ރާއްޖޭގެ ފަތުރުވެރިކަން ޕްރޮމޯޓްކުރުމަށް ކުރިއަށްގެންދާ ސަވާދީއްތަ ދަތުރުގެ 3 ވަނަ ދަތުރުފަށައިފިއެވެ.

ސަވާދީއްތަ ދަތުރަކީ ރާއްޖޭގެ ފަތުރުވެރިކަން އިޝްތިހާރުކުރުމަށް މޯލްޑިވްސް އިންޓަގްރޭޑެޓް ޓޫރިޒަމް ޑިވެލޮޕްމަންޓް ކޯޕަރޭޝަން، އެމްއައިޓީޑީސީން އަހަރަކު އެއްފަހަރު، ސިލްސިލާ ގޮތެއްގައި ކުރިއަށްގެންދާ ބައިނަލްއަޤްވާމީ ޔޮޓްރެލީއެކެވެ.

ސަވާދީއްތަ ދަތުރު 2024 ކުރިއަށް ގެންދިޔުމަށް ނިންމާފައިވަނީ "މޯލްޑިވްސް - އަ ސްމޯލް ކަންޓްރީ ވިތް އަ ބިގް ހާރޓް" މި ތީމް ގެ ދަށުންނެވެ. މިދަތުރު ފެށީ މާލެ އަތޮޅު ކުޑަގިރިންނެވެ.

މިޔޮޓްރެލީ ދަތުރުކުރުމަށް ހަމަޖެހިފައިވަނީ ވ.ފުލިދޫ، މ.މުލި، ލ.ގަން، ލ.ފޮނަދޫ، ގއ.ކޮލަމާފުށި، ގދ.ހޯނޑެއްދޫ، ސ.ހިތަދޫ އަދި ސ.ގަމަށެވެ. 

ސަވާދިއްތަ ދަތުރު ކުރިއަށްދާނީ މިމަހުގެ 10 ވަނަ ދުވަހުން ފެށިގެން މިމަހުގެ 29ގެ ނިޔަލަށެވެ. މިދަތުރުގައި މިފަހަރު 10 ޔޮޓަކުން 55 މީހުންވަނީ ބައިވެރިވެފައެވެ. މީގެތެރޭގައި އޮސްޓްރޭލިއާ، ޔޫކޭ، ޔޫއޭއީ، ފްރާންސް އަދި ފިންލޭންޑް ހިމެނެއެވެ. މިފަހަރުގެ ދަތުރަކީ، ރާއްޖޭގެ ބޮޑު 2 ކަނޑެއް ހުރަސްކުރުމުގެ އިތުރުން ފުރަތަމަ ފަހަރަށް އީކުއޭޓަރ ހުރަސްކުރާ ރެލީއެވެ.