މިނިސްޓްރީ އޮފް އިސްލާމިކް އެފެއާޒުން އެމިނިސްޓްރީގެ އިސްލާމިކް ޗެރިޓީ ފަންޑުން ކ.ގުރައިދޫގައި ހުންނަ ޚާއްޞަ އެހީއަށް ބޭނުންވާ މީހުންގެ މަރުކަޒަށް 32 މެޑިކަލް އެނދު ހަދިޔާކޮށްފިއެވެ.

މިކަމަށްޓަކައި ބޭއްވި ޚާއްޞަ ރަސްމިއްޔާތު އޮތީ، މިއަދު ހެނދުނު އިސްލާމީ މަރުކަޒުގެ ޖަލްސާކުރާ މާލަމުގައެވެ.

މިރަސްމިއްޔާތުގައި، މިހަދިޔާގެ ރަމްޒީ ލިޔުން، އިޖުތިމާޢީ އަދި ޢާއިލީ ތަރައްޤީއާބެހޭ ވަޒީރު ޑރ. ޢާއިޝަތު ޝިހާމާއި ހަވާލުކޮށްދެއްވީ، އިސްލާމީކަންތައްތަކާއި ބެހޭ ވަޒީރު، ޑރ. މުޙައްމަދު ޝަހީމް ޢަލީ ސަޢީދެވެ. އިސްލާމިކް ޗެރިޓީ ފަންޑުން ހަދިޔާކުރި 32 އެނދުގެ އަގަކީ، ބައި މިލިޔަން ރުފިޔާއެވެ.