ހަތަރު ފުރޮޅުލީ އުޅަނދުތަކަށް މާލޭގެ މަގުމަތިން ދޫކުރި ޕާކިން ޖާގަތަކާ ގުޅޭގޮތުން ޝަކުވާ ހުށަހަޅަން، ސިޓީ ކައުންސިލުން ހުޅުވާލައިފިއެވެ.

އިލެކްޝަންސް ކޮމިޝަނުން ހާމަކުރައްވާފައިވާ ގޮތުގައި، ރައްޔިތުންގެ މަޖިލީހުގެ އިންތިޚާބުގައި ވާދަކުރާ ކެންޑިޑޭޓުން ކެންޑިޑެންސީ ހުށައެޅުމުގެ ސުންގަޑިއަކީ، މިފެށޭ ފެބުރުއަރީ މަހުގެ 14 ވާ ބުދަ ދުވަހުގެ މެންދުރު ފަހު 2:00 އާ ހަމައަށެވެ.

ދަނޑުވެރިންނަށް އަމާޒްކޮށްގެން ބިޒްނަސް މެނޭޖްމަންޓް އެންޑް އެންޓަރޕްރިނިއަރ ސްކިލްސް ޓްރެއިންގ ޕްރޮގްރާމެއް ފަރުމާކޮށް ހިންގައިދިނުމަށް، މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ އާއި މޯލްޑިވްސް އިންސްޓިޓިއުޓް އޮފް ޓެކްނޮލޮޖީ އާއިއެކު އެއްބަސްވުމެއްގައި ސޮއިކޮށްފިއެވެ.

ރާއްޖޭގެ މަތީ ތައުލީމާއި ތަމްރީނުދޭ މަރުކަޒުތަކުން ކިޔަވާފައިވާ ކަމަށް އޮޅުވާލައިގެން ފޭކް ސެޓްފިކެޓްތަކެއް ގެންގުޅޭތީ ވަޒީފާ ދޭ ފަރާތްތަކާއި މަތީ ތައުލީމު ފޯރުކޮށްދޭ ފަރާތްތަކުން އެކަމަށް ސަމާލުވުމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އިން އެދިއްޖެއެވެ.

މިއަދު މަޖިލީހުން ރުހުން ނުދިން ތިން ވަޒީރުންނަކީ، ބަންޑާރަ ނައިބު އަޙްމަދު އުޝާމް އާއި އިސްލާމިކް މިނިސްޓަރ ޑރ. މުހައްމަދު ޝަހީމް ޢަލީ ސަޢީދާއި ހައުސިން މިނިސްޓަރ ޑރ ޢަލީ ހައިދަރެވެ. މިތިން ބޭފުޅުން އަލުން ވަޒީރުންގެ މަޖިލީހަށް ޢައްޔަނުކުރައްވައި މަޤާމުގެ ފަތްކޮޅު ދެއްވުމާއި ހުވާކުރުމުގެ ރަސްމިއްޔާތު ބާއްވާފައި ވަނީ މިއަދު ހަވީރު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތެއްގައެވެ. ބަންޑާރަ ނައިބުގެ މަޤާމަށް އުޝާމް އަލުން ޢައްޔަނުކުރެއްވުމަށް ފަހު، ޖުޑީޝަލް ސަރވިސް ކޮމިޝަންގެ މެންބަރުކަމަށްވެސް އުޝާމް ޢައްޔަނު ކުރައްވައި މަޤާމްގެ ފަތްކޮޅު ވަނީ ދެއްވާފައެވެ.

ރައްޔިތުންގެ މަޖިލީހުން ޑރ. ޝަހީމަށް ރުހުން ނުދޭން ފާސްކުރެއްވުމުން، ނުރުހުންފާޅުކުރައްވައި، ކުރީގެ ރައީސް އިބްރާހީމް މުޙައްމަދު ޞާލިހަށް ފާޑު ވިދާޅުވެ، އެކްސްގައި ކުރެއްވި ޕޯސްޓެއްގައި ޝަހީމް ވިދާޅުވީ، ވެރިކަމުގައި ހުންނަވައިގެންނާއި ވެރިކަމުން ދުރުވުމަށް ފަހު ވެސް، ރާއްޖޭގެ އިސްލާމީ ކަންކަން ބަލިކަށި ކޮށްލަން މަސައްކަތް ކުރެއްވި ދެވަނަ ވެރިއެއް ރައީސް ޞާލިޙު ނޫނީ ރާއްޖެ ދެކެފައި ނުވާކަމަށެވެ.

ވޭސްޓް މެނޭޖްމެންޓް ކޯޕަރޭޝަން ލިމިޓެޑް، ވެމްކޯގެ އަހަރީ ދުވަހާ ގުޅިގެން ފެބުރުއަރީ އެއްވަނަ ދުވަހު ކުނިނަގާ ގަޑިތަކަށް ބަދަލު ގެނެސްފައިވަނީ ގްރޭޓަރ މާލެ ސަރަހައްދުގައި އެކަނިއެވެ. ވެމްކޯއިން ބުނީ ފެބްރުއަރީ 1 އިން ފެށިގެން ގްރޭޓާ މާލެ ސަރަހައްދުގައި ޓްރާންސްފަރ ފެސިލިޓީސް، ކުނިނެގުމުގެ ޚިދުމަތް އަދި ޑިސްޕޯސަލްސައިޓްގެ ޚިދުމަތް ދޭ ގަޑިތަކަށްވަނީ ބަދަލު ގެނެސްފައިވާކަމަށެވެ.

ރައްޔިތުންގެ މަޖިލީހުގެ އިންތިޚާބަށް ކުރިމަތިލުމަށް ފޯމު ހުށައެޅުމުގެ ފުރުޞަތު މާދަމާއިން ފެށިގެން ހުޅުވާލުމަށް އިލެކްޝަންސް ކޮމިޝަނުން ނިންމަވައިފިއެވެ.

އެމްޑީޕީގެ މަޖިލިސް މެމްބަރަކު ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަޤާމުން ޢަޒުލްކުރުމަށް އެމްޑީޕީގެ ޕާލަމެންޓްރީ ގްރޫޕުންވަނީ ފާސްކޮށްފައި ކަމަށެވެ. އަދި އެމައްސަލަ މިއަދު މަޖިލީހަށް ހުށައެޅުމަށް މަސައްކަތް ކުރަމުންދާކަމުގައިވެސް އެމެމްބަރު ވިދާޅުވިއެވެ.

މިތިން ބޭފުޅުންނަކީ، އެމްޑީޕީއާ ދަ ޑިމޮކްރެޓްސްއިންވެސް ރުހުން ނުދޭން ނިންމި ތިންބޭފުޅުންނެވެ. އިކޮނޮމިކް މިނިސްޓަރ މުޙައްމަދު ސަޢީދަށް ރުހުން ނުދިނުމަށް ދަ ޑިމޮކްރެޓްސްއަކުން ނުނިންމައެވެ. މިނިސްޓަރ ސަޢީދު ސަލާމަތްވެވަޑައިގެންނެވީ އެންމެ ވޯޓެއްގެ ތަފާތުންނެވެ. ސަޢީދަށް ރުހުންދޭން ނުފެންނަ ކަމަށް 30 މެމްބަރުން ވޯޓު ދެއްވި އިރު 31 މެމްބަރުން ވޯޓު ދެއްވީ ރުހުންދޭން ފެންނަކަމަށެވެ.

މިނިސްޓަރ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް، ޑރ. ޢަލީ ހައިދަރު އަޙްމަދަށް ރުހުން ނުދިނުމަށް މަޖިލީހުން ނިންމައިފިއެވެ. މިނިސްޓަރ ހައިދަަރަށް ރުހުންދޭން ނުފެންނަކަމަށް، 46 މެމްބަރުން ވޯޓުދިން އިރު، 24 މެމްބަރުން ފެންނަކަމަށް ވޯޓު ދިނެވެ.

މަޖިލީހުގެ ޖަލްސާ ފެށުމަށް ފަހު، ސިސްޓަމްގައި މައްސަލައެއް އުޅޭކަން ފާހަގަކުރެވިފައިވާ ކަމަށް ވިދާޅުވެ، މަޖިލީހުގެ ރައީސް، މުޙައްމަދު އަސްލަމް ވަނީ، މަޖިލީހުގެ ޖަލްސާ 5 މިނިޓަސް މެދުކަނޑާލާކަން ޢިއުލާނުކުރައްވާފައެވެ.

ސަލީމް މިހެން ވިދާޅުވީ، ރޭ އެމްޑީޕީގެ ފަރާތުން ރައްޔިތުންގެ މަޖިލީހުގެ އިދާރާގައި ބޭއްވި ނޫސްވެރިންގެ ބައްދަލުވުމުގައެވެ.

ސަރުކާރަށް ތާއީދު ކުރައްވާ މެމްބަރުން މަޖިލީހުގެ ޖަލްސާއަށް ހުރަސްއަޅުއްވަމުން ގެންދަވަނީ، ސަރުކާރުންގެ ބައެއް ވަޒީރުންނަށް ރުހުން ނުދިނުމަށް އިދިކޮޅު މައި ދެޕާޓީން ނިންމުމާއި ގުޅިގެންނެވެ. ރައްޔިތުންގެ މަޖިލީހުގެ މެޖޯރިޓީއޮތީ އިދިކޮޅު ޕާޓީތަކަށެވެ. އެހެންކަމުން ސަރުކާރުން ބޭނުންވާ ގޮތަށް މަޖިލީހުގެ ތެރެއިން ކަންކަން ކުރުމަށް ސަރުކާރަށް ފުރުޞަތެއް ނެތެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން އާންމުކޮށް ޢިއުލާނުކޮށް ހުޅުވާލައި އެކަމަށް ޝައުގުވެރިކަން ފާޅުކޮށް އެޕްލިކޭޝަން ހުށަހަޅާފައިވާ ޝަރުތުހަމަވާ މަސްވެރިންގެ ތެރެއިން، މަސްވެރިއަކު މިފްކޯގެ ބޯޑުގައި ހިމެނުއްވުމަށް ވަޒީރުންގެ މަޖިލީހުގެ ލަފާފުޅާއި އެކު ރައީސުލްޖުމްހޫރިއްޔާ އިއްޔެ ވަނީ ނިންމަވާފައެވެ.

މިއަދު ބޭއްވި ރައްޔިތުންގެ މަޖިލީހުުގެ ޖަލްސާގައިވެސް ވަޒީރުންނަށް ރުހުން ދިނުމުގެ މައްސަލަ ކުރިޔަށް ގެންދިޔުމަށް މަސައްކަތް ކުރި ނަމަވެސް 1:30ގައި ވޯޓަށް އަހަން ތައްޔާރުވުމާއި އެކު މަޖިލީހުގައި ތިއްބެވި ސަރުކާރަށް ތާއީދު ކުރާ މެމްބަރުން ވަނީ މަޖިލީހުގެ ޖަލްސާ ކުރިޔަށް ގެންދިޔުމަށް ހުރަސް އަޅާފައެވެ. މަޖިލީހުގެ ޖަލްސާ މިރޭވެސް ކުރިޔަށް ގެންދިޔުމަށް މަޖިލީހުގެ ރައީސް މުޙައްމަދު އަސްލަމް މަސައްކަތް ކުރެއްވި ނަމަވެސް ސަރުކާރަށް ތާއީދު ކުރާ މެމްބަރުން ހުރަސް އަޅުއްވަމުން ގެންދިޔުމާއި ގުޅިގެން ޖަލްސާ ބޭއްވޭ ގޮތް ވަނީ ނުވެފައެވެ.