ރައްޔިތުންގެ މަޖިލީހުގެ ދައުރު އަދާކުރުމަށް ފުރުޞަތު ނުދިނުން ބަލައި ނުގަންނަ ކަމުގައި ރައްޔިތުންގެ މަޖިލީހުގެ ނައިބު ރައީސް އަޙްމަދު ޞަލީމް ވިދާޅުވެއްޖެއެވެ.

ސަލީމް މިހެން ވިދާޅުވީ، ރޭ އެމްޑީޕީގެ ފަރާތުން ރައްޔިތުންގެ މަޖިލީހުގެ އިދާރާގައި ބޭއްވި ނޫސްވެރިންގެ ބައްދަލުވުމުގައެވެ.

މަޖިލީހުގެ އިދާރާގައި އެމްޑީޕީގެ ޕާލަމެންޓްރީ ގުރޫޕުން ބޭއްވި ނޫސްވެރިންގެ ބައްދަލުވުމުގައި، މަޖިލީހުގެ ނައިބު ރައީސް އަދި ހޯރަފުށީ ދާއިރާގެ މެމްބަރު އަޙްމަދު ސަލީމް ވިދާޅުވީ، މަޖިލީހުގެ ޑިއުޕްރޮސެސް ހިންގުމަށް ހުރަސް އެޅުން ބަލައި ނުގަންނަ ކަމަށެވެ. ސަލީމް ވިދާޅުވީ، ވަޒީރުންނަށް ރުހުން ދިނުމުގެ ވޯޓަށް ފުރުޞަތުދޭން ޖެހޭނެ ކަމަށެވެ.

ވަޒީރުންގެ މަޖިލީހުގެ މެމްބަރުންނަށް ރުހުން ދިނުމަށް، އިއްޔެއާ ރޭ ކުރިޔަށް ގެންދިޔުމަށް މަސައްކަތްކުރި ޖަލްސާތައް، ސަރުކާރަށް ތާއީދު ކުރާ މެމްބަރުން ވަނީ ހުރަސް އަޅާފައެވެ. މިގޮތުން މިއަދު މެންދުރާއި ހަމައަށްވެސް އެޖަލްސާ ވަނީ ބޭއްވޭ ގޮތް ނުވެފައެވެ.

މީގެ އިތުރުން ސަރުކާރަށް ތާއީދުކުރާ ފަރާތްތަކުން ރައްޔިތުންގެ މަޖިލީހުގެ މެމްބަރުންގެ ތެރެއިން އިދިކޮޅު މެމްބަރުންނަށް މަރުގެ އިންޒާރުތައް ދެމުންދާ ކަމުގައި އެމްޑީޕީގެ މެމްބަރުން ވަނީ ވިދާޅުވެފައެވެ.