ޤައުމި އެއަރލައިން މޯލްޑިވިއަނުން ހޯރަފުށި އެއަރޕޯޓަށް ކުރާ ދަތުރުތައް އިތުރުކުރަން ނިންމައިފިއެވެ.

މޯލްޑިވިއަނުން ބުނީ، އަންނަ އޭޕްރީލްމަހުގެ 1 ވަނަ ދުވަހުން ފެށިގެން ހއ. ހޯރަފުށި އެއަރޕޯޓަށް ހަފްތާއަކު 4 ދަތުރު ބޭއްވުމަށް ނިންމާފައިވާ ކަމަށެވެ. ދަތުރުތައް ބޭއްވުމަށް ހަމަޖެހިފައިވަނީ، ކޮންމެ ހަފްތާއެއްގެވެސް އާދީއްތަ، އަންގާރަ، ބުރާސްފަތި އަދި ހޮނިހިރު ދުވަހުއެވެ.

މޯލްޑިވިއަނުން މިހާރު ހޯރަފުއްޓަށް ބާއްވަމުންދަނީ ހަފްތާއަކު 3 ދަތުރެވެ. އެއީ ކޮންމެ ހަފްތާއެއްގެވެސް އާދީއްތަ، ބުދަ އަދި ހުކުރު ދުވަހުއެވެ.

Advertisement

ރާއްޖޭގެ އެންމެ އުތުރުގައި ޚިދުމަތް ދެމުން އަންނަ އެއަރޕޯޓްކަމަށްވާ ހޯރަފުށީ އެއަރޕޯޓްގެ ޚިދުމަތް ފެށީ 2020 ވަނަ އަހަރުގެ ނޮވެމްބަރުމަހުއެވެ.