25 ފަޅުރަށެއް ބެލެހެއްޓުން ކައުންސިލްތަކާއި ހަވާލު ކުރުމުގެ ގޮތުން، ކައުންސިލްތަކުން އެކަމަށް އެދި ހުށަހެޅުމަށް މިއަދު ހުޅުވާލައިފިއެވެ.

މޯލްޑިވްސް ލޭންޑް އެންޑް ސަވޭ އޮތޯރިޓީ މިއަދު ކޮށްފައިވާ އިއުލާނެއްގައި ބުނެފައިވަނީ، 25 ފަޅުރަށެއް ކައުންސިލްތަކަށް ދޫކުރަން ހުޅުވާލާފައިވަނީ، 'މަސްވެރިކަމާއި ދަނޑުވެރިކަމާއި އިގުތިސާދީ ބޭނުންތައް ފިޔަވައި އެ ނޫން ބޭނުންތަކަށް ފަޅުރަށްރަށް ދޫކުރުމާބެހޭ ގަވާއިދު'ގެ ފަސްވަނަ މާއްދާގެ (ށ)ގެ ތިންވަނަ ނަންބަރުގެ ދަށުން ކަމަށެވެ.

'މަސްވެރިކަމާއި ދަނޑުވެރިކަމާއި އިގުތިސާދީ ބޭނުންތައް ފިޔަވައި އެ ނޫން ބޭނުންތަކަށް ފަޅުރަށްރަށް ދޫކުރުމާބެހޭ ގަވާއިދު'ގެ ފަސްވަނަ މާއްދާގެ (ށ)ގައި ބުނާގޮތުން، ފަޅުރަށްތައް ދޫކުރެވޭނެ ތިން ގޮތެއް ވެއެވެ. އެއީ އެ ގަވާއިދުގެ ދަށުން ބީލަމުގެ އުސޫލުން އާންމުކޮށް އިއުލާން ކޮށްގެން، އެކަށީގެންވާ އެންމެ ރަނގަޅު ހުށަހެޅުމެއް ހުށަހަޅާ ފަރާތަކަށާއި، ރަށުގައި ކުރަން ބޭނުންވާ ކަމަކާބެހޭ ތަފުސީލު ރިޕޯޓަކާ އެކު، މި ގަވާއިދުގައިވާ ގޮތުގެ މަތީން ހުށަހެޅުމުން ގަވާއިދުގައި ބަޔާންކޮށްފައިވާ ގޮތުގެ މަތީންކަނޑައަޅާ ފަރާތަކަށާއި އަދި ސަރުކާރުގެ އިސްނެގުމަށް، ފަޅުރަށެއް ބެލެހެއްޓުން، ވަކި ޝަރުތުތަކަކާ އެކު ކައުންސިލަކާ ހަވާލުކުރުމަށް ރައީސުލްޖުމްހޫރިއްޔާ ނިންމެވުމާ ގުޅިގެންނެވެ.

މީގެ އިތުރުން،  މި ގަވާއިދުގެ ދަށުން ރަށްތައް ދޫކުރެވޭނީ 21 އަހަރުގެ މުއްދަތަކަށެވެ. އަދި، ރަށްތަށް ދޫކުރާނެ ފަރާތްތަށް ނިންމާނީ، ވަޒީރުންގެ މަޖިލީހުގެ ހުއްދައާ އެކު ރައީސުލްޖުމްހޫރިއްޔާއެވެ. މި ރަށްތައް ތިންވަނަ ފަރާތަކަށް ކުށްޔަށްދިނުމަކަށް ވެސް މި ގަވާއިދު ހުރަހެއް ނާޅައެވެ.

ކައުންސިލްތަކަށް ކުއްޔަށް ދޫކުރުމަށް ނިންމާފައިވާ ރަށްތަކަކީ:

1-      ހދ. ފަރިދޫ – 26.46 ހެކްޓަރު

2-      ހދ. ހިރިނައިދޫ – 6.40 ހެކްޓަރު

3-      ށ. ނަރުރިނބުދޫ – 27.58 ހެކްޓަރު

4-      ށ. މިގޫދޫ – 8.66 ހެކްޓަރު

5-      ނ. ދީފުރަމް – 2.37 ހެކްޓަރު 

6-      ނ. އިނގުރައިދޫ – 13.12 ހެކްޓަރު 

7-      ރ. ހިބޫދޫ – 2.48 ހެކްޓަރު

8-      ރ. ހުޅުދޫ – 1.63 ހެކްޓަރު 

9-      ރ. ނެޔޮ – 7.19 ހެކްޓަރު 

10-   ބ. މާއްޑޫ – 25.93 ހެކްޓަރު 

11-   ބ. ދަކަންދޫ – 5.73 ހެކްޓަރު 

12-   މ. މާހުރާ – 4.84 ހެކްޓަރު 

13-   ފ. މަކުނުއެރި – 1.28 ހެކްޓަރު 

14-   ދ. ފެންފުށި – 3.51 ހެކްޓަރު 

15-   ދ. މިނިމަސްގަލި – 4.64 ހެކްޓަރު 

16-   ތ. ފެންމީރުފުށި – 1.70 ހެކްޓަރު 

17-   ތ. ކަކޮޅަސް – 16.19 ހެކްޓަރު 

18-   ލ. ކަނޑަރު – 4.27 ހެކްޓަރު 

19-   ލ. ބޮޑުމާބުޅަލި – 5.07 ހެކްޓަރު 

20-   ގއ. ވިލިގަލާ – 3.25 ހެކްޓަރު 

21-   ގއ. މުނަންދުވާ – 6.35 ހެކްޓަރު 

22-   ގދ. މާނައިދޫ – 16.15 ހެކްޓަރު 

23-   ގދ. އާކިރަހުއްޓާ – 9.21 ހެކްޓަރު 

24-   ގދ. ވާރެޔަދުވާ – 3.44 ހެކްޓަރު 

25-   ގދ. ލޮނުދޫ – 5.96 ހެކްޓަރު