާހުގެ މައްޗަށް ވަޒީރުންގެ މެދުގައި މަޝްވަރާކުރެއްވުމަށް ފަހުގައެވެ.

ރިޔާސީ ބަޔާނަކީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 84 ވަނަ މާއްދާގައިވާ ގޮތުގެމަތިން، ކޮންމެ އަހަރަކު ރައްޔިތުންގެ މަޖިލިސް ހުޅުވާ ޖަލްސާގައި ޤައުމުގެ ޙާލަތާއި އަދި ކުރިޔަށް ހުރި ޕްލޭންތަކާއި ތަޞައްވަރުގެ މައްޗަށް ރައީސުލްޖުމްހޫރިއްޔާ ހުށައަޅުއްވަންޖެހޭ ބަޔާނެކެވެ.

ފަހުމުނާމާގެ ދަށުން ސަގާފީ ތަރިކަ ރައްކާތެރިކުރާ ޤައުމީ މަރުކަޒުގެ ފަންނީ އިރުޝާދުގެ ދަށުން، ސްޓެލްކޯއިން މާލޭ ހުކުރު މިސްކިތާއި މިސްކިތުގެ ގޯތިތެރެ އަދި މުންނާރާއި މާލޭ މެދުޒިޔާރަތުގެ އިތުރުން ކަޅުވަކަރު މިސްކިތާއި މިސްކިތުގެ ގޯތިތެރޭގައި، އެތަންތަން ރައްކާތެރިކަމާއިއެކު ގިނަ ޒަމާންތަކަކަށް ދެމެހެއްޓުމަށްޓައި ކުރަންހުރި އާބާތުރަފިލުވުމާއި މަރާމާތުކުރުމާއި ޒީނަތްތެރުކުރުމުގެ މަސައްކަތްތައް ކުރުމަށް ވަނީ ހަމަޖެހިފައެވެ. އަދި ހަމަ މިއާއިއެކު އެ ތަންތަނުގައި ކުރަންހުރި ކަރަންޓުގެ އެކި މަސައްކަތްތައްވެސް މި ފަހުމުނާމާގެ ދަށުން ކުރުމަށް ވަނީ ހަމަޖެހިފައެވެ.

މަޖިލީހުގެ ރައީސާއި ނާއިބު ރައީސްގެ މައްޗަށް ޢިތުބާރުނެތްކަމުގެ މައްސަލަ ހުށައަޅުއްވާފައި ވަނީ، އެމްޑީޕގެ ޓިކެޓްގައި މަޖިލީހުގެ ގޮނޑިއަށް ވަޑައިގެން ފަހުން ޕާޓީ ބަދަލުކުރައްވައި ސަރުކާރު ހިންގާޕާޓީ ޕީއެންސީއާ ގުޅިވަޑައިގެންނެވި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖެވެ. އެމައްސަލަ ހުށައެޅީ ސަރުކާރަށް ތާއީދު ކުރާ 23 މެމްބަރެއްގެ ސޮޔާއި އެކުގައެވެ.

ރަމަޟާން މަހުގެ ފަހު ދިހައެއްގެ ބަންދާއި އެކު، މާރިޗު 31 އިން އޭޕްރީލް 13 އަށް މެދު ނުކެނޑި 14 ދުވަސް ސަރުކާރު ބަންދުވާނެއެވެ.

މޯލްޑިވްސް އިސްލާމިކް ބޭންކްގެ ޑޮލަރު އޭޓީއެމްއެއް ފުރަތަމަ ފަހަރަށް ހުޅުމާލޭގައި ހުޅުވައިފިއެވެ. މި އޭޓީއެމް ހުޅުވައިދެއްވީ ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީގެ މެނޭޖިންގ ޑިރެކްޓަރ ފަޒުލް ރަޝީދުއެވެ.

"ހިޔަލަ ވީކެންޑް މަރކެޓް"ގައި ކޮންމެ ހަފްތާއަކު ފުރުޞަތުދޭ ވިޔަފާރިތަކުގެ އަދަދު އިތުރުކޮށް، ހަފްތާއަކު ތިން ދުވަހު މި މަރކެޓް ބޭއްވުމަށް ބީސީސީން ނިންމައިފިއެވެ.

މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ. އައިޝަތު ރަމީލާ މަޤާމަށް އައްޔަނުކުރެއްވިތާ މާގިނަ ދުވަސްތަކެއް ނުވަނީ އެކަމަނާ ވަނީ، ބޭސްފަރުވާއަށް ރާއްޖެއިން ބޭރަށް ވަޑައިގެންފައެވެ. އެކަމަނާއަށް ކެންސަރު ޖެހިފައިވާކަން އެނގިވަޑައިގަތީ މަޤާމާއި ހަވާލުވެވަޑައިގެންނެވިވާ މަދު ދުވަސްކޮޅެއްގެ ތެރޭގައެވެ.

ފަލަސްޠީނުގެ ގާޒާ އަށާއި، ހުޅަނގު އައްސޭރީގައި އިޒްރޭލު ސިފައިން ދީފައިވާ ހަމަލާތަކުގައި މިހާތަނަށް ވަނީ 27000 ވުރެ ގިނަ މީހުން ޝަހީދުވެފައެވެ. އޭގެ ތެރޭގައި 18000 ވުރެ ގިނަ ކުޑަކުދިން ހިމެނެއެވެ. އިޒްރާއީލުން ވަނީ ރޭވެސް ރަފަހްގެ ރެފިއުޖީ ކޭމްޕަކަށް ހަމަލާދީފައެވެ.

ރިޔާސީ ބަޔާނަކީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 84 ވަނަ މާއްދާގައިވާ ގޮތުގެމަތިން، ކޮންމެ އަހަރަކު ރައްޔިތުންގެ މަޖިލިސް ހުޅުވާ ޖަލްސާގައި ޤައުމުގެ ޙާލަތާއި އަދި ކުރިޔަށް ހުރި ޕްލޭންތަކާއި ތަޞައްވަރުގެ މައްޗަށް ރައީސުލްޖުމްހޫރިއްޔާ ހުށައަޅުއްވަންޖެހޭ ބަޔާނެކެވެ.

ވަގުތީ ނަތީޖާއިން ދައްކާ ގޮތުން، ރައްޔިތުންގެ މަޖިލީހުގައި މިހާރު ތިއްބެވި ގިނަ މެމްބަރުންތަކެއްވެސް ވަނީ އެބޭފުޅުން ވާދަކުރެއްވި ދާއިރާތަކުން ޕާޓީގެ ޓިކެޓް ކަށަވަރު ކުރައްވާފައެވެ.