ރައްޔިތުންގެ މަޖިލީހުގެ އިންތިޚާބުގައި، ރީރަޖިސްޓަރީ ކުރަން މިހާތަނަށް 1257 މީހުން ހުށަހަޅާފައިވާކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވެއްޖެއެވެ.

ނަލަހިޔާ ހޮޓަލުގެ ފުރަތަމަ ފަންގިފިލާގައި މިރޭ އަލިފާނުގެ ހާދިސާއެއް ހިނގައިފިއެވެ. މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ހާމަކޮށްފައިވާ ގޮތުގައި މި ހާދިސާ ހިނގުމަށް މެދުވެރިވީ، އެ ހޮޓަލުގެ ފުރަތަމަ ފަންގިފިލާގައި ރައްކާކޮށްފައި ހުރި ކަރުދާސް ފޮށިތަކެއްގައި ރޯވުމުގެ ސަބަބުންނެވެ.

ވިހި ވަނަ މަޖިލީހަށް މެމްބަރުން އިންތިހާބު ކުރުމަށް މިއަންނަ މާޗު މަހުގެ 17 ވަނަ ދުވަހު ބޭއްވުމަށް ހަމަޖެހިފައިވާ އިންތިހާބުގައި މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ތަމްސީލުކުރާނެ ކެނޑިޑޭޓުން ހޮވުމަށް، އެ ޕާޓީއިން މިއަދު ބޭއްވި ޕްރައިމަރީގައި އައްޑޫ މީދޫ ދާއިރާގެ މެމްބަރު، ރޮޒައިނާ އާދަމަށް ނާކާމިޔާބީއާ ކުރިމަތިލާން ޖެހިއްޖެއެވެ.

މިއަހަރުގެ ޙައްޖުގައި ހިލޭ ސާބަހަށް މަސައްކަތް ކޮށްދޭނެ މީހުން ހޯދުމަށް ޙައްޖު ކޯޕަރޭޝަނުން އިއުލާންކޮށްފިއެވެ.

މޯލްޑިވްސް ޕޯޓްސް ލިމިޓަޑް (އެމް.ޕީ.އެލް) އާއި އައިޖީއެމްއެޗް ގުޅިގެން "ބްލަޑް ޑްރައިވް" ހަރަކާތެއް މިއަދު ބާއްވައިފިއެވެ.

މިއިންތިޚާބުގައި އެދާއިރާގެ ވޯޓުލުން ކުރިޔަށް ގެންދިޔައީ، ހުޅުމާލެ ޤާސިމް ޕްރީ ސްކޫލުގައެވެ. ޑރ. ޝަމްހީދަށް 187 ވޯޓު ލިބުނު އިރު ދެން ވާދަކުރެއްވި ޙުސައިން ނަޒީފަށް ލިބިވަޑައިގަތީ 123 ވޯޓެވެ.

ޝާހިދު މިހެން ވިދާޅުވީ، މިއަދު ކުރިޔަށްދާ އެމްޑީޕީގެ މަޖިލިސް ޕްރައިމަރީގައި ވާދަކުރައްވާ ކެންޑިޑޭޓުންނަށް ހެޔޮ އެދުންތައް ފޮނުއްވައި ކުރެއްވި ޕޯސްޓެއްގައެވެ. ޝާހިދު ވިދާޅުވީ، އެމްޑީޕީގެ ޙަޔާތުގައި، މިއަދަކީ އަނެެއްކާވެސް ރާއްޖޭގެ ސިޔާސީ ހަރަކާތުގައި އައު އިސްނެގުމެއް އެ ޕާރޓީން ނެގި ދުވަހެެއް ކަމަށެވެ. މިގޮތުން އިލެކްޝަން ކޮމިޝަނުގެ ދަފްތަރުގައި ހިމެނޭ އެޕާރޓީގެ މެންބަރުންވޯޓުލާގޮތަށް, ސިޔާސީ ޕާޓީ އަކުން ރާއްޖޭގައި ބާއްވާ ފުރަތަމަ މަޖިލީސް ޕްރައިމަރީއަކީ، އެމްޑީޕީގެ ޕްރައިމަރީކަން ޝާހިދު ފާހަގަކުރެއްވިއެވެ.

މި އަންނަ މާޗު މަހު ބޭއްވުމަށް ހަމަޖެހިފައިވާ ވިހި ވަނަ ރައްޔިތުންގެ މަޖިލީހުގެ ޕްރައިމަރީގައި ވާދަކުރުމަށް ދަ ޑިމޮކްރެޓްސްއިން ހުޅުވާލި ފުރުސަތުގައި، އެއް ކެނޑިޑޭޓަށް ވުރެން ގިނަ ކެނޑިޑޭޓުން ކުރިމަތިލި ދާއިރާތަކުގައި ބައްވާ، އެ ޕާޓީގެ މަޖިލިސް ޕްރައިމަރީ އިންތިހާބު ފެށިގެން ކުރިޔަށް އެބަދެއެވެ.

އެމްޑީޕީގެ ޕްރައިމަރީގެ ވޯޓުލުން ބޭއްވުމަށް، މުޅި ރާއްޖޭގައި އެޕާޓީން ވަނީ، 132 ވޯޓުފޮށި ވަނީ ބަހައްޓާފައެވެ، އޭގެ ތެރޭގައި ހިމެނެނީ، މާލޭގައި ވޯޓު ލުމަށް ބަހައްޓާފައިވާ، 27 ފޮއްޓާއި އަތޮޅުތަކުގައި ވޯޓުލުމަށް ބަހައްޓާފައިވާ 95 ވޯޓުފޮއްޓެވެ.

ޑިފެންސް މިިނިސްޓްރީން މިރޭ ނެރުނު ބަޔާނުގައި ބުނީ، ރާއްޖޭގެ ޚާއްސަ ޢިޤުތިޞާދީ ސަރަހައްދުގައި މަސްވެރިކަން ކުރަމުންދިޔަ، ދިވެހި މަސްދޯނިތަކަށް އަރާފައި ވަނީ އިންޑިއާ ކޯސްޓްގާޑުގެ ޝިޕް 246 އާއި، އިންޑިއާ ކޯސްޓްގާޑުގެ ޝިޕް 253ގައި ތިބި ސިފައިން ކަމަށެވެ. މިގޮތުން ތިން ދޯންޏަކަށް އިންޑިއާ ސިފައިން އަރާފައިވާ ކަމަށާއި އެއީ، އަސުރުމާ -3، މާހޯރަ 3 އަދި ނިރު 7 ކަމަށާއި އެދޯނިތަކަށް އިންޑިއާ ސިފައިން އެރީ، ރާއްޖޭގެ ސަރަހައްދުގައި، ހއ. ދިއްދޫގެ އިރު އުތުރުން 72 ނޯޓިކަލް މޭލު ބޭރުގައި ވަނިކޮށް ކަމަށްވެސް ޑިފެންސް މިނިސްޓްރީން ވަނީ ބުނެފައެވެ.

އެމްޑީޕީގެ ޕްރައިމަރީ އަބަދުވެސް ވެފައި އޮންނަނީ، ރާއްޖޭގައި ސިޔާސީ ޕާޓީއަކުން ބާއްވާ އެންމެ ބޮޑު އިންތިޚާބަށެވެ. މާދަމާ މުޅި ރާއްޖޭގައި އެމްޑީޕީގެ މަޖިލިސް ޕްރައިމަރީގެ ވޯޓުނެގުން ކުރިޔަށްދާނެއެވެ. މިޕްރައިމަރީގައި 149 ކެނޑިޑޭޓުން ވާދަކުރާނެއެވެ. އެއީ 40 އިންތިޚާބީ ދާއިރާއަކަށް ވާދަކުރައްވާ ކެނޑިޑޭޓުން ކަމުގައިވެސް އެމްޑީޕީން ވަނީ ހާމަކޮށްފައެވެ.

ދިވެހި ޚާރިޖިއްޔާއިން ވިދާޅުވީ، "ހައި ލެވެލް ކޯ ގްރޫޕް" ގެ ދެވަނަ ބައްދަލުވުމުގައި، ދިފާޢީ އަދި ސަލާމަތީ ދާއިރާއިން ގުޅުން ބަދަހިކުރުމާއި، އިޤްތިޞާދީ އަދި ތަރައްޤީގެ ދާއިރާއިން ދެޤައުމުގެ ދެމެދުގައި އޮތް ގުޅުން އިތުރަށް ބަދަހިކުރެއްވުމާ ބެހޭގޮތުން ވެސް މަޝްވަރާތައް ކުރެވުނު ކަމަށެވެ.

މި ސަރުކާރު ހަވާލުވިއިރު މަސްވެރިންނަށް ދޭންޖެހޭ 250 މިލިއަނެއްހާ ރުފިޔާ ހުރި ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވުމަކީ ކަނޑައެޅިގެން ދޮގެއް ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.

ޗައިނާ ސަރުކާރުގެ އެހީގައި އެ ގައުމުގައި މާސްޓާސް އަށް ކިޔަވަން ދިވެހިންނަށް 200 ސްކޮލާޝިޕަށް ހުޅުވާލައިފިއެވެ.

ރާއްޖޭގައި ޑްރޯން މެދުވެރިކޮށް ކާގޯގެ ޚިދުމަތް ފެށުމަށް ޤައުމީ ފެންވަރުގައި ދިރާސާއެއް ކުރުމަށް ދިވެހި ރާއްޖޭގެ ޤައުމީ ޔުނިވަރސިޓީ، އެމްއެންޔޫއާ ހަވާލުކޮށްފިއެވެ. ދިރާސާ ކުރުމަށް އެމްއެންޔޫއާ ހަވާލުކުރުމަށް ބޭއްވި ރަސްމިއްޔާތުގައި ރީޖަނަލް އެއާޕޯޓްސް ކޮމްޕެނީ، އާރުއޭސީއެލްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު މުބީނެވެ. އަދި އެމްއެންޔޫގެ ފަރާތުން ސޮއިކުރެއްވީ ޑެޕިއުޓީ ޗާންސެލަރު ޑރ. އައިޝަތު ޝެހެނާޒް އަހުމަދެވެ.

މަސްވެރިއަކު ކޮށްފައިވާ ސުވާލަށް ޖަވާބު ދެއްވަމުން ރައީސުލްޖުމްހޫރިއްޔާ އިއްޔެ ވިދާޅުވެފައި ވަނީ، މިފްކޯއިން ލޯނެއް ނަގައިގެން ވިޔަސް މަސްވެރިންނަށް ދޫކުރަންޖެހޭ ފައިސާ ދޫކުރެވޭތޯ ބައްލަވާނެ ކަމަށެވެ. އަދި މަސްވެރިންނަށް ފައިސާ ދިނުމުގައި ކުރިމަތިވެފައިވާ ދަތިތަކާއި ގުޅޭ ގޮތުން ފިޝަރީޒް މިނިސްޓަރ އަޙްމަދު ޝިޔާމް މިއަދު ވިދާޅުވީ، ރައީސުލް ޖުމްޙޫރިއްޔާގެ އެދިވަޑައިގަތުމަށް ސަވަރިން ގެރެންޓީދީގެންވެސް ފެސިލިޓީއެއް ހޯދުމުގެ މަސައްކަތް ބާރަށް ކުރަމުންގެންދާ ކަަމަށެވެ.