މަސްޖިދުލް ޔޫސުފުލް ބަރުބަރީ ހުރި ބިމުގައި އައު މިސްކިތެއް ބިނާކުރުމަށް ބަޔަކާއި ހަވާލުކޮށްފިއެވެ. އިސްލާމީ ކަންތައްތަކާއިބެހޭ ވުޒާރާއިން މި މިސްކިތް ބިނާކުރުމަށް ހަވާލުކޮށްފައިވަނީ އަމިއްލަ ފަރާތަކާއެވެ. އަދި އެކަމާއި ގުޅޭ އެއްބަސްވުމުގައި އެ ވުޒާރާއިން މިއަދު ވަނީ ސޮއިކޮށްފައެވެ.

އިސްލާމީ ކަންތައްތަކާއިބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވީ ބަރުބަރީ މިސްކިތް 2 ބުރިއަށް ހެދުމުގެ މަސައްކަތް ރަމަޟާން މަހަށްފަހު ފެށިގެންދާނެ ކަމަށެވެ. އަދި 2 އަހަރެއްހާ ދުވަހުގެތެރޭ މިސްކިތުގެ މަސައްކަތް ނިންމުމަށްފަހު ހުޅުވުމަކީ އަމާޒެއްކަމަށެވެ.

މިސްކިތް ބިނާކުރުމަށް ވަރަށް ގިނަ އަމިއްލަ ފަރާތްތަކުން ޝައުގުވެރިކަން ފާޅުކުރަމުން ދާކަމަށް ޝަހީމް ވިދާޅުވިއެވެ. ޝަހީމް ވިދާޅުވީ ރާއްޖޭގެ 25 މިސްކިތެއް ބިނާކުރުމުގެ ފުރުސަތު މިހާރުވެސް އެބައޮތްކަމަށެވެ.

Advertisement