Advertisement
ޕްރޮސެކިއުޓަރ ޖެނެރަލް ޙުސައިން ޝަމީމް ---
ޕީޖީ ޝަމީމަށް ހަމަލާދިން މައްސަލައިގައި އިތުރު މީހަކު ހައްޔަރުކޮށްފި
ޕްރޮސެކިއުޓަރ ޖެނެރަލް ޙުސައިން ޝަމީމަށް ޙަމަލާދިން މައްސަލައިގައި އިތުރު މީހަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ ހުކުރު ދުވަހު ހައްޔަރުކޮށްފައި ވަނީ 22 އަހަރުގެ ދިވެހި ފިރިހެނެއް ކަމަށެވެ. އަދި އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޟިރުކުރުމުން، ޝަރީއަތް ނިމެންދެން ބަންދުގަިއ ބެހެއްޓުމަށް ކޯޓުން އަމުރުކޮށްފައިވާ ކަމުގައިވެސް ފުލުހުންގެ އިދާރާއިން ވިދާޅުވެއެވެ.
ޕީޖީ ޝަމީމަށް ހަމަަލާ ދިން މައްސަލައިގައި، ފެބުރުއަރީ 1 ވަނަ ދުވަހު ވަނީ ދިވެހި ދެފިރިހެނުން ހައްޔަރުކޮށްފައެވެ. އެ މައްސަލައިގައި ހައްޔަރު ކުރި މީހުންގެ ވަނަވަރު ހާމަކުރާނެ ކަމަށް މީގެ ކުރިން ފުލުހުން ވިދާޅުވި ނަމަވެސް އެމީހުންގެ ވަނަވަރު ހާމަކޮށްފައެއް ނުވެއެވެ.
ޕްރޮސެކިއުޓަރ ޖެނެރަލް ޙުސައިން ޝަމީމަށް ހަމަލާދީފައި ވަނީ، ޖެނުއަރީ 31 ވަނަ ދުވަހު، ހެނދުނު މާލޭ ނޫރު މިސްކިތް ކައިރިންނެވެ. ހަމަލާދިން މީހުން ތިބީ ހެލްމެޓް އަޅައި މޫނު ނިވާކޮށްގެންނެވެ. އެމީހުން ދިން ހަމަލާގެ ސަބަބުން ޕީޖީ ޝަމީމްގެ ވާތުގެ ކަށިގަނޑެއްގައި ރެނދުލާފައިވާކަމަށް ޝަމީމް ވަނީ ވިދާޅުވެފައެވެ.
