ފުލުހުންގެ އިދާރާއިން ވިދާޅުވީ، ރޯޝަނީ ގޯޅިގައި ހަަދަމުންދާ އިމާރާތެއްގެ މަތިން، ދަނގަޑު ހޮޅިއެއްވެއްޓި މީހަކަށް އަނިޔާވި ކަމުގެ މައުލޫމާތު ލިބިފައި ވަނީ، މިރޭ އިރުއޮއްސި، 19:29 ހާއިރުގައި ކަމަށެވެ. އަދި އެހާދިސާގައި އަންހެނަކަށް އަނިޔާވެފައިވާ ކަމަށާއި އެމީހާއަށް އޭޑިކޭ ހޮސްޕިޓަލުގައި ފަރުވާދެމުން އަންނަކަމުގައިވެސް ފުލުން ވިދާޅުވިއެވެ.

އަދި މަސްތުވާތަކެތީގެ އޮޕަރޭޝަންތަކުގައި ހުޅުމާލޭފަޅުގައި އަޅާފައިވާ ސަފާރީތަކާއި މާފުށީ ކައިރީގައި އަޅާފައިވާ ސަފާރީތައް ހިމެނޭހެން ކޯޓުއަމުރުގެ ދަށުން ޖުމުލަ 39 ސަފާރީއެއް ބަލައި ފާސްކޮށް، އަދި މަސްތުވާތަކެތީގެ ވިޔަފާރިކުރުމުގައި ބޭނުންކުރަމުން ދިޔަކަމަށް ބެލެވުނު ފަސް އުޅަނދެއްވެސް ޓޯކުރެވިފައިވާ ކަމުގައި އޭނާ ވިދާޅުވިއެވެ.

ހޯމް މިނިސްޓްރީގެ ދަށުން ހިންގާ އިދާރާތަކާއި ގުޅޭ ގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، އެކްޓިން ޕޮލިސް ކޮމިޝަނަރ ފަރުހާދު ފިކުރީ ވިދާޅުވީ، މި ފާއިތުވި އެއް މަސްދުވަހުގެ ތެރޭގައި، ރާއްޖޭގެ ދެ އަތޮޅެއްގެ ތިންރަށެއްގައި ޕޮލިސް ޕޯސްޓްތައް ހުޅުވިފައިވާ ކަމަށެވެ. އެގޮތުން ހުޅުވުނު ޕޮލިސް ޕޯޓްތަކަކީ، ހދ. ނެއްލައިދޫ ޕޮލިސް ޕޯސްޓާއި، ވ. ތިނަދޫ ޕޮލިސް ޕޯސްޓާއި ވ. ފުލިދޫ ޕޮލިސް ޕޯސްޓްކަމުގައި އެކްޓިން ކޮމިޝަނަރ ވިދާޅުވިއެވެ.

ކޮމިޝަނަރ އޮފް ޕޮލިސްގެ މަޤާމަށް2 ބޭފުޅަކު ކުރިމަތިލައްވައިފިއެވެ. ޕޮލިސް ކޮމިޝަނަރގެ މަޤާމަށް ބޭފުޅަކު އައްޔަން ކުރެއްވުމަށް ހުޅުވާލީ މިމަހުގެ 15ވަނަ ދުވަހުއެވެ.

ފުލުހުންގެ އިދާރާއިން ވިދާޅުވީ، 51 އަހަރުގެ މަންމައަށް ތޫނު އެއްޗަކުން ހަމަލާދިން ދަރިފުޅަކީ، 25 އަހަރުގެ ފިރިހެނެއް ކަމަށާއި އޭނާއަކީ ނަފްސާނީ މައްސަަލަތައް ހުރި މީހެއް ކަމަށެވެ. އެހެންވެ އޭނާ ހައްޔަރެއް ނުކުރެއެވެ.

ފުލުހުންގެ އިދާރާއިން ވިދާޅުވީ، ބަންދުގެ އެމައްސަލައިގައި ހައްޔަރުކޮށްފައި ވަނީ، އުމުރުން، 25 އަހަރާއި 26 އަހަރާއި އަދި 27 އަހަރުގެ ދިވެހި ތިން ފިރިހެނުން ކަމަށެވެ. އެމީހުންގެ ބަންދާއިމެދު ގޮތެއް ނިންމުމަށް، އިއްޔެ ކޯޓަށް ހާޟިރުކުރުމުން، 15 އަހަރުގެ މީހާ 12 ދުވަހަށް، އަދި އަނެއް ދެމީހުން 5 ދުވަހަށް ބަންދުކުރުމަށް ކޯޓުން އަމުރުދީފައިވާ ކަމުގައި ފުލުހުންގެ އިދާރާއިން ވިދާޅުވެއެވެ. ފުލުހުންގެ އިދާރާއިން ވިދާޅުވީ އެމައްސަލަ ފުލުހުން ދަނީ ތަޙްޤީޤުކުރަމުން ކަމަށެވެ.

ފުލުހުންގެ އިދާރާއިން ވިދާޅުވީ، ތުއްތު ކުއްޖާގެ ހަށިގަނޑު ޕޯސްޓް މޯޓަމް ހެދުމަށްޓަކައި އިންޑިއާއަށް ފޮނުވާފައި ވަނީ އިއްޔެ ކަމަށެވެ.

ހޯމް މިނިސްޓްރީން ކޮށްފައިވާ އިޢުލާނުގައި ވާގޮތުން، އެމަޤާމަށް ޝައުޤުވެރިވާ ފަރާތްތަކުން އެކަމަށް އެދި ސިޓީހުށައެޅުމުގެ ފުރުޞަތު ހުޅުވާލާފައި ވަނީ، މި މަހުގެ 19 ވަނަ ދުވަހުގެ މެންދުރު 12 ޖެހުމާ ހަމައަށެވެ.

ފުލުހުންގެ އިދާރާއިން ވިދާޅުވީ، ރޭ ހުޅުމާލޭ ސެންޓްރޯ މޯލްގެ ލިފްޓް ތެރޭގައި ފުރާވަރުގެ ކުއްޖަކަށް ހަމަލާދީފައިވާކަމަށް ބުނެ ބައެއް ސޯޝަލް މީޑިއާ ޕްލެޓްފޯމްތަކުގައި ދައުރުވަމުންދާ މައުލޫމާތާ ގުޅިގެން މިހާތަނަށް ބެލިބެލުމުން ހޮސްޕިޓަލްތަކާއި ކްލިނިކްތަކުން އެފަދަ ކަމެއްގައި ފަރުވާ ހޯދާފައިވާކަމުގެ މަޢުލޫމާތު ލިބިފައި ނުވެއެވެ. އަދި ހާދިސާ ހިނގިތަންކަމަށް ބުނާ ތަނުން އެފަދަ ކަމެއް ހިނގިކަމުގެ މާއްދީ އެއްވެސް ހެއްކެ ލިބިފައިނުވާ ކަމަށެވެ.

އެކި މައްސަލަތަކުގައި ފުލުހުންގެ ބެލުމުގެދަށަށް ގެނެސްފައިވާ ތަކެތީގެ ތެރެއިން، ފުލުހުންގެ ބެލުމުގެދަށުގައި ހުރި ގިނަ އަދަދެއްގެ ބަނގުރާ ނައްތާލައިފިއެވެ.

ފުލުހުންގެ އިދާރާއިން ވިދާޅުވީ، ޑިސެމްބަރު މަހުގެ އެއްވަނަ ދުވަހުގެރޭ އައްޑޫގައި ހިނގި މާރާމާރީއާ ގުޅިގެން، މިއަދު ހައްޔަރުކޮށްފައި ވަނީ އުމުރުން 23 އަހަރުގެ މީހަކާއި އުމުރުން 22 އަހަރުގެ މީހެއްކަމަށެވެ. މިދެ ދެމީހުންނަކީވެސް، ދިވެހި ދެ ފިރިހެނުންކަމަށާއި، އެމީހުން ހައްޔަރުކޮށްފައި ވަނީ ކޯޓު އަމުރެއްގެ ދަށުންކަމުގައިވެސް ފުލުހުން ވިދާޅުވިއެވެ.

ފުލުހުންގެ އިދާރާއިން ބުނީ އެ އަންހެންމީހާގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުން ޝަރީޢަތް ނިމެންދެން އޭނާ ބަންދުކޮށްފައި ބެެހެއްޓުމުގެ އަމުރުދީފައިވާ ކަމަށެވެ.

އައްޑޫ ސިޓީ ހިތަދޫގައި، ޑިސެމްބަރު މަހުގެ 1 ވަނަ ދުވަހުގެރޭ ވެސް ވަނީ ދެގުރޫޕެއްގެ ދެމެދުގައި މާރާމާރީއެއް ހިންގައި، ޒުވާނަކު ވަރަށް ބޮޑަށް ޒަޚަމްކޮށްލާފައެވެ. ޒަޚަމްކޮށްލާފައިވާ ޒުވާނާގެ ހާލު ސީރިޔަސްކަމުގައި ފުލުހުން ވިދާޅުވެއެވެ. މީގެ އިތުރުން އައްޑޫ ސިޓީގައި ގުރޫޕް މާރާމާރީތައް އިތުރުވެގެން ދިޔުމާއި ގުޅިގެން ސަލާމަތީ ފިޔަވަޅުތައް ވަރުގަދަކޮށް އިތުރު ފުލުހުން ފޮނުވާފައިވާ ކަމުގައިވެސް ފުލުހުން ވަނީ ވިދާޅުވެފައެވެ.