ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އިންޑިއާގެ 75 ވަނަ ޖުމްހޫރީ ދުވަހުގެ މުނާސަބަތުގައި، އިންޑިއާގެ ރައީސަށާއި ބޮޑުވަޒީރަށް ތަހުނިޔާއާ ހެޔޮއެދުންތައް ފޮނުއްވައިފިއެވެ.

ޙަސަން ލަތީފް ވިދާޅުވީ ސަރުކާރުގެ ވުޒާރާތަކުގެ ވަޒީރުކަމާއި ކުންފުނިތަކުން ވަޒީފާވެސް ދަ ޑިމޮކްރެޓްސްއަށް ބޭނުންވާކަން، ޑައިރެކްޓަރ ޖެނެރަލް އޮފް ޓްރާންސިޝަންގެ މަޤާމުގައި ޢަބުދުއްރަހީމް ހުންނެވި އިރު އެމަނިކުފާނާއި އެކުގައި އަދި މިފަހުން ރައީސް ޑރ. މުޢިއްޒާއިއެކު ބޭއްވެވި ބައްދަލުވުންތަކުގައިވެސް ހިއްސާކުރެއްވި ކަަމަށެވެ. އެހެންނަމަވެސް ސަރުކާރުގެ މަޤާމުތަކަށް ދަ ޑިމޮކްރެޓްސްގެ މެމްބަރުން އަންނާނީ އެޕާޓީގެ ސިޔާސަތުތައް ސަރުކާރުން ޤަބޫލު ކުރައްވައި އެކަމަށް މަސައްކަތް ކުރައްވާކަމަށް ވާނަމަ ކަމަށްވެސް ދެންނެވި ކަމުގައި، ޙަސަން ލަތީފު ވިދާޅުވި އެވެ.

ބަންޑާރަ ނައިބުގެ އޮފީހުން ވިދާޅުވީ، ޑރ މުޙައްމަދު މުނައްވަރުގެ އިތުރުން، މި މައްސަލައާ ގުޅިގެން ޤާނޫނީ ލަފާ ހޯދުމަށް އިނގިރޭސިވިލާތުގެ ކިންގްސް ކައުންސެލްއަކާއި، ލޯ އޮފްދަ ސީ އާ ބެހޭ މޯލްޓާގެ ކަމާބެހޭ ތަޖުރިބާކާރެއް ވަނީ ޢައްޔަނުކުރެވިފައި ކަމަށެވެ. މި ދެ ޤާނޫނީ މާހިރުންނަކީވެސް ކަނޑާބެހޭ މުއާހަދާ އާ ގުޅުންހުރި މި ފަދަ މައްސަލަތަކުގައި ފާހަގަކޮށްލެވޭ ތަޢުލީމާއި ތަޖުރިބާ ލިބިވަޑައިގެންފައިވާ ދެބޭފުޅުންކަމުގައި ބަންޑާރަ ނައިބުގެ އޮފީހުން ވިދާޅުވި ނަމަވެސް އެއީ ކޮންބޭފުޅުންނެއް ކަމެއް ހާމައެއް ނުކުރައްވައެވެ.

ރައީސުލްޖުމްހޫރިއްޔާ އާއި އެމަނިކުފާނުގެ ނައިބު ކުރައްވާ ދަތުރުފުޅުތަކުގެ ޚަރަދު ތަފްސީލް ދަތުރުފުޅު ނިމޭތާ 14 ދުވަހުގެ ތެރޭގައި ހާމަކުރެއްވުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ރިޔާސީ ވަޢުދެކެވެ.

ޤައުމި އެއަރލައިން މޯލްޑިވިއަނުން ހޯރަފުށި އެއަރޕޯޓަށް ކުރާ ދަތުރުތައް އިތުރުކުރަން ނިންމައިފިއެވެ.

ބީއެމްއެލް އިސްލާމިކްގެ އައު އޭޓީއެމް ސެންޓަރެއް ހުޅުމާލެ ފޭސް 2 ގައި މިއަދު ހުޅުވައިފިއެވެ.

ކަޅުއޮއްފުންމީގެ ނަކަލު އޮޑި ބަނދެފައި ވަނީ، ހދ. ނޭކުރެންދޫގައި މިނިވަން 50 އާއި ދިމާކޮށް ރައީސުލްޖުމްހޫރިއްޔާ ޢަބުދުﷲ ޔާމީން ޢަބުދުލް ޤައްޔޫމްގެ ސަރުކާރުގައެވެ. ކަޅުއޮއްފުންމީގެ ނަކަލު ތައްޔާރުކޮށްފައިވާ ގޮތާއި މެދު ކުރީގެ ރައީސުލްޖުމްހޫރިއްޔާ، މުޙައްމަދު ނަޝީދު ވަނީ މިއަދު ފާޑު ވިދާޅުވެފައެވެ.

އެއީ މިނިސްޓަރ އޮފް އިސްލާމިކް އެފެއާޒް އައްޝައިޚް މުޙައްމަދު ޝަހީމް ޢަލީ ސަޢީދާއި، މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމެންޓް ޑރ. އައިޝަތު ޝިހާމާއި، މިނިސްޓަރ އޮފް ސްޕޯޓްސް ފިޓްނެސް އެންޑް ރެކްރިއޭޝަން ޢަބުދުﷲ ރާފިޢު، މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ. ޢަބުދުﷲ މުއްޠަލިބު އަދި މިނިސްޓަރ އޮފް އިކޮނޮމިކް އޮފް ޑިވޮލޮޕްމެންޓް، މުޙައްމަދު ސަޢީދެވެ.

އެމްއެންޑީއެފުން ވިދާޅުވީ، ދިގު މިނުގައި 9 ފޫޓް ހުރި މި ކިނބޫ ހިފައި މިހާރު އޭތި އޮތީ ސިފައިންގެ ބެލުމުގެ ދަށުގައި ކަމަށެވެ. މި ހާދިސާގެ މަޢުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑް، ކޯސްޓްގާޑް ތާޑް ސްކޮޑްރަންއަށް ލިބިފައިވަނީ ދ. ކުޑަހުވަދޫ ޕޮލިސް ސްޓޭޝަންގެ ފަރާތުން ބުދަ ދުވަހު ހަވީރު 16:08 ހާއިރުކަމަށްވެސް އެމްއެންޑީއެފުން ވަނީ ވިދާޅުވެފައެވެ.

ދައުރުން ބޭރުން ބާއްވާ ޖަލްސާގައި ކުރާނެ ކަންކަމުގެ ތެރޭގައި، އިންތިޚާބުތަކާއި ބެހޭ އާއްމު ޤާނޫނަށް ހުށައަޅާ އިންތިޚާބުތައް ރޯދަމަހުގެ ތެރޭގައި ނުބޭއްވުމަށް ކަނޑައަޅައި ޤާނޫނު އިސްލާޙްކުރުމުގެ ބިލާއި، ރައްޔިތުންގެ މަޖިލީހުގެ އަދަދު ކަނޑައެޅުމުގެ ބިލާއި، ވަޒީރުންނަށް ރުހުން ދިނުން މަސައްކަތްވެސް ހިމެނޭނެކަމަށް އެމްޑީޕީއާ ދަ ޑިމްކޮސްރެޓްސްއިން ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި ވަނީ ބުނެފައެވެ.

ރައީސް ޔާމީނުގެ ސަރުކާރުގައި ޒިކުރާ މިސްކިތް ހުރި ބިމުގައި މިސްކިތާއިއެކު 10 ބުރީގެ އިމާރާތެއް އެޅުމަށްވެސް އެސްޖޭ ކޮންސްޓްރަކްޝަނާއި ހަވާލުކުރިއެވެ. އެމަޝްރޫޢު ކުރިޔަށް ގެންދިޔުމަށް ޒިކުރާ މިސްކިތުގެ ކުރީ އިމާރާތް ތަޅާލުމަށްފަހު، އެމަޝްރޫޢުގައި ދިމާވި މައްސަލަ ތަކާއި އެކު މިހާރު އެތަނުގައި އަޅާފައި ހުރީ ވަގުތީ މިސްކިތެކެވެ.

މިރަސްމިއްޔާތުގައި، މިހަދިޔާގެ ރަމްޒީ ލިޔުން، އިޖުތިމާޢީ އަދި ޢާއިލީ ތަރައްޤީއާބެހޭ ވަޒީރު ޑރ. ޢާއިޝަތު ޝިހާމާއި ހަވާލުކޮށްދެއްވީ، އިސްލާމީކަންތައްތަކާއި ބެހޭ ވަޒީރު، ޑރ. މުޙައްމަދު ޝަހީމް ޢަލީ ސަޢީދެވެ. އިސްލާމިކް ޗެރިޓީ ފަންޑުން ހަދިޔާކުރި 32 އެނދުގެ އަގަކީ، ބައި މިލިޔަން ރުފިޔާއެވެ.

އެމްޑީޕީއާ ދަ ޑިމޮކްރެޓްސްގެ އިސްބޭފުޅުން ބޭއްވި ނޫސްވެރިންގެ ބައްދަލުވުމުގައި، ރައްޔިތުންގެ މަޖިލީހުގެ ހޯރަފުށީ ދާއިރާގެ މެމްބަރު އަދި މަޖިލީހުގެ ނައިބު ރައީސް އަޙްމަދު ސަލީމް ވިދާޅުވީ، ސަރުކާރުގެ ހިންގުމުގެ ޚަރަދުތައް ކުޑަކުރަން ޖެހޭ ކަމަށާއި، އުއްމީދު ކުރެއްވީ މިސަރުކާރުން އެފަދަ މަސައްކަތްތަކެއް ކުރައްވާނެކަން ކަމަށެވެ.

އެމްޑީޕީއާ ދަ ޑިމޮކްރެޓްސް ގުޅިގެން މިއަދު ބޭއްވި ނޫސްވެރިންގެ ބައްދަލުވުމުގައި، އެމްޑީޕީއާ ދަޑިމޮކްރެޓްސްއިންވެސް ވަނީ، ދައުރުން ބޭރުގައި ޖަލްސާއެއް ބޭއްވުމަށް ހުށައަޅާފައިވާ ކަން ހާމަކޮށްފައެވެ. ދަ ޑިމޮކްރެޓްސްގެ ޕާލަމެންޓްރީ ގުރޫޕުގެ މެމްބަރު ޢަލީ އާޒިމް ވިދާޅުވީ، މަޖިލީހުގެ ރައީސަށް ދައުރުން ބޭރުން ޖަލްސާއެއް ބާއްވައި ދިނުމަށް އެދި ހުށައަޅާފައިވާ ކަމަށާއި، އެޖަލްސާ އަންނަ ހަފްތާގައި ބޭއްވޭނެ ކަމަށް އުއްމީދު ކުރައްވާ ކަމަށެވެ.

ދެޕާޓީގެ އިސްބޭފުޅުން ބައިވެރިވެވަޑައިގެން މިއަދު ހަވީރު، ޗަމްޕާ ސެންޓްރަލް ހޮޓެލްގައި ބޭއްވި ނޫސްވެރިންގެ ބައްދަަލުވުމުގައި، އެމްޑީޕީގެ ޗެއާ ޕާސަން ފައްޔާޒް އިސްމާއީލް ވިދާޅުވީ، މަޖިޅީހަށް ހުށައަޅަން ތައްޔާރުވަމުންދާ ބިލްތަކުގެ މަސައްކަތްތަކުގައި ދެޕާޓީން ގުޅިގެން މަސައްކަތް ކުރުމަށް މަޝްވަރާތައް ކުރެވިފައިވާ ކަމަށެވެ. އަދި ރައްޔިތުންގެ މަޖިލީހުގެ އިންތިޚާބުގައި ދެޕާޓީން ގުޅިގެން މަސައްކަތް ކުރުމަށް މަޝްވަރާއެއް ނުކުރާ ކަމަށާއި، އެމްޑީޕީން މަޖިލީހުގެ ހުރިހާ ދާއިރާތަކަށްވެސް ވާދަކުރާނެ ކަމުގައި ފައްޔާޒް ވިދާޅުވިއެވެ.

އެމްޑީޕީއާ ދަ ޑިމޮކްރެޓްސްގެ އިސްބޭފުޅުން މިހަފްތާގައި ވަނީ ބައްދަލުކޮށްފައެވެ. މިގޮތުން ދަ ޑިމޮކްރެޓްސްގައި އެންމެ އިސްކޮށް ތިއްބެވި ބޭފުޅުންނާއި އެމްޑީޕީގެ އިސްބޭފުޅުން ބޭއްވެވި ބައްދަލުކުރެއްވުމާއި ގުޅޭ މައުލޫމާތެއް ދެޕާޓީން މިހާތަނަސް ހާމަކޮށްފައެއް ނުވެއެވެ. އެހެންނަމަވެސް އެދެޕާޓީގެ ފަރާތުން ބާއްވާ ނޫސްވެރިންގެ ބައްދަލުވުމެއް މިއަދު އޮންނާނެކަން މިހާރު ވަނީ އިޢުލާނުކޮށްފައެވެ.