މި ކޮންފުލުއެންސަކީ، ދިވެހިރާއްޖޭގައި ކްރިއޭޓިވް އިކޮނޮމީއެއް ނުވަތަ ފަންނުވެރި އިޤުތިޞާދެއް ބިނާކުރުމަށް ސަރުކާރުން ކުރައްވަމުން ގެންދަވާ މަސައްކަތުގައި ފަންނުވެރިންގެ ޚިޔާލާއި މަޝްވަރާ ހިމެނުމަށާއި ބީސީސީން ޤާއިމުކުރުމަށް މަސައްކަތް ކުރަމުންދާ، "ކްރިއޭޓަރ ހަބް"ގައި ޤާއިމްކުރެވޭ ވަސީލަތްތަކަކީ ފަންނުވެރިންގެ ޚިޔާލާއި މަޝްވަރާއާއެކު ޤާއިމްކުރެވޭ ވަސީލަތްތަކަކަށް ހެދުމަށް، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި ގުޅިގެން ބީސީސީގެ އިސްނެގުމުގެ މަތިން ބާއްވާ ބައްދަލުވުމެކެވެ.

މާލެ ސަރަހައްދުގެ މަގުތަކުގައި ހުރި ގިނަ ދުވަސްވީ އުޅަނދުތައް ނައްތާލުމުގެ މަސައްކަތް ފަށައިފިއެވެ.

ދިވެހިރާއްޖެއަކީ އެކުވެރި، އެއްބައިވަންތަ، އަޚުވަންތަކަމުގެ ގުޅުންތަކުން ބަނދެވިފައިވާ ޤައުމަކަށްވާއިރު، ސްކައުޓް ފަދަ ހަރަކާތްތަކަށް އިސްކަންދިނުމަކީ ނުހަނު މުހިންމުކަމެއް ކަމުގައި ފާހަގަކުރައްވައި، ސްކައުޓް ހަރަކާތްތައް ކުރިއަށް ގެންދިއުމަށް، ސްކޫލުތަކުގައި ފަހި މާހައުލެއް ބިނާކުރުމަށް މި ސަރުކާރުން އިތުރަށް މަސައްކަތް ކުރައްވާނެކަމުގައި ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ސްރީލަންކާގެ 10 ވަނަ ނޭޝަނަލް ސްކައުޓް ޖަމްބޮރީގައި ބައިވެރިވާ ދިވެހި ވަފުދާ ބައްދަލުކުރައްވައި ވާހަކަފުޅު ދައްކަވަމުންނެވެ.

ޕާކިސްތާން އިންޓަނޭޝަނަލް ކަލިނަރީ ޗެންޕިއަންޝިޕްގައި ބައިވެރިވެ ދިވެހި ޝެފުން ރަންވަނަތަކެއް ހާސިލްކޮށްފިއެވެ. މި މުބާރާތުގައި ދިވެހި ޝެފުން ވަނީ 9 މެޑަލްއެއް ހާސިލްކޮށްފައެވެ.

ރައްޔިތުންގެ މަޖިލީހުގެ ޖުމްލަ މެމްބަރުންގެ އަދަދު ގުނުމުގައި މަޖިލީހުގެ ގަވާއިދުގައި ހިމެނި މާއްދާތައް ގަވާއިދުން އުނިކޮށް، މަޖިލީހުގެ މެންބަރަކު މެންބަރުކަމުން ވަކިވުމަށްފަހު އެ ހުސްވި ގޮނޑިއަށް މެންބަރަކު އިންތިހާބު ކުރެވެން ނެތް ހާލަތްތަކުގައި ރައްޔިތުންގެ މަޖިލީހުގެ ޖުމްލަ މެންބަރުންގެ އަދަދު ގުނުމުގައި އެ ހުސްވި ގޮނޑި ނުގުނުމަށް، މަޖިލީހުގެ ގަވާއިދުގެ އެހެން މާއްދާއެއްގައި މަޖިލީހުގެ އާންމު ކޮމިޓީން ހިމަނައިފިއެވެ.

ކުރިއަށް އޮތް 20 ވަނަ ރައްޔިތުންގެ މަޖިލީހުގެ އިންތިހާބަށް ކުރިމަތިލުމަށް ހުޅުވާލި ފުރުސަތުގައި ފޯމު ހުށަހެޅި ފަރާތްތަކުގެ ތެރެއިން 4 ބޭފުޅެއްގެ ނަން އަނބުރާ ނަންގަވާ، މި އިންތިހާބުގައި ވާދަނުކުރައްވަން ނިންމަވައިފިއެވެ.

ދިރާގުން ބުނީ، އެކުންފުނީގެ މޯބައިލް އިންޓަރނެޓް އަދި، ފައިބަރ ބްރޯޑްބޭންޑް ޚިދުމަތްތައް ހޯއްދަވާ ފަރާތްތަކަށް، ޚިދުމަތް ލިބިގަތުމުގައި ދަތިތަކެއް ކުރިމަތިވެފައިވާކަން ފާހަގަކުރެވިފައިވާ ކަމަށެވެ. އަދި ދިމާވިމައްސަލަ ހައްލު ކުރުމަށް ދިރާގުގެ ޓެކްނީޝަނުން މަސައްކަތް ކުރަމުންދާ ކަމަށާއި، ޚިދުމަތް ލިބުމުގައި ދިމާވާ ދަތިތަކަށް ކަސްޓަމަރުންގެ ކިބައިން މަޢާފަށް އެދޭކަމުގައިވެސް އެކުންފުނިން ވަނީ ބުނެފައެވެ.

ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުން ދަނީ މ. އެނބޫމާގެއާގެ، ޚަދީޖާ ޔަލްވީ (14އ) އާއިލާއަށް ޚަބަރެއްނުވެ ގެއްލިފައިވާ ކަމަށް ފެބުރުވަރީ 11 ވަނަ ދުވަހު ފުލުހުންނަށް ރިޕޯޓުކޮށްފައި ވާކަމަށެވެ. އަދި މި ފެބުރުއަރީ މަހުގެ 9 ވަނަ ދުވަހުން ފެށިގެން އާއިލާއަށް އެކުއްޖާގެ ޚަބަރެއް ނުވާ ކަމަށާއި، އެންމެފަހުން ކުއްޖާ އެގޭގައި އުޅެފައި ވަނީ، ފެބުރުއަރީ 9 ވަނަ ދުވަހުގައި ކަމަށްވެސް އާއިލާއިން ފުލުހުންނަށް މައުލޫމާތު ދީފައިވާ ކަމުގައި، ފުލުހުންގެ އިދާރާއިން ވަނީ ވިދާޅުވެފައެވެ.

ކްރެމްލިން އިން ވަނީ ނަވަލްނީ މަރުވެފައިވާ ކަން ކަށަވަރުކޮށްދީފައެވެ. އަދި ނަވަލްނީގެ މަރާއި ގުޅޭ މައުލޫމާތު، ރަޝިއާގެ ރައީސް ލަޑިމިއާ ޕޫޓިންއަށް އަރުވާފައިވާ ކަމުގައި، ކްރެމްލިންގެ ތަރުޖަމާނު ޑިމިޓްރީ ޕެސްކޯވް ވަނީ ވިދާޅުވެފައެވެ.

މިގޮތުން މިއަދު މެންދުރު ފަހު، 14:30 އިން ފެށިގެން، 18:30 އާއި ހަމައަށް ގުރުއަތުލުން ކުރިޔަށް ގެންގޮސް، 93 ދާއިރާއަށް ވާދަކުރާ 381 ކެންޑިޑޭޓުންގެ ކެންޑިޑޭޓް ނަމްބަރު މިހާރު ވަނީ ތަރުތީބުކޮށްފައެވެ.

ފައްޔާޒު ވިދާޅުވީ، ރާއްޖޭގެ އިގްތިސާދީ ހާލަތު ރަނގަޅުކަމަށާއި، އަބަދުވެސް ޗެލެންޖް އޮތީ ސަރުކާރުގެ މާލީ ހާލަތުގައި ކަމަށެވެ. އަދި ޚާރިޖީ ގުޅުންތައް ދަމަހައްޓައި ރައްޔިތުންނަށް ބޮޑު ތަކުލީފަކަށް ނުވާގޮތައް ކަންކަން ހައްލުކުރެވެން ވާނެ ކަމުގައި ފައްޔާޒު ވިދާޅުވިއެވެ. ފައްޔާޒު ވިދާޅުވީ، އައިއެމްއެފް ގެ ފްރޮގްރާމަކަށް ނުގޮސްވާންވާނެ ކަމަށާއި، ދާންޖެހޭނީ ކަންކުރުމުގެ ވައްޓަފާޅިނެތްނަމަ ކަމަށެވެ.

އެސިސްޓަންޓް ކޮމިޝަނަރ އޮފް ޕޮލިސް ފަރުހާދު ފިކުރީ އާއި އެސިސްޓަންޓް ކޮމިޝަނަރ އޮފް ޕޮލިސް އިސްމާއިލް ނަވީން ޑެޕިއުޓީ ކޮމިޝަނަރ އޮފް ޕޮލިސްގެ މަޤާމަށް އައްޔަންކުރެއްވިކަމުގެ ލިޔުން އެބޭފުުޅުންނާއި ހަވާލުކޮށްދެއްވީ މިނިސްޓަރ އޮފް ހޯމް ލޭންޑް ސެކިއުރިޓީ އެންޑް ޓެކްނޮލޮޖީ ޢަލީ އިހުސާނެވެ.

ތ. ވަންދޫއާއި ދ. ހުޅުދެލީގައި ޕޮލިސް ޕޯސްޓު ހުޅުވައި، ޚިދުމަތްދޭން ފަށައިފިއެވެ. މި ދެ ރަށުގެވެސް ޕޮލިސް ޕޯސްޓު ހުޅުވައިދެއްވީ ކޮމިޝަނަރ އޮފް ޕޮލިސް ޢަލީ ޝުޖާއުއެވެ.

ސިފައިންގެ ވަޒީފާއަށް ވަނުމަށް އެދި ހުށަހެޅުމުގެ މުއްދަތު ފެބްރުއަރީމަހުގެ 29 ވަނަ ދުވަހަށް އިތުރުކޮށްފިއެވެ.

ކްރިއޭޓަރ ހަބަކީ ރާއްޖޭގައި ކްރިއޭޓިވް އިކޮނޮމީއެއް ނުވަތަ ފަންނުވެރި އިޤްތިޞާދެއް ބިނާކުރުމަށް ސަރުކާރުން ކުރައްވަމުން ގެންދަވާ މަސައްކަތުގެ ދަށުން ބީސީސީއިން ކުރިއަށްގެންދާ މަޝްރޫޢެކެވެ.

ހުޅުމާލެ 2 ވަނަ ފިޔަވަހީގައި މުދާ އަރުވާ ބޭލުމަށް ވަގުތީ ޖެޓީއެއް ހައުސިން ޑިވެލޮޕްމަންޓް ކޯޕަރޭޝަން، އެޗްޑީސީން ޤާއިމްކޮށްފިއެވެ. އެޗްޑީސީން ބުނީ މިއީ ހުޅުމާލެއަށް މުދާ އަރުވާ ބޭލުމުގެ ދަތިކަން ހުޅުމާލޭގެ ތަރައްޤީގެ މަސައްކަތުގައި އުޅޭ ފަރާތްތަކާއި އެހެނިހެން ވިޔަފާރިކުރާ ފަރާތްތަކަށް ކުރިމަތިވަމުންދާތީ އެކަމަށް ހައްލެއް ހޯދުމަށްޓަކައި ޤާއިމްކުރި ޖެޓީއެއްކަމަށެވެ.