އޭސީސީން ބުނީ، ގެދޮރުވެރިޔާ ސްކީމްގެ ދަށުން، ފްލެޓް ދޫކުރުމާއި ގުޅޭ ގޮތުން، ތަޙްޤީޤުކުރަމުންދާ މައްސަލައިގައި، އެކޮމިޝަނުން ތައްޔާރުކޮށްފައިވާ ލިސްޓެއްކަމަށް ބުނެ، ސޯޝަލް މީޑިއާގައި ދައުރުކުރަމުން ދަނީ އެކޮމިޝަނުން ތައްޔާރުކޮށްފައިވާ ލިސްޓެއް ނޫންކަމަށެވެ.

މި މުޢާހަދާއަކީ ހައި ސީސް ނުވަތަ މާކަނޑުގެ ދިރުންތަކާއި ސަރަހައްދުތައް ހިމާޔަތްކޮށް ރައްކާތެރިކުރުމަށާއި، ދެމެހެއްޓެނިވި ގޮތުގައި ބޭނުންކުރުމަށް މަގުފަހިކުރުމަށް އެކުލަވާލާފައިވާ މުޢާހަދާއެކެވެ. މި މުޢާހަދާ އެކުލަވައިލެވިގެން ދިއުމަކީ މާކަނޑުގެ މާހައުލީ ނިޒާމުތައް ރައްކާތެރިކޮށް ހިމާޔަތްކުރުމަށް މިހާތަނަށް ބައިނަލްއަޤްވާމީ ގޮތުން ކުރެވުނު އެންމެ މުހިންމު މަސައްކަތެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ރައީސުލްޖުމްހޫރިއްޔާގެ މިދަތުރުފުޅަކީ، ދުބާއީގައި މިމަހުގެ 12 އިން 14 އަށް ބާއްވާ ވަރލްޑް ގަވަރމަންޓްސް ސަމިޓް 2024ގައި ބައިވެރިވެވަޑައިގަތުމަށް ކުރައްވާ ރަސްމީ ދަތުރުފުޅެކެވެ. މިދަތުރުފުޅުގައި ރައީސުލްޖުމްހޫރިއްޔާ، ޔޫއޭއީއަށް ވަޑައިގެންނެވީ، ޔޫ.އޭ.އީ. ގެ ވައިސް ޕްރެޒިޑެންޓް، ބޮޑުވަޒީރު، ޔޫ.އޭ.އީ.ގެ މިނިސްޓަރ އޮފް ޑިފެންސް، އަދި ދުބާއީގެ ވެރިޔާ، ޝައިޚް މުޙައްމަދު ބިން ރާޝިދު އަލް މަޚްތޫމްގެ ދަޢުވަތަކަށެވެ.

ރައްޔިތުންގެ މަޖިލީހުން މިބިލް ފާސްކުރި ނަމަވެސް މި ބިލް ޤާނޫނަކަށްވެ ޢަމަަލުކުރަން ފަށަން ޖެހޭނީ ރައީސުލްޖުމްހޫރިއްޔާ ބިލް ތަސްދީޤު ކުރެއްވުމުންނެވެ. ބިލް ތަސްދީޤުކުރުމަށް ރައީސުލްޖުމްހޫރިއްޔާއަށް ލިބިވަޑައިގަންނަވާނީ، 14 ދުވަހުގެ މުއްދަތެކެވެ. ރައީސުލްޖުމްހޫރިއްޔާ ބިލް ތަސްދީޤު ނުކުރައްވައި، އަނބުރާ މަޖިލީހަށް ފޮނުއްވާ ލައްވައިފިނަމަ، މަޖިލީހުން ދެވަނަ ފަހަރަށް އެބިލް ފާސްކުރުމުން އެހިސާބުން ޤާނޫނަކަށްވެ ޢަމަލުކުރަންޖެހޭނެއެވެ.

މިހާދިސާގައި އަލިފާން ރޯވެފައި ވަނީ، އެ ސްޓޯރޭޖްގެ ތެރޭގައި ހުރި، ހާޑުވެއާ ސާމާނުތަކެއްގައި ކަމަށާއި، އަލިފާން ނިވާލެވިފައިވާ ކަމަށް އެމްއެންޑިއެފުން ވަނީ ބުނެފައެވެ.

ސަލީމް ވިދާޅުވީ، ޤާބިލްކަމުގެ ގޮތުން މަޖިލިސް އަދިވެސް އޮތީ ވަރަށް ޅަފަތުގައި ކަމަށާއި، އުމުރާއި އެއްވަރަށް މަޖިލިސް ކުރިއަރައި ނުދާކަމަށެވެ. އަދި އެކަން އެންމެ ބޮޑަށް ދެނެގަތީ 19 ވަނަ ރައްޔިތުންގެ މަޖިލީހުގައި ކަމަށް ދެންނެވުމަކީވެސް ކުށަކަށް ނުވާނެ ކަމުގައި ސަލީމް ވިދާޅުވިއެވެ.

ސަވާދީއްތަ ދަތުރަކީ ރާއްޖޭގެ ފަތުރުވެރިކަން އިޝްތިހާރުކުރުމަށް މޯލްޑިވްސް އިންޓަގްރޭޑެޓް ޓޫރިޒަމް ޑިވެލޮޕްމަންޓް ކޯޕަރޭޝަން، އެމްއައިޓީޑީސީން އަހަރަކު އެއްފަހަރު، ސިލްސިލާ ގޮތެއްގައި ކުރިއަށްގެންދާ ބައިނަލްއަޤްވާމީ ޔޮޓްރެލީއެކެވެ.

ފުލުހުންގެ އިދާރާއިން ބުނީ، ހުޅުމާލެ ރީތިގަސް މަގުގައި، ހިނގާފައި ދިޔަ އަންހެނެއްގެ ކަރުގައި އޮތް ފަށް ފޭރިގަތްކަމުގެ ރިޕޯޓްކޮށްފައި ވަނީ މިއަދު ހެނދުނު، 6:30 ހާއިރުގައި ކަމަށެވެ. އަންހެންމީހާ ހިފަހައްޓައި އޭނާގެ ކަރުގައި އޮތް ފަށް ފޭރިގަތީ، ސައިކަލެއްގައި އެސަރަހައްދުގައި އުޅުނު ދެމީހުންކަމުގައި ވެސް ފުލުހުންގެ އިދާރާއިން ވަނީ ވިދާޅުވެފައެވެ.

މި އަހަރުގެ ޙައްޖުގެ އަޅުކަމަށް ޖާގަ ކަށަވަރުކުރުމަށް ކަމަށް ބުނެ ފައިސާ ޖަމާކުރުމަށް އެދި މޯލްޑިވްސް ޙައްޖު ކޯޕަރޭޝަންގެ ނަމުގައި ކުރާ ފޯން ކޯލުތަކަކަށް ސަމާލުވުމަށް އިލްތިމާސްކުރައްވައިފިއެވެ.

ދިވެހިރާއްޖޭގެ ޝަހީދުންގެ ދުވަހުގެ ގޮތުގައި ފާހަގަކުރަނީ، ހިޖުރީ ކަލަންޑަރުން ކޮންމެ އަހަރެއްގެވެސް ޝަޢުބާން މަހުގެ 1 ވަނަ ދުވަހެވެ. އެދުވަހަކީ، ދިވެހިތަޚުތުގައި ރެނދަލި ކުރެއްވި އައްސުލްޠާން ޢަލީ 6 ވަނަ، ޕޯޗްގީޒުންނާއި ހަނގުރާމަކުރައްވައި ޝަހީދުވެވަޑައިގެންނެވި ދުވަހެވެ.

ދެވަނަ ޑިވިޝަން ފުޓުބޯޅަ މުބާރާތުގެ ކުއާޓާ ފައިނަލްގައި މިދިޔަ ބުދަ ދުވަހު ވިކްޓަރީ ސްޕޯޓްސް ކްލަބާއި ކުޑަ ހެންވޭރު ޔުނައިޓެޑް ބައްދަލުކުރި މެޗުގައި ހިނގާދިޔަ ހަމަނުޖެހުންތަކާ ގުޅިގެން 2 މީހަކު ހައްޔަރުކޮށްފިއެވެ.

ނުކުޅެދުންތެރިކަން ހުންނަ ފަރާތްތަކަށް ވަޒީފާގެ ފުރުސަތުތައް ފަހިކޮށްދިނުމުގެ ގޮތުން ޚާއްސަ ފެސްޓިވަލެއް ބޭއްވުމަށް ނިންމަވާފައިވާކަމަށް އިޖުތިމާޢީ އަދި އާއިލީ ތަރައްގީއާއި ބެހޭ ވުޒާރާއިން ވިދާޅުވެއްޖެއެވެ.

މި ސަރުކާރުން ރޯދަ މަހާއި ދިމާކޮށް ކޮންމެ ގޭބިސީއަކަށް ހަނޑުލާއި ފުށް ބަހަން ނިންމާފައިވާއިރު, ރަޖިސްޓްރީ ނުވިޔަސް އެތަކެތި ލިބޭނެކަމަށް ސިޓީތަކާއި އިދާރީ ދާއިރާތައް ހިންގުމާ ބެހޭ ވަޒީރު ޢާދަމް ޝަރީފް އުމަރު ވިދާޅުވެއްޖެއެވެ.

މާލޭގެ މަގުމަތީގައި ހަމައެއް ލަމައެއްނެތި ހަތަރު ފުރޮޅުލީ އުޅަނދު ޕާކުކުރުން މިހާރު އާންމު ކަމަކަށްވެފައި ވާއިރު، ކުރީގެ ފަސްޓް ލޭޑި ފަޒްނާ އަޙުމަދު އެކަމަށް ފާޑު ވިދާޅުވެއްޖެއެވެ. ސޯޝަލް މީޑިއާގައި މެޑަމް ފަޒްނާ ކުރެއްވި ޕޯސްޓެއްގައި ވިދާޅުވެފައިވާ ގޮތުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވައުދެއް ފުއްދުމުގެ ބޭނުމުގައި، އެމީހަކު ކުރާނެ ގޮތަކަށް ޕާކު ކުރަން ދޫކޮށްލާފައި އޮތުމުން، ގާނޫނާ ޚިލާފު ސަގާފަތެއް މިހާރު ދަނީ އާންމުވަމުންނެވެ.

ރައްޔިތުންގެ މަޖިލީހުގެ އިންތިޚާބުގައި ވާދަކުރުމަށް މިހާތަނަށް ހުށައަޅާފައިވަނީ އެންމެ 15 މީހުންކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ. މަޖިލިސް އިންތިޚާބުގައި ވާދަކުރުމުގެ ފުރުސަތު އިލެކްޝަންސް ކޮމިޝަނުން ހުޅުވާލީ މިދިޔަ ޖެނުއަރީ މަހުގެ 30ވަނަ ދުވަހުއެވެ.