ކުރިޔަށް އޮތް ރައްޔިތުންގެ މަޖިލިސް އިންތިޚާބުގައި ވޯޓުފޮށި ބަހައްޓާނީ ރާއްޖޭން ބޭރުގެ ދެ ޤައުމެއްގައި ކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އެ ކޮމިޝަނުން ހަމަޖައްސާފައި ވަނީ 150 ވުރެ ގިނަ މީހުން ވޯޓުލުމަށް ރަޖިސްޓްރީ ކުރާ ޤައުމުތަކުގައި ވޯޓުފޮށި ބެހެއްޓުމަށެވެ. މިގޮތުން އެއަދަދަށް ވުރެ ގިނައިން މީހުން ރީރެޖިސްޓްރީ ކޮށްފައި ވަނީ ސްރީލަންކާ އާއި، މެލޭޝިޔާގައި ކަމަށް އިލެކްޝަންސް ކޮމިޝަނުން ވަނީ ވިދާޅުވެފައެވެ.

ރައްޔިތުންގެ މަޖިލީހުގެ އިންތިޚާބުގައި ވޯޓުލުމަށް ރީ-ރެޖިސްޓްރީ ވުމަށް ހުޅުވާލި ފުރުޞަތު ބުދަދުވަހުގެ 16:00އަށް ހަމަވި އިރު، 13378 މީހުން ވަނީ ރީ-ރެޖިސްޓްރީވުމަށް އެދި ހުށައަޅާފައެވެ. އޭގެ ތެރެއިން 1459 ފޯމް އެކި ސަބަބުތަކާއި ހެދި އިލެކްޝަންސް ކޮމިޝަނުން ބަލައި ނުގަންނަކަމަށާއި، ރީ-ރެޖިސްޓްރީކޮށްދީފައި ވަނީ، 11،919 މީހުން ކަމުގައިވެސް ކޮމިޝަނުން ވިދާޅުވިއެވެ.

ވޯޓުލުމަށް ރީ-ރެޖިސްޓްރީ ވާންޖެހޭނީ ރިޔާސީ އިންތިޚާބުގެ 2 ވަނަ ބުރުގައި ވޯޓުލީތަން ފިޔަވައި އެހެން ތަނަކަށް މަޖިލިސް އިންތިޚާބުގައި އެމީހަކު ވޯޓުލާނަމައެވެ.

މިއިންތިޚާބުގައި ވޯޓުލުމުގެ ހައްޤު ލިބިފައިވާ މީހުންގެ އަދަދަކީ، 284337 އެވެ. އިންތިޚާބު ބޭއްވުމަށް މިހާރު ކަނޑައަޅާފައިވާ ތާރީޚަކީ، 2024 މާރިޗު 17ވާ އާދީއްތަ ދުވަހެވެ.