ސަރުކާރު މުވައްޒަރުންގެ ނާދީ ކުރިން ހުރި ބިމުގައި، ޓާޓާ ކުންފުނިން އަޅަމުންދާ ފްލެޓް އިމާރާތުގެ މަތިން ރޯޝަނީ ހިނގުމަށް ވެއްޓުނު ދަގަނޑު ހޮޅިއަކުން ޖެހި މީހަކަށް އަނިޔާވެއްޖެއެވެ.

ފުލުހުންގެ އިދާރާއިން ވިދާޅުވީ، ރޯޝަނީ ގޯޅިގައި ހަަދަމުންދާ އިމާރާތެއްގެ މަތިން، ދަނގަޑު ހޮޅިއެއްވެއްޓި މީހަކަށް އަނިޔާވި ކަމުގެ މައުލޫމާތު ލިބިފައި ވަނީ، މިރޭ އިރުއޮއްސި، 19:29 ހާއިރުގައި ކަމަށެވެ. އަދި އެހާދިސާގައި އަންހެނަކަށް އަނިޔާވެފައިވާ ކަމަށާއި އެމީހާއަށް އޭޑިކޭ ހޮސްޕިޓަލުގައި ފަރުވާދެމުން އަންނަކަމުގައިވެސް ފުލުން ވިދާޅުވިއެވެ.

އެނގިފައިވާ ގޮތުގައި އަނިޔާވެފައި ވަނީ މަގުމަތީގައި ކުނިކަހަން އުޅުނު ވެމްކޯގެ އަންހެން މުވައްޒަފަކަށެވެ. އަދި އެހާދިސާގައި އެގޯޅީގައި ޕާކުކޮށްފައި ހުރި ސައިކަލުތަކަކަށްވެސް ވަނީ އެކިވަރުގެ ގެއްލުންތައް ލިބިފައެވެ.