ހުޅުމާލެ ޕޮލިސް ސްޓޭޝަން --
ހުޅުމާލޭގައި ކަސްރަތަށް ނުކުމެ އުޅުނު މީހެއްގެ ކަރުގައި އޮތް ފަށް ފޭރިގެންފި
ހުޅުމާލޭގައި މިއަދު ހެނދުނު ކަސްރަތަށް ނުކުމެ އުޅުނު މީހެއްގެ ކަރުގައި އޮތް ފަށް ފޭރިގެންފައިވާ މައްސަލައެއް ފުލުހުންނަށް ހުށައަޅާފައިވާ ކަމުގައި ފުލުހުންގެ އިދާރާއިން ބުނެފިއެވެ.
ފުލުހުންގެ އިދާރާއިން ބުނީ، ހުޅުމާލެ ރީތިގަސް މަގުގައި، ހިނގާފައި ދިޔަ އަންހެނެއްގެ ކަރުގައި އޮތް ފަށް ފޭރިގަތްކަމުގެ ރިޕޯޓްކޮށްފައި ވަނީ މިއަދު ހެނދުނު، 6:30 ހާއިރުގައި ކަމަށެވެ. އަންހެންމީހާ ހިފަހައްޓައި އޭނާގެ ކަރުގައި އޮތް ފަށް ފޭރިގަތީ، ސައިކަލެއްގައި އެސަރަހައްދުގައި އުޅުނު ދެމީހުންކަމުގައި ވެސް ފުލުހުންގެ އިދާރާއިން ވަނީ ވިދާޅުވެފައެވެ.
ބައެއް ނޫސްތަކުގައި ރިޕޯޓުކޮށްފައިވާ ގޮތުގައި، ފަށް ފޭރިގެންފައި ވަނީ ޤައުމީ އަންހެން ފުޓުބޯޅަ ޓީމުގެ ކުރީގެ ކުޅުންތެރިޔާ، މަރިޔަމް މުޙައްމަދު (މާޔަން)ގެ އަތުންނެވެ.
ފުލުހުންގެ އިދާރާއިން ވިދާޅުވީ އެމައްސަަލަ ތަޙްޤީޤުކުރަމުންދާ ކަމަށެވެ.