ރަށްރަށާއި ކައިރިން އާމްދަނީއާއި ވަޒީފާގެ އިތުރު ފުރުޞަތުތައް ފަހިކޮށް ދިނުމުގެ ގޮތުން ފިޝަރީޒް މިނިސްޓްރީން ހިންގާ މެރިން ހެޗަރީ ސްކިލްސް ޑިވެލޮޕްމަންޓް ތަމްރީން ޕްރޮގްރާމް މިއަދު ފަށައިފިއެވެ.

އެމިނިސްޓްރީން ހާމަކުރައްވާ ގޮތުގައި ރާއްޖޭގެ އެކި ސަރަހައްދުތަކުން މި ޕްރޮގްރާމްގައި ބައިވެރިވި 15 ބައިވެރިންނާއިއެކު، މިތަމްރީން ޕްރޮގްރާމް ފަށާފައި ވަނީ މިއަދު ހެނދުނު، ކ. މަނިޔަފުށީގައެވެ. 8 ފެބްރުއަރީ 2024 އިން 21 ފެބްރުއަރީ 2024 ގެ ނިޔަލަށް ކުރިއަށް ގެންދާ މި ޕްރޮގްރާމަކީ މެރިކަލްޗަރގެ ދާއިރާއިން ތަފާތު ބައިތައް ހިމެނިގެން ފަރުމާކޮށްފައިވާ ޕްރޮގަރާމެއްކަމުގައި އެމިނިސްޓްރީން ވަނީ ހާމަކުރައްވާފައެވެ.

މޯލްޑިވްސް މެރިން ރިސާޗް އިންސްޓިޓިއުޓުން ކުރިއަށްގެންދާ މިތަމްރީން ޕްރޮގްރާމްގެ އަމާޒަކީ، މެރިކަލްޗަރ ތަރައްޤީކޮށް ރާއްޖޭގެ އެކި ކަންކޮޅުތަކުގައި ދިރިއުޅޭ ފަރާތްތަކަށް، ރަށްރަށާއި ކައިރިން އާމްދަނީއާއި ވަޒީފާގެ އިތުރު ފުރުޞަތުތައް ފަހިކޮށް، ރާއްޖޭގައި ކުރެވޭ އިޤްތިޞާދީ މަސައްކަތްތައް އިތުރަށް ފުޅާކޮށް ސިންދަފާތުކުރުން ކަމުގައި ފިޝަރީޒް މިނިސްޓްރީން ވިދާޅުވެއެވެ. އަދި މި ޕްރޮގްރާމުގައި ވީހާވެސް ގިނަބަޔަކަށް ބައިވެރިވުމުގެ ފުރުޞަތު ފަހިކޮށްދިނުމަށް، ތަމްރީނު ޕްރޮގްމާމްތަކުން ފޯރުކޮށްދޭ މައުލޫމާތާއި ދަސްކޮށްދެވޭ ހުނަރުތަކަކީ ދިވެހިރާއްޖޭގައި މެރިކަލްޗަރ ސިނާޢަތެއް ޤާއިމްކޮށް ތަރައްޤީކުރުމަށް ބޭނުންތެރިކަންކަމަށް ހެދުމަށްޓަކައި މި ޕްރޮގްރާމްގައި ތަމްރީނު ދިނުމަށް ހަމަޖެހިފައިވަނީ 2 ގޮތަކަށް ކަމުގައިވެސް އެމިނިސްޓްރީން ވިދާޅުވިއެވެ.

މިގޮތުން އެއްގޮތަކީ، ތަމްރީނުގައި ބައިވެރިވާ ފަރާތްތަށް ދިރިއުޅޭ ރަށްތަކަށް ޓީމުތަކުން ގޮސްގެން އެރަށްރަށުގައި ތަމްރީން ދިނުމެވެ. އަދި އަނެއް ގޮތަކީ، ވަކި ބާވަތެއް އާލާކުރުމުގެ ހުނަރުތައް ދަސްކޮށްދިނުމަށްޓަކައި މަނިޔަފުށީ ރިސާރޗް އެންޑް ޓްރޭނިން ފެސިލިޓީގައި ތަމްރީންތައް ހިންގުމެވެ.

މިއަދުފެށި މި ތަމްރީން ޕްރޮގްރާމްގައި، ފާނަ، ހުއިފި ލަނޑާ، ދިވެހި މާގަނޑުމަހުގެ އިތުރުން އިތާމުތް އާލާކޮށް ދިރުވާނޭ ގޮތްތައް ދަސްކޮށްދޭނެއެވެ. މިއީ މި