ކުރިއަށް އޮތް ރައްޔިތުންގެ މަޖިލީސް އިންތިހާބުގައި ވޯޓުފޮށި ބެހެއްޓޭވަރަށް ރީރަޖިސްޓްރީ ކޮށްފައިވަނީ ރާއްޖެއިން ބޭރު ދެ ގައުމެއްގައިކަން އިލެކްޝަންސް ކޮމިޝަނުން ހާމަކޮށްފިއެވެ.

މާލޭ ސަރަހައްދުގެ މިސްކިތްތައް ފޮޅާ ސާފުކުރުމުގެ ކަންކަން ސީދާ ކައުންސިލުން ކުރިއަށް ގެންދަން ސިޓީ ކައުންސިލުން މިއަދު ނިންމައިފިއެވެ.

ކެންސަރު ހޮސްޕިޓަލް އިމާރާތްކުރުމަށް ފީސިބިލިޓީ ދިރާސާތައް ކޮށްދޭނެ ބަޔަކު ހޯދަން ސަރުކާރުން އިއުލާންކޮށްފިއެވެ. ކެންސަރު ހޮސްޕިޓަލް އެޅުމަށް ހަމަޖެހިފައިވަނީ ދަރުމަވަންތަ ސްކޫލްގެ ފުރަގަހުން އޮންނަ ބިމުގައެވެ.

ސްޕްރީމްކޯޓުން ހާމަކޮށްފައިވާ ގޮތުގައި، ކުރިން އެމަޤާމުގައި ހުންނެވި، ޢާއިޝާ ޝުޖޫންގެ ބަދަލުގައި އެމަޤާމަށް ފަނޑިޔާރު ޙުސްނު ސުޢޫދު ހަމަޖެއްސެވީ، ސުޕްރީމްކޯޓުގެ ފަނޑިޔާރުންގެ މެދުގައި މަޝްވަރާކުރެއްވުމަށްފަހުގައި އެކަން އެގޮތަށް ހަމަޖެއްސެވުމަށް އެބޭފުޅުންނަށް ފެނިވަޑައިގެންނެވެ.

މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް ހުށައެޅި ސަރުކާރު ހިންގާ ޕާޓީ، ޕީއެންސީ އިންނެވެ. އެޕާޓީގެ މެމްބަރަކު ވިދާޅުވީ، މައްސަލަ އަނބުރާ ނަގާފައި ވަނީ މިއަދު ކަމަށާއި، އެ މައްސަލައިގައި ސޮއިކުރެއްވި ގިނަ މެމްބަރުންވެސް އަނބުރާ ސޮއެ ނަގާފައިވާ ކަމަށެވެ. އޭގެ ސަބަބަކީ، މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ މިވަގުތު ކުރިޔަށް ގެންދިޔުމަކީ އެންމެ ރަނގަޅުގޮތް ކަމަށް ނުފެންނާތީ ކަމުގައިވެސް އެ މެމްބަރުން ވިދާޅުވިއެވެ.

ރާއްޖޭގެ އެމްބަސީއެއް ތުރުކީގައި ގާއިމުކޮށްފިއެވެ. ރައީސް އޮފީހުން ބުނީ، "ތުރުކީގައި ހުންނަ ދިވެހިރާއްޖޭގެ އެމްބަސީ"ގެ ނަމުގައި އިދާރާއެއް މިއަދު އުފައްދަވާފައިވާ ކަމަށެވެ.

މޯލްޑިވްސް އިންލޭންޑް ރެވެނިއު އޮތޯރިޓީ، މީރާއަށް މިދިޔަ މަހު 3.60 ބިލިއަން ރުފިޔާ ބަލައިގަނެފައިވާކަމަށް އެ އިދާރާއިން ވިދާޅުވެއްޖެއެވެ. މި އަދަދަކީ މިދިޔަ އަހަރުގެ މި މުއްދަތުގައި ލިބުނު އާމްދަނީއަށްވުރެ %5.7 އިތުރު އަދަދެކެވެ. މިއީ ލިބޭނެކަމަށް އަންދާޒާކޮށްފައިވާ އަދަދަށްވުރެ %12.2 އިތުރު އަދަދެކެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ދުބާއީގައި މިއަދު ބޭއްވި އިންވެސްޓް މޯލްޑިވްސް 2024 ދުބާއީ ފޯރަމްގައި ބައިވެރިވެވަޑައިގެންފިއެވެ. ދުނިޔޭގެ އެކި ކަންކޮޅުތަކުން އިންވެސްޓަރުންނާއި ވިޔަފާރިވެރިން އެއްތަނަކުން ބައްދަލުވުމުގެ މަގުސަދުގައި ބާއްވާ މި ފޯރަމަކީ ދިވެހިރާއްޖޭގައި ހުރި ތަފާތު އިންވެސްޓްމަންޓް ފުރުޞަތުތައް ދައްކުވައިދޭ ފޯރަމެކެވެ.

އެމަނިކުފާނު މިހެންވިދާޅުވީ، ފްލެޓް މައްސަލަ އާއި ގުޅިގެން، ހައުސިންގ މިނިސްޓަރާއި އެމިނިސްޓްރީގެ ބޭފުޅުން، ރައްޔިތުންގެ މަޖިލީހުގެ ޤައުމީ ތަރައްޤީއާ ތަރިކައިގެ ކޮމިޓީއަށް ހާޟިރުވެވަޑައިގެން ދެއްކެވި ވާހަކަފުޅުގައެވެ.

ފިއްލަދޫ ޕޮލިސް ޕޯސްޓު ހުޅުވައިދެއްވައި ކޮމިޝަނަރ އޮފް ޕޮލިސް ދެއްކެވި ވާހަކަ ފުޅުގައި، ފިއްލަދޫއަކީ އަހުވަންތަ ކުށްމަދު އަމާން މުޖުތަމައެއްގެ ވެރި ބައެއް ދިރިއުޅެމުންދާ ރަށެއްގެ ގޮތުގައި ފާހަގަކުރެއްވިއެވެ. އަދި މިރަށުގައި ފުލުހުން ގާއިމުވެ ތިބޭ ހިނދު މިރަށަކީ ރަށުގެ މުއައްސަސާތަކާ ގުޅިގެން ކުށްމަދު އަމާން ވެއްޓެއް ގާއިމުވެފައިވާ ރަށެއްގެ ގޮތުގައި ބާއްވައިދިނުމަށް އެދިވަޑައިގެންނެވިއެވެ.

ފުލުހުންގެ އިދާރާއިން ހާމަކޮށްފައިވާ ގޮތުގައި، އުމުރުން 20 އަހަރުގެ އިންޑިއާގެ ފިރިހެނަކު މިއަދު 10:30 ހާއިރު ވެއްޓުނީ، މާލޭ ޗާނދަނީ މަގަށް ވާގޮތަށް ހުރި އިމާރާތެއްގެ 9 ވަނަ ބުރިންނެވެ. ސިޑިގޮޅީގެ ތެރެއިން ވެއްޓި އޭނާ ޖެހުނީ ގްރައުންޑް ފްލޯއަށެވެ.

އެމްޑީޕީން ބުނީ، އެޕާޓީގެ، ރައީސް ކަމުގެ މަޤާމަށް ކުރިމަތިލުމަށް އެދޭ މެންބަރުންނަށް އެފުރުޞަތު މިއަދުން ފެށިގެން 20 ފެބްރުއަރީ 2024 ވަނަ ދުވަހުގެ 14:00 އާއި ހަމައަށް ހުޅުވާލާފައިވާ ކަމަށެވެ.

ފުލުހުންގެ އިދާރާއިން ބުނެފައި ވަނީ، އެމީހާ ވެއްޓިފައި ވަނީ މާލޭ ޗާނދަނީ މަގަށް ވާގޮތަށް ހުރި އިމާރާތެއްގެ 9 ވަނަ ފަންގިފިލާއިން ކަމަށާއި ސިޑި ގޮޅިން އޭނާ ވެއްޓިފައި ވަނީ އިމާރާތުގެ އެންމެ ތިރިއަށް ކަމަށެވެ.

ފުލުހުންގެ އިދާރާއިން ވިދާޅުވީ، މީހަކު ވެއްޓިފައި ވަނީ ޗާނދަނީ މަގުގައި ހުރި އިމާރާތެއްގެ މަތިން ކަމަށެވެ. އެމީހާ ވެއްޓުނީ އިމާރާތުގެ 9 ވަނަ ބުރިން ސިޑިގޮޅީގެ ތެރެއަށް ކަމުގައި ބައެއް މީހުން ބުނެފައިވެއެވެ.

ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވަމުން، މަޖިލީހުގެ ރައީސް މުޙައްމަދު އަސްލަމް ވިދާޅުވީ، މިދައުރަށް ސަރުކާރުން ހުށައަޅަން ގަސްދުކުރާ ބިލްތަކުގެ ލިސްޓް ރައީސުލްޖުމްހޫރިއްޔާގެ އޮފީހުން ރައްޔިތުންގެ މަޖިލީހަށް ފޮނުއްވާފައި ވަނީ އިއްޔެ ކަމަށެވެ. މިގޮތުން މިލިސްޓު މަޖިލީހުގެ ވެބްސައިޓްގައި ޝާއިއު ކުރައްވާނެ ކަމުގައިވެސް މަޖިލީހުގެ ރައީސް އަސްލަމް ވިދާޅުވިއެވެ.