Advertisement
ވ. ތިނަދޫ ޕޮލިސް ޕޯސްޓް ހުޅުވުމުގެ ރަސްމިއްޔާތުގެ ތެރެއިން ---
މަސް ދުވަހުގެ ތެރޭގައި ތިން ޕޮލިސް ޕޯސްޓް ހުޅުވައިފި
ފާއިތުވި މަސްދުވަހުގެ ތެރޭގައި ތިން ރަށެއްގައި ޕޮލިސް ޕޯސްޓް ހުޅުވިފައިވާ ކަމުގައި ފުލުހުންގެ އިދާރާއިން ބުނެފިއެވެ.
ހޯމް މިނިސްޓްރީގެ ދަށުން ހިންގާ އިދާރާތަކާއި ގުޅޭ ގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، އެކްޓިން ޕޮލިސް ކޮމިޝަނަރ ފަރުހާދު ފިކުރީ ވިދާޅުވީ، މި ފާއިތުވި އެއް މަސްދުވަހުގެ ތެރޭގައި، ރާއްޖޭގެ ދެ އަތޮޅެއްގެ ތިންރަށެއްގައި ޕޮލިސް ޕޯސްޓްތައް ހުޅުވިފައިވާ ކަމަށެވެ. އެގޮތުން ހުޅުވުނު ޕޮލިސް ޕޯޓްތަކަކީ، ހދ. ނެއްލައިދޫ ޕޮލިސް ޕޯސްޓާއި، ވ. ތިނަދޫ ޕޮލިސް ޕޯސްޓާއި ވ. ފުލިދޫ ޕޮލިސް ޕޯސްޓްކަމުގައި އެކްޓިން ކޮމިޝަނަރ ވިދާޅުވިއެވެ.
މީގެ އިތުރުން ފަރުހާދު ވިދާޅުވީ ފުލުހުންގެ އަސާސީ ތަންރީން ކޯހުގައި، ޤައުމިއްޔަތުގެ މާއްދާއެއް ކިޔަވައިދިނުމަށް ނިންމައި ކުރިޔަށް ހުރި ކޯސްތަކުގައި އެމާއްދާ ކިޔަވައިދޭން ފެށޭނެ ކަމުގައިވެސް ވިދާޅުވިއެވެ.
ރާއްޖޭގެ އަތޮޅުތަކަށް ފުލުހުންގެ ޚިދުމަތްތައް ފުޅާކޮށް، މީހުން ހޭލުންތެރިކުރުވުމަށް މޯލްޑިވްސް ޕޮލިސް ސަރވިސްއިން ދަނީ މަސައްކަތް ކުރަމުންނެވެ.
