Advertisement

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ހަސަން ލަޠީފް ގެ ބައްދަލު ކުރެއްވުން --- ފައިލް ފޮޓޯ: ރައީސް އޮފީސް

25 Jan 2024
ޚަބަރު
ޢަލީ ސުލައިމާން

މިނިސްޓަރުކަމާއި ކުންފުނިތަކުގެ ވަޒީފާތައް ބޭނުންކަމުގައި ދެންނެވިން: ޙަސަން ލަޠީފް

މިސަރުކާރުގައި ޑިމޮކްރެޓުންގެ ބައިވެރިވުންއޮންނާނެ ކަމަށް ކުރިން ވިދާޅުވުމަށްފަހު، މިހާރު ސަރުކާރާއި ދެކޮޅަށް ނުކުމެފައިވާ ދަ ޑިމޮކްރެޓްސް ޕާޓީން، ސަރުކާރުގެ ވުޒާރާތަކުގެ ވަޒީރުކަމައި ކުންފުނިތަކުގެ ވަޒީފާތައްވެސް ބޭނުންކަން ސަރުކާރަށް ހުށައެޅުއްވި ކަމުގައި، ދަ ޑިމޮކްރެޓްސްގެ ރައީސް ޙަސަން ލަޠީފް ވިދާޅުވެއްޖެއެވެ.

ޙަސަން ލަތީފް މިހެން ވިދާޅުވީ، އެމްޑީޕީއާ ދަޑިމޮކްރެޓްސްއިން ގުޅިގެން ރައްޔިތުންގެ މަޖިލީހުގެ ތެރޭގައި ބައެއް ބިލްތައް ފާސްކުރުމަށް ގުޅިގެން މަސައްކަތްކުރުމަށް ނިންމާފައިވާކަން ހާމަކުރެއްވުމުގެ ގޮތުން ބޭއްވި ނޫސްވެރިންގެ ބައްދަލުވުމުގައެވެ.

ޙަސަން ލަތީފް ވިދާޅުވީ ސަރުކާރުގެ ވުޒާރާތަކުގެ ވަޒީރުކަމާއި ކުންފުނިތަކުން ވަޒީފާވެސް ދަ ޑިމޮކްރެޓްސްއަށް ބޭނުންވާކަން، ޑައިރެކްޓަރ ޖެނެރަލް އޮފް ޓްރާންސިޝަންގެ މަޤާމުގައި ޢަބުދުއްރަހީމް ހުންނެވި އިރު އެމަނިކުފާނާއި އެކުގައި އަދި މިފަހުން ރައީސް ޑރ. މުޢިއްޒާއިއެކު ބޭއްވެވި ބައްދަލުވުންތަކުގައިވެސް ހިއްސާކުރެއްވި ކަަމަށެވެ. އެހެންނަމަވެސް ސަރުކާރުގެ މަޤާމުތަކަށް ދަ ޑިމޮކްރެޓްސްގެ މެމްބަރުން އަންނާނީ އެޕާޓީގެ ސިޔާސަތުތައް ސަރުކާރުން ޤަބޫލު ކުރައްވައި އެކަމަށް މަސައްކަތް ކުރައްވާކަމަށް ވާނަމަ ކަމަށްވެސް ދެންނެވި ކަމުގައި، ޙަސަން ލަތީފު ވިދާޅުވި އެވެ. ޙަސަން ލަޠީފް ވިދާޅުވީ، ސަރުކާރުން ވަނީ ދަ ޑިމޮކްރެޓްސްއިން ހުށައެޅި ސިޔާސަތުތައް ޤަބޫލު ނުކޮށްފައި ކަމަށެވެ. އަދި މިސަރުކާރުގެ ބައެއް ސިޔާސަތުތަކަކީ ދަ ޑިމޮކްރެޓްސްއިންވެސް ޤަބޫލު ކުރާ ކަންކަން ނޫންކަމަށް ވިދާޅުވެ، ޚާއްޞަގޮތެއްގައި މިސަރުކާރުގެ ޚާރިޖީ ސިޔާސަތު ރަނގަޅު ނޫންކަން، ޙަސަން ލަޠީފް ފާހަގަކުރެއްވިއެވެ.

"ޑައިރެކްޓަރ ޖެނެރަލް އޮފް ޓްރާންސިޝަން އެމަޤާމުގައި ހުންނެވި އިރު، ބައްދަލުކުރިން. އަޅުގަނޑާއި އާޒިމާއި ދެމީހުން ބައްދަލުކުރީ. އަޅުގަނޑުމެން ވަރަށް ސާފުކޮށް ދެންނެވިން. އަޅުގަނޑުމެން މިއުޅެނީކީ ކޮންމެހެން އެއް މިނިސްޓަރުކަމާއި ތިން ސްޓޭޓް މިނިސްޓަރު ކަމާއި، ފެނަކައިން ދެތިންކުއްޖަކަށް ވަޒީފާ އެއެއް ނޫނޭ. ރަނގަޅޭ އެކަންކަން ވެސް ބޭނުމޭ. އެހެން ނަމަވެސް އެކަންކަމާއި އެކީގައި އަޅުގަނޑުމެންގެ ސިޔާސަތުތައްވެސް ތަންފީޒް ކުރަން ބޭނުމޭ. އަދި ކޮށްގެން ނުވާނެ ކަންކަންވެސް އެބަހުއްޓޭ އަޅުގަނޑުމެން ބައިވެރިވާ ސަރުކާރެއްގައި. އެކަންކަމަކަށް އެބޭފުޅުނަކަށް އެއްބަސްވެވަޑައެއް ނުގެންނެވުނު. އެހިސާބުން އެވާހަކަ ހުއްޓުނީ"

ދަ ޑިމޮކްރެޓްސް ރައީސް، ޙަސަން ލަޠީފް --

ޙަސަން ލަޠީފް ވިދާޅުވީ، ޑރ. މުޙައްމަދު މުއިއްޒު ވެރިކަމާިއ ހަވާލުވެ ވަޑައިގެންނެވުމަށްފަހުވެސް ބައްދަލުކުރެއްވި ކަމަށާއި، އެބައްދަލުކުރެއްވުމުގައި ޑައިރެކްޓަރ ޖެނެރަލް އޮފް ޓްރާންސިޝަން ޢަބުދުއްރަހީމާއިއެކު ދެއްކެވި ވާހަކަތައް ތަކުރާރުކުރެއްވި ކަމަށެވެ. ހަސަން ވިދާޅުވީ އެކަންކަން އެނގިވަޑައިގެންފައިވާކަމުގައި ރައީސުލްޖުމްހޫރިއްޔާ ވިދާޅުވި ކަމަށާއި، އޭގެ ފަހުންވެސް ސިޔާސަތުތަކަށް ބަދަލު ނާންނަކަން ފާހަގަކުރައްވައި މިސަރުކާރުގެ ފޮރިން ޕޮލިސީ ގޯސްކަމުގައި ޙަސަން ލަޠީފް ވިދާޅުވިއެވެ. 

ހަސަން ލަޠީފް ވިދާޅުވީ ދަ ޑިމޮކްރެޓްސްއިން ދެއްކިވާހަކަތައް ސަރުކާރުން ޤަބޫލުނުކުރިކަމަށާއި އެހެންވެ ދަ ޑިމޮކްރެޓްސްއަށް އެ ފުރުޞަތު ނެތްކަމަށެވެ. އަދި ސަރުކާރާއި އެކު މަސައްކަތް ކުރަން ބޭނުން ނުވާކަމުގައިވެސް ޙަސަން ލަޠީފް ވިދާޅުވިއެވެ.

ހަސަން ލަޠީފް ވިދާޅުވީ، ދަ ޑިމޮކްރެޓްސްގެ ވަކިވަކި ބޭފުޅުންނަށް ސަރުކާރުން ގުޅުގައި އެބޭފުޅުންނަށް ވަޒީފާތައްވެސް ހުށައެޅުއްވި ކަމަށެވެ. ހަސަން ލަޠީފް ވިދާޅުވީ، ޕާޓީގެ އަސާސްތަކާއި އުސޫލުތަކާއި ސިޔާސަތުތައް ދޫކޮށްލާފައި ލިބޭ ވަޒީފާއަކަށްޓަކައި ސަރުކާރާއި ގުޅުމަކީ، އެޕާޓީގެ އާއްމު މެމްބަރަކުވެސް ކުރާނެ ކަމެއް ކަމަކަށް ޤަބޫލު ނުކުރައްވާ ކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.