ސަރުކާރަށް ތާއީދު ކުރައްވާ މެމްބަރުން މަޖިލީހުގެ ޖަލްސާއަށް ހުރަސްއަޅުއްވަމުން ގެންދަވަނީ، ސަރުކާރުންގެ ބައެއް ވަޒީރުންނަށް ރުހުން ނުދިނުމަށް އިދިކޮޅު މައި ދެޕާޓީން ނިންމުމާއި ގުޅިގެންނެވެ. ރައްޔިތުންގެ މަޖިލީހުގެ މެޖޯރިޓީއޮތީ އިދިކޮޅު ޕާޓީތަކަށެވެ. އެހެންކަމުން ސަރުކާރުން ބޭނުންވާ ގޮތަށް މަޖިލީހުގެ ތެރެއިން ކަންކަން ކުރުމަށް ސަރުކާރަށް ފުރުޞަތެއް ނެތެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން އާންމުކޮށް ޢިއުލާނުކޮށް ހުޅުވާލައި އެކަމަށް ޝައުގުވެރިކަން ފާޅުކޮށް އެޕްލިކޭޝަން ހުށަހަޅާފައިވާ ޝަރުތުހަމަވާ މަސްވެރިންގެ ތެރެއިން، މަސްވެރިއަކު މިފްކޯގެ ބޯޑުގައި ހިމެނުއްވުމަށް ވަޒީރުންގެ މަޖިލީހުގެ ލަފާފުޅާއި އެކު ރައީސުލްޖުމްހޫރިއްޔާ އިއްޔެ ވަނީ ނިންމަވާފައެވެ.

މިއަދު ބޭއްވި ރައްޔިތުންގެ މަޖިލީހުުގެ ޖަލްސާގައިވެސް ވަޒީރުންނަށް ރުހުން ދިނުމުގެ މައްސަލަ ކުރިޔަށް ގެންދިޔުމަށް މަސައްކަތް ކުރި ނަމަވެސް 1:30ގައި ވޯޓަށް އަހަން ތައްޔާރުވުމާއި އެކު މަޖިލީހުގައި ތިއްބެވި ސަރުކާރަށް ތާއީދު ކުރާ މެމްބަރުން ވަނީ މަޖިލީހުގެ ޖަލްސާ ކުރިޔަށް ގެންދިޔުމަށް ހުރަސް އަޅާފައެވެ. މަޖިލީހުގެ ޖަލްސާ މިރޭވެސް ކުރިޔަށް ގެންދިޔުމަށް މަޖިލީހުގެ ރައީސް މުޙައްމަދު އަސްލަމް މަސައްކަތް ކުރެއްވި ނަމަވެސް ސަރުކާރަށް ތާއީދު ކުރާ މެމްބަރުން ހުރަސް އަޅުއްވަމުން ގެންދިޔުމާއި ގުޅިގެން ޖަލްސާ ބޭއްވޭ ގޮތް ވަނީ ނުވެފައެވެ.

އޭގެ ތެރޭގައި ހިމެނެނީ، ސަރޗް އެންޑް ރެސްކިއު އާއި ބަލިމީހުން އުފުލުމުގެ ޚިދުމަތް ދިނުން ލާޒިމްކޮށް، ދެ އިންޖީނުލީ ހެލިކޮޕްޓަރު ބޭނުންކޮށްގެން ހެލިކޮޕްޓަރުގެ އޮޕަރޭޝަން ފެށުމަށް ކުރަންޖެހޭ ކަންކަން ކުރުމާއި، އެ ޚިދުމަތް ނޫން އެހެން ޚިދުމަތްތައް ދޭންވާނީ ހުއްދަ ދީފައިވާ ހެލިޕޯޓަކުންކަން ކަނޑައެޅުން ހިމެނެއެވެ.

މަޖިލީހުގެ ޖަލްސާ މިރޭވެސް ކުރިޔަށް ގެންދެވޭތޯ މަޖިލީހުގެ ރިޔާސަތުން މަސައްކަތް ކުރެއްވިއެވެ. މިގޮތުން މިރޭގެ 20:00އަށް ޖަލްސާއަލުން ތާވަލުކޮށް ޖަލްސާ ފަށަން މަސައްކަތް ކުރި ނަމަވެސް ސަރުކާރު ކޯލިޝަނަށް ތާއީދު ކުރާ މަޖިލިސް މެމްބަރުން ވަނީ ރިޔާސަތަށް ހުރަސްއަޅުއްވާފައެވެ.

ރައީސުލްޖުމްހޫރިއްޔާ މިގޮތަށް ނިންމެވީ، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑުން ހުށަހެޅި ކަރުދާހަށް ވަޒީރުންގެ މަޖިލީހުގެ މިއަދުގެ ޖަލްސާގައި މަޝްވަރާކުރެއްވުމަށް ފަހުގައެވެ.

ބޭންކް އޮފް މޯލްޑިވްސް އިން ދޫކުރާ ކިޔަވާ ލޯނާއި ބީއެމްއެލް އިސްލާމިކް އެޑިއުކޭޝަން ފައިނޭންސިންގެ ރޭޓް އަނެއްކާވެސް ދަށްކޮށްފިއެވެ. ބީއެމްއެލްއިން ބުނީ 24 ޖަނަވަރީ ވަނަ ދުވަހު ބޭއްވުނު ބޯޑު ޑިރެކްޓަރުންގެ ބައްދަލުވުމުގައިވަނީ ކިޔަވާ ލޯނާއި ބީއެމްއެލް އިސްލާމިކް އެޑިއުކޭޝަން ފައިނޭންސިންގެ ރޭޓް %2.5 އަށް ދަށްކުރުމަށް ނިންމާފައިކަމަށެވެ. މިހާރު ނަގާފައިވާ ފެސިލިޓީސްގެ އިތުރުން އަލަށް އެދި ހުށައަޅާ ފެސިލިޓީސްގެ އަށްވެސް 1 ފެބްރުވަރީ 2024 އިން ފެށިގެން ކަނޑައަޅާފައިވަނީ މި ރޭޓްކަމަށް ބީއެމްއެލްއިން ވަނީ ބުނެފައެވެ.

ދާދިފަހުން އެމްޑީޕީ ދޫކުރައްވައި ސަރުކާރު ޕާޓީ ޕީއެންސީއަށް ސޮއެކުރެއްވި، ރައްޔިތުންގެ މަޖިލީހުގެ ކަނޑިތީމު ދާއިރާގެ މެމްބަރު ޢަބުދުﷲ ޝަހީމްއަށް އަނިޔާވީ އެމްޑީޕީއަށް ނިސްބަތްވާ ކެނދިކުޅުދޫ ދާއިރާގެ މެމްބަރު އަޙްމަދު އީސާއާއި ދެމެދު ހިނގި ހަމަނުޖެހުމެއްގައެވެ.

އެމްޑީޕީން ނެރުނު ބަޔާނުގައި ބުނީ، ވަޒީރުންގެ މަޖިލީހުގެ މެމްބަރުނަށް ރުހުން ދިނުމަށް މިއަދު ބޭއްވި އެ މަޖިލީހުގެ ޖަލްސާއަށް ސަރުކާރަށް ނިސްބަތްވާ މެމްބަރުން ހުރަސް އަޅައި މުޅި މަޖިލީހުގެ ނިޒާމު ގެއްލުވާލުން އެންމެ ހަރުކަށި އިބާރާތުން ކުއްވެރިކުރާ ކަމަށެވެ. އަދި ވަޒީރުންނަށް ރުހުން ދިނުމަކީ ގާނޫނު އަސާސީގެ 129 ވަނަ މާއްދާގެ ދަށުން ރައްޔިތުންގެ މަޖިލީހަށް މަތިކޮށްފައިވާ ޒިންމާއެއް ކަމަށްވާއިރު އެ ވޯޓު ނެގުމަށް ސަރުކާރު މެމްބަރުން ފުރުސަތު ނުދެނީ ޑިމޮކްރަޓިކް ޕްރޮސެސްއަށް ހުރަސް އެޅުމަށް ކަމުގައި ދެކޭ ކަމުގައިވެސް އެމްޑީޕީން ވަނީ ބުނެފައެވެ.

މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ މަޖިލީހަށް ހުށައަޅައި، އެޤަރާރުގައި މަޖިލީހުގެ ސަރުކާރަށް ނިސްބަތްވާ މެމްބަރުން ތުހުމަތުކޮށްފައި ވަނީ، މަޖިލީހުގެ ރައީސް މުޙައްމަދު އަސްލަމާއި، މަޖިލީހުގެ ނައިބު ރައީސް އަޙްމަދު ސަލީމް ވަކިޕާޓީއެއްގެ މަސްލަޙަތު ކުރިއަރުވަން އުޅޭ ކަމަށެވެ.

މަޖިލީހުގެ ޖަލްސާ އިންޓަވަލްއަށް މެދު ކަނޑާލުމަށްފަހު، 1:30ގައި ވޯޓަށް އަހަން ހަމަޖައްސާފައި ވަނިކޮށް ވަޒީރުންނަށް ރުހުން ދިނުމުގެ ވޯޓަށް ހުރަސް އެޅުމަށްޓަކައި ޕީޕީއެމް ޕީއެންސީއަށް ނިސްބަތްވާ މަޖިލީހުގެ މެމްބަރުން، މަޖިލީހުގެ ޗެމްބަރަށް ވަދެ އިދިކޮޅު މެމްބަރުންނަށް މަޖިލީހަށް ނުވަދެވޭނެހެން މަޖިލީހުގެ ޗެމްބަރު އެތެރެއިން ވަނީ ތަޅުލާފައެވެ. އަދި މިވަގުތާއި ހަމައަށްވެސް މަޖިލީހުގެ ޖަލްސާ ކުރިޔަށް ގެންދެވޭ ގޮތް ވެފައި ނުވަނީ ޖަލްސާ ކުރިޔަށް ގެންދިޔުމަށް ސަރުކާރަށް ތާއީދު ކުރާ މެމްބަރުން ހުރަސްއަޅަމުން ދިޔުމާއި ގުޅިގެންނެވެ.

ވަޒީރުންގެ ތެރެއިން، ރުހުން ނުދިނުމަށް ނިންމާފައިވާ ބޭފުޅުންގެ ތެރޭގައި، ބަންޑާރަ ނައިބު އަހުމަދު އުޝާމް އާއި ހައުސިން މިނިސްޓަރު ޑރ. އަލީ ހައިދަރާއި، ނިސްޓަރު ޑރ. މުހައްމަދު ޝަހީމް އަލީ ސައީދާއި، އިކޮނޮމިކް މިނިސްޓަރ މުޙައްމަދު ސަޢީދާއި، ޓޫރިޒަމް މިނިސްޓަރ އިބްރާހީމް ފައިޞަލް ހިމެނިވަޑައިގަންނަވާކަމަށް މަޢުލޫމާތު ލިބިފައިވެއެވެ.

ރައްޔިތުންގެ މަޖިލީހުގެ އިންތިހާބުގައި ޕީޕީއެމް/ޕީއެންސީގެ ފަރާތުން ވާދަކުރައްވާނެ ބޭފުޅުން ހޮވުމަށްޓަކައި ކުރިއަށްގެންދިޔަ ޕްރައިމަރީގައި މަޖިލިސް މެމްބަރުކަން ކުރައްވާފައިވާ ގިނަ ބޭފުޅުންތަކަކަށް ޓިކެޓު ކަށަވަރުވެއްޖެއެވެ.

އުތުރުގެ ހަތަރު ރަށެއްގައި ޕޮލިސް ޕޯސްޓު ހުޅުވައި، ހިދުމަތްދޭން ފަށައިފި. ޕޮލިސް ޕޯސްޓު ހުޅުވައި ޚިދުމަތްދޭން ފަށާފައި ވަނީ ބ. މާޅޮހާއި، ކިހާދޫ އަދި ނ. ޅޮހީގެ އިތުރުން ހެނބަދޫގައެވެ.

ފުލުހުން ވިދާޅުވީ މިހާދިސާގައި މަރުވެފައިވަނީ އުމުރުން 23 އަހަރުގެ ދިވެހި ފިރިހެނެއް ކަމަށެވެ. އޭނާ ގެނބިގެން ފުވައްމުލަކު ހޮސްޕިޓަލަށް ގެންގޮސްފައިވަނީ ހެނދުނު 7:30 ހާއިރު ކަމަށް ފުލުހުން ވިދާޅުވެއެވެ.

ކުރީގެ މިނިސްޓަރ ޢިމްރާން ރައްޔިތުންގެ މަޖިލީހުގައި ވާދަކުރައްވާނެކަން ޢަދާލަތުޕާޓީން ވަނީ ޢިއުލާނުކޮށްފައެވެ. އެޕާޓީން ބުނީ މަޖިލީހަށް އެޕާޓީގެ ރައީސް އިމްރާން ވާދަކުރައްވާނީ ރައްޔިތުންގެ މަޖިލީހުގެ މަކުނުދޫ ދާއިރާއަށެވެ. އެދާއިރާއަކީ މިހާތަނަށް ރައްޔިތުންގެ މަޖިލީހުގައި އަދާލަތުޕާޓީއަށް ގޮނޑިއެއް ކާމިޔާބު ކުރެވުނު ހަމައެކަނި ދާއިރާއެވެ. 18 ވަނަ ރައްޔިތުންގެ މަޖިލީހުގައި އެގޮނޑި ފުރުއްވީ އަދާލަތު ޕާޓީގެ މެމްބަރު އަނާރާ ނަޢީމެވެ.