Advertisement
ފުލުހުންގެ މައި މަރުކަޒު --
ފްލެޓެއް ލިބިފައިވާ ކަމަށް ބުނެ މީހެއްގެ އަތުން އޮޅުވާަލައިގެން 2 ލައްކަ ރުފިޔާ ފޭރުނު މައްސަލައެއް ބަލަން ފަށައިފި
ފްލެޓެއް ލިބިފައިވާ ކަމަށް ބުނެ މީހެއްގެ އަތުން އޮޅުވާަލައިގެން 2 ލައްކަ ރުފިޔާ ފޭރުނު މައްސަލައެއް ފުލުހުން ބަލަން ފަށައިފިއެެވެ.
ފުލުހުންގެ އިދާރާއިން ވިދާޅުވީ، ގއ.ވިލިގިނލީގައި އެރަށު މީހެއްގެ އެކައުންޓުން އޮޅުވާލައިގެން 2 ލައްކައަށް ވުރެ ގިނަ ރުފިޔާ ފޭރުނު މައްސަލައެއް އެއިދާރާއަށް ހުށައަޅާފައިވާ ކަމަށެވެ. އެމީހާގެ އެކައުންޓުން ފައިސާ ނަގާފައި ވަނީ، އެޗްޑީސީން އެމީހާއަށް ފްލެޓެއް ލިބިފައިވާ ކަމަށް ބުނެ މަކަރާއި ހީލަތުން، އެމީހަށް އޮޅުވާލައިގެން ކަމަށްވެސް ފުލުހުންގެ އިދާރާއިން ވަނީ ބުނެފައެވެ.
ފުލުހުން ވިދާޅުވީ އެމައްސަލައިގައި މިހާތަނަށް މީހަކު ހައްޔަރުކޮށްފައި ނުވާކަމަށާއި، އެހެން ނަމަވެސް އެމައްސަލަ ތަޙްޤީޤުކުރަމުންދާ ކަމަށެވެ.
އޮޅުވާލައިގެން އެކި ގޮތް ގޮތުން މީހުންގެ އެކައުންޓުތަކުން ފައިސާ ފޭރުމުގެ އަމަލުތަކަކީ ތަކުރާރުކޮށް ހިނގަމުން އަންނަ އަމަލުތަކެވެ. މިފަދަ މައްސަލަތަކުގައި މީހުންގެ އަތުން ގެއްލިފައިވާ ފައިސާގެ އަދަދު 57 މިލިއަނަށް ވުރެ މަތިކަމަށާއި އެފަދަ މައްސަލަތަކުގައި އަނބުރާ ހޯދިފައި ވަނީ، މިލިޔަނެއްހައި ރުފިޔާ ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ.
