ދ. އަތޮޅު ކަނޑިމަން ރިޒޯޓުގެ ފުއްޓަރުމަތިން ފެނުނު ކިނބުލެއް އެމްއެންޑީއެފުން ހިފައިފިއެވެ.

އެމްއެންޑީއެފުން ވިދާޅުވީ، ދިގު މިނުގައި 9 ފޫޓް ހުރި މި ކިނބޫ ހިފައި މިހާރު އޭތި އޮތީ ސިފައިންގެ ބެލުމުގެ ދަށުގައި ކަމަށެވެ. މި ހާދިސާގެ މަޢުލޫމާތު އެމްއެންޑީއެފް ސެންޓްރަލް އޭރިއާ ކޮމާންޑް، ކޯސްޓްގާޑް ތާޑް ސްކޮޑްރަންއަށް ލިބިފައިވަނީ ދ. ކުޑަހުވަދޫ ޕޮލިސް ސްޓޭޝަންގެ ފަރާތުން ބުދަ ދުވަހު ހަވީރު 16:08 ހާއިރުކަމަށްވެސް އެމްއެންޑީއެފުން ވަނީ ވިދާޅުވެފައެވެ. ކިނބުލަކީ ރާއްޖޭގައި ދިރިއުޅޭ އެއްޗަށް ނުވިޔަސް އިރުވައިގެ އޮޔާއިއެކު އަވައްޓެރި ޤައުމުތަކުގެ އައްސޭރިފަށުން ބެެހިގެން އަންނަ ކިނބޫ ދޭތެރެ ދޭތެރެއިން ރާއްޖޭގެ ސަރަހައްދުން ފެނެއެވެ.