އެސްއެމްއެސްއިން ރައްޔިތުންނަށް، މިސަރުކާރުގެ ވަޒީރުންނާއި، ސުވާލުކުރުމަށް ފުރުޞަތުދީގެން ބާއްވާ ފުރަތަމަ ފޯރަމް މިރޭ އޮންނާނެ ކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވައިފިއެވެ.

މިފޯރަމް ބޭއްވުމަށް ހަމަޖައްސާފައި ވަނީ މިރޭގެ، 8:30ގައި މާލޭ ސަލްޓަންޕާކު ސްޓޭޖު ގައެވެ. މިފޯރަމް ކުރިޔަށް ގެންދާނީ ރައީސުލްޖުމްހޫރިއްޔާގެ އޮފީހާ ޕަބްލިކް ސަރވިސް މީޑިއާ، ޕީއެސްއެމް ގުޅިގެންނެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، "އަހާ" ގެނަމުގައި ކުރިޔަށް ގެންދިޔުމަށް ނިންމާފައިވާ މިސިލްސިލާ ފޯރަމްގެ ފުރަތަމަ ފޯރަމްގައި ބައިވެރިވެވަޑައިގަންނަވާނީ، ފަސް ވަޒީރުންނެވެ.

އެއީ މިނިސްޓަރ އޮފް އިސްލާމިކް އެފެއާޒް އައްޝައިޚް މުޙައްމަދު ޝަހީމް ޢަލީ ސަޢީދާއި، މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމެންޓް ޑރ. އައިޝަތު ޝިހާމާއި، މިނިސްޓަރ އޮފް ސްޕޯޓްސް ފިޓްނެސް އެންޑް ރެކްރިއޭޝަން ޢަބުދުﷲ ރާފިޢު، މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ. ޢަބުދުﷲ މުއްޠަލިބު އަދި މިނިސްޓަރ އޮފް އިކޮނޮމިކް އޮފް ޑިވޮލޮޕްމެންޓް، މުޙައްމަދު ސަޢީދެވެ.

ކޮންމެ ދެމަހުން އެއްމަހު ބާއްވާ މިފޯރަމްގައި، ސަރުކާރުގެ ކަންކަމާއި ގުޅޭ ގޮތުން ރައްޔިތުން ކުރަން ބޭނުންވާ ކޮންމެ ސުވާލެއް ކުރެވޭނެ ކަމުގައިވެސް ރައީސުލްޖުމްހޫރިއްޔާގެ އޮފީހުން ވިދާޅުވެއެވެ. އެހެން ނަމަވެސް ރައްޔިތުން މި ފަސް ވަޒީރުންނާއިކުރަން ބޭނުންވާ ސުވާލު ފޮނުވަން ޖެހޭނީ އެސްއެމްއެސްއެއްގެ ގޮތުގައެވެ.

އެސްއެމްއެސް ކުރައްވަން ޖެހޭނީ، AH (SPACE) SUVAALU, SEND TO 300 އަށެވެ. ވަޒީރުންނަށް ރައްޔިތުން ފޮނުވާ ސުވާލު ވަޒީރުންނަށް ހުށައަޅާނީ ޕްރެޒެންޓަރެވެ،