ހުޅުމާލެ ފްލެޓެއްްގެ އައުޓްޑޯ ޔުނިޓުގައި ރޯވެ އަލިފާނުގެ ހާދިސާއެއް ހިނގައިފިއެވެ.

މިއަދު 13:10 ހާއިރުގައި މިހާދިސާ ހިނގާފައި ވަނީ ހުޅުމާލެ ފްލެޓް 160ގެ ތިންވަނަ ފަންގިފިލާގައި ހަރުކޮށްފައި ހުރި އޭސީ އައުޓްޑޯ ޔުނިޓެއްގައެވެ. މިހާދިސާގައި އައުޓްޑޯ ޔުނިޓްގައި ރޯވެ ވިރިގެން ފޭބި ޕްލާސްޓިކް ތަކުން އެ ފްލްޓް އިމާރާތުގެ ތިރީގައި އެއްކޮށްފައި ހުރި ކުނިތަކެއްގައިވެސް ރޯވިއެވެ.

މިހާދިސާގައި އެއްވެސް މީހަކަށް އަދި ފްލެޓް ޢިމާރާތަށްވެސް ގެއްލުމެއް ލިބިފައެއް ނުވެއެވެ. ހާދިސާ ރިޕޯޓް ކުރިތާ މަދު ވަގުތު ކޮޅެއްގެ ތެރޭގައި އެމްއެންޑިއެފްގެ ހުޅުމާލެ ފަޔަރ ސްޓޭޝަނުންގެ ފަޔަމަނުން ވަނީ ރޯވި އަލިފާން ނިވާލާފައެވެ.

ރޯވެފައި ވަނީ އޮކްސް ބްރޭންޑްެ އައުޓްޑޯ ޔުނިޓެއްގައެވެ. ހާދިސާ ހިނގަން މެދުވެރިވީ ކަރަންޓް ޝޯޓެއްވެ އައުޓްޑޯ ޔުނިޓްގައި ރޯވެގެންނެވެ.