ޕާކިސްތާން އިންޓަނޭޝަނަލް ކަލިނަރީ ޗެންޕިއަންޝިޕްގައި ބައިވެރިވެ ދިވެހި ޝެފުން ރަންވަނަތަކެއް ހާސިލްކޮށްފިއެވެ. މި މުބާރާތުގައި ދިވެހި ޝެފުން ވަނީ 9 މެޑަލްއެއް ހާސިލްކޮށްފައެވެ.

މި މުބާރާތް ކުރިއަށްދިޔައީ މިމަހުގެ 13 އިން 15 އަށް ޕާކިސްތާނުގެ ލާހޫރުގައެވެ. މި މުބާރާތުގައި ދިވެހި ޝެފުންގެ ޓީމުގައި ހިމެނެނީ ޝެފް އިސްމާއިލް ތަހުސީން، ޝެފް އަޖުވަދު އަބްދުލްވައްހާބު، ޝެފް އައިޝަތު ރަޝްފާ އަޙްމަދު، އަދި ޝެފް މަރިޔަމް ޝަފާނާއެވެ.  

މުބާރާތުގައި ވަކިވަކި ދިވެހި ޝެފުން ހޯދި ކާމިޔާބީތައް:

* ޝެފް އިސްމާއިލް ތަހުސީން

ގޯލްޑް މެޑަލް – ބީފް ލައިވް ކުކިންގ

ގޯލްޑް މެޑަލް – ޗިކަން ލައިވް ކުކިންގ

ސިލްވަރ މެޑަލް – ސީފުޑް ލައިވް ކުކިންގ

*ޝެފް އަޖުވަދު އަބްދުލްވައްހާބު

ގޯލްޑް މެޑަލް – ބީފް ލައިވް ކުކިންގ

ގޯލްޑް މެޑަލް – ސީފުޑް ލައިވް ކުކިންގ

ސިލްވަރ މެޑަލް – ޗިކަން ލައިވް ކުކިންގ

*ޝެފް އައިޝަތު ރަޝްފާ އަޙްމަދު

ސިލްވަރ މެޑަލް – ބީފް ލައިވް ކުކިންގ

*ޝެފް މަރިޔަމް ޝަފާނާ

ސިލްވަރ މެޑަލް – ޑްރެސް ދަ ކޭކް

މީގެއިތުރުން ޝެފް އިސްމާއިލް ތަހުސީން، ޝެފް އަޖްވަދު އަބްދުލްވައްހާބު، އަދި ޝެފް އައިޝަތު ރަޝްފާ އަޙްމަދު ވަނީ 4 ކޯސް ގޯމޭ މެނޫ ތައްޔާރުކުރުމުގެ ޓީމް ޗެލެންޖުގައި ބައިވެރިވެ އެންމެ މަތީ މާކްސްއާއި ގޯލްޑް މެޑަލް ހޯދާފައެވެ.  

ޕާކިސްތާން އިންޓަނޭޝަނަލް ކަލިނަރީ ޗެންޕިއަންޝިޕްއަކީ ޕާކިސްތާނުގެ ޝެފުންގެ ޤައުމީ ޖަމިއްޔާ، ޝެފްސް އެސޯސިއޭޝަން އޮފް ޕާކިސްތާނުން އިންތިޒާމްކޮށްގެން ބޭއްވި ކަލިނަރީ މުބާރާތެކެވެ. މި މުބާރާތުގައި ދިވެހި ޝެފުން ބައިވެރިވެފައިވަނީ ޝެފްސް ގިލްޑް އޮފް މޯލްޑިވްސްގެ ފަރާތުންނެވެ.