ހުޅުމާލޭގައި ދެކާރެއް ޖެހި ހިނގި އެކްސިޑެންޓްގައި، ހަތަރު މީހަކަށް އަނިޔާވެ ކާމިލްދީދީ ޕްރައިމަރީ ސްކޫލުގެ ފާރުން ބައެއް ވެއްޓިއްޖެއެވެ.

ފުލުހުންގެ އިދާރާއިން ވިދާޅުވީ މި އެކްސިޑެންޓް ފުލުހުންނަށް ރިޕޯޓްކޮށްފައިވަނީ ރޭގެ 23:40 ހާއިރުގައި ކަމަށެވެ.

ފުލުހުން ވިދާޅުވީ، އަނިޔާވި މީހުންނަށް ހުޅުމާލެ ހޮސްޕިޓަލްގައި ފަރުވާ ދީފައިވާކަމަށާއި އެ އެކްސިޑެންޓްގައި ހިމެނޭ އެއްކާރު، އެކްސިޑެންޓްވުމުން ފިލާފައިވާ ކަމަށެވެ. އަދި ފިލައިގެން ދިޔަ ކާރު ހޯދުމުގެ މަސައްކަތް ކުރަމުންދާ ކަމުގައި ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ، އެކްސިޑެންޓްގެ މައްސަލަ ތަޙްޤީޤުކުަރަމުންދާ ކަމަށެވެ.

މިއެކްސިޑެންޓްގައި ހުޅުމާލެ ފޭސް 2 ގައި ހުންނަ ކާމިލް ދީދީ ޕްރީ ސްކޫލުގެ ބޭރުފާރުން ބޮޑު ބައެއް ވެއްޓި، ސްކޫލުގެ ބޭރު ފާރަށް ވަނީ ގެއްލުންތައް ލިބިފައެވެ.