Advertisement
ރައީސުލްޖުމްހޫރިއްޔާ ދެކުނުގެ ހަތަރު އަތޮޅަށް ދަތުރުފުޅެއް ފެއްޓެވުން --- ފޮޓޯ: ރައީސް އޮފީސް
ދެކުނުގެ ހަތަރު އަތޮޅަށް ކުރައްވާ ދަތުރުފުޅެއް ރައީސް ފައްޓަވައިފި
ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ދެކުނުގެ ހަތަރު އަތޮޅަށް ކުރައްވާ ރަސްމީ ދަތުރުފުޅެއް މިއަދު ފައްޓަވައިފިއެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ، ރައީސުލްޖުމްހޫރިއްޔާގެ މިދަތުރުފުޅުގައި އައްޑޫ ސިޓީއަށާއި ފުވައްމުލައް ސިޓީގެ އިތުރުން ހުވަދުއަތޮޅު އުތުރުބުރިއާއި ހުވަދު އަތޮޅު ދެކުނުބުރީގެ ބައެއް ރަށްރަށަށް ވަޑައިގަންނަވާނެ ކަމަށެވެ. އަދި މި ދަތުރުފުޅު ނިންމަވާލެއްވުމަށްފަހުގައި ރައީސް މާލެ ވަޑައިގަންނަވާނީ، ބުރާސްފަތި ދުވަހުގައެވެ.
ރައީސުލްޖުމްހޫރިއްޔާ، ޑރ މުޙައްމަދު މުޢިއްޒު އަތޮޅުތަކަށް ކުރައްވާ ރަސްމީ ދަތުރުފުޅު ފައްޓަވާފައި ވަނީ ކޮޅުމަޑުލުންނެވެ. ރައްޔިތުންގެ މަޖިލީހުގެ އިންތިޚާބު ގާތްވަމުން އަންނަ އިރު، ރައީސުލްޖުމްހޫރިއްޔާ އަތޮޅުތަކަށް މިކުރައްވާ ދަތުރުފުޅުގައި، އެމަނިކުފާނުގެ އަރިހުގައި ސަރުކާރުގެ މަތީފަންތީގެ ވަފުދެއް ވަނީ ބައިވެރިކުރައްވާފައެވެ.
