ރާއްޖޭގެ ސަރަހައްދަށް ޤަވާއިދާއި ޚިލާފަށް ވަދެ އުޅުނު ދެ މަސްބޯޓެއް އެމްއެންޑީއެފްގެ ބެލުމުގެ ދަށަށް ގެންގޮސްފިއެެވެ.

އެމްއެންޑީއެފުން ވިދާޅުވީ، އެދެ ބޯޓަކީ، ދިވެހިރާއްޖޭގެ ޚާއްސަ އިގްތިސާދީ ސަރަހައްދުގައި ޤާނޫނާއި ޚިލާފަށް މަސްވެރިކަން ކުރަމުންދިޔަ ކަމަށްބެލެވޭ ދެ ބޯޓުކަމަށެވެ.

އެ ބޯޓުތައް ނިސްބަތްވާ ޤައުމުތަކާއި ބޯޓުގައި ތިބި ފަޅުވެރިންގެ އަދަދެއް އެމްއެންޑީއެފުން ހާމައެއް ނުކުރެއެވެ.

މީގެ ކުރިންވެސް ވަނީ ރާއްޖޭގެ ކަނޑުގެ ސަރަހައްދުން ޤަވާއިދާ ޚިލާފަށް ވަދެ އުޅުނު މަސްބޯޓުތަކެއް އަތުލައިގެންފައެވެ.