Advertisement

ފޮޓޯ: ސޯޝަލް މީޑިއާ

12 Feb 2024
ޚަބަރު

ފައިލޭރިއާއަށް ސްކްރީން ކުރުމަށް ގައުމީ ކެންޕެއިނެއް ފަށަނީ

ފައިލޭރިއާއަށް ސްކްރީން ކުރުމަށް މުޅި ރާއްޖޭގައި ކެމްޕޭނެއް ފަށަން ތައްޔާރުވެއްޖެއެވެ. މި ކެންޕޭން ފަށާނީ އަންނަ ހުކުރު ދުވަހުއެވެ.

އެޗްޕީއޭއިން ނެރުނު ބަޔާނުގައި ބުނީ ރާއްޖޭގައި ދިރިއުޅޭ ދިވެހިންނާއި ބިދޭސީންގެ މެދުގައި ފައިލޭރިއާ ބަލި ހުރި މިންވަރު ދެނެގަތުމަށް އަންނަ ހަފުތާގައި މުޅި ރާއްޖޭގައި ސްކްރީނިން ގެންދަނީ ރެޑް ކްރެސެންޓާއި ހޮސްޕިޓަލްތަކާއި ހެލްތު ސެންޓަރު އަދި ކައުންސިލްތައް ގުޅިގެން ކަމަށެވެ.

އޭގެ ތެރެއިން މީހުން ދިރިއުޅޭ ހުރިހާ ރަށަކާއި ބައެއް ރިސޯޓުތަކާއި ސިނާއި މަސައްކަތްކުރާ ރަށްރަށުގައި ސްކްރީނިން ގެންދަން ވަނީ ނިންމައިފައެވެ.

ޓީމުތަކުން އެ ގޭގެއަށް އަންނަ ހުކުރު ދުވަހުގެ ހަވީރު 4:00 އިން ފެށިގެން ރޭގަނޑު 9:00 އާ ދޭތެރޭގެ ވަގުތެއްގައި ޒިޔާރަތްކޮށް ސާމްޕަލް ނަގާނެއެވެ.

އެޗްޕީއޭއިން ބުނީ ސްކްރީނިންގައި ކޮންމެ ރަށަކުން ވެސް ބައިވެރިކުރާނީ ވަކި އަދަދަކަށް، ގުރުއަތުން ހޮވޭ 18 އަހަރުން މަތީގެ ދިވެހިންނާއި ބިދޭސީން ކަމަށެވެ. ފައިލޭރިއާއަށް ޓެސްޓުކުރާނީ ގައިން ލޭ ނެގުމަށްފަހު ހަދާ އެންޓިޖެން ޓެސްޓުންނެވެ. އޭގެ ނަތީޖާ 10-15 މިނެޓުގެ ތެރޭގައި ލިބޭނެއެވެ.

ބިދޭސީންގެ ތެރެއިން ވެސް ހޮވޭ ފަރާތްތަކަށް ސްކްރީނިން ކުރިއަށް ގެންދިއުމަށްޓަކައި ވަޒީފާ ދިން ފަރާތްތަކާ ވާހަކަދައްކާނެ ކަމަށް އެޗްޕީއޭއިން ބުންޏެވެ. އެ އެޖެންސީން ވަނީ ހުޅުމާލެއިން ހޮވާލެވޭ ސަރަހައްދެއްގައި އެ ސްކްރީނިން ޕްރޮގްރާމްގެ ޕްރީ-ޓެސްޓު ކުރުމުގެ މަސައްކަތް ގެންދަން ވެސް ނިންމައިފައެވެ.

ރާއްޖެއިން ފައިލޭރިއާ ނައްތާލިކަމަށް ޑަބްލިއުއެޗްއޯއިން ކަނޑައެޅީ 2016 ވަނަ އަހަރު އެވެ. ނަމަވެސް، ދުނިޔޭގެ އެއިޑްސް ދުވަސް ފާހަގަކުރަން ހދ. ކުޅުދުއްފުށީގައި މިދިޔަ ޑިސެމްބަރު މަހު ހެދި ރެންޑަމް ސްކްރީނިންއަކުން އެ ބަލި ޖެހިފައި ތިބި ބިދޭސީންތަކެއް ވަނީ ފެނިފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.