ރޭ ހުޅުމާލެ ފޭސް 1ގައި މަންމައަށް ތޫނު އެއްޗަކުން ހަމަލާދީ ޒަޚަމްކޮށްލި ދަރިފުޅަށް މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓްގެ ބެލުމުގެ ދަށުން އައިޖީއެމްއެޗްގައި އެޑްމިޓްކޮށް ފަރުވާ ދެމުން އަންނަ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، 51 އަހަރުގެ މަންމައަށް ތޫނު އެއްޗަކުން ހަމަލާދިން ދަރިފުޅަކީ، 25 އަހަރުގެ ފިރިހެނެއް ކަމަށާއި އޭނާއަކީ ނަފްސާނީ މައްސަަލަތައް ހުރި މީހެއް ކަމަށެވެ. އެހެންވެ އޭނާ ހައްޔަރެއް ނުކުރެއެވެ.

ފުލުހުންގެ އިދާރާއިން ވިދާޅުވީ، މިހާދިސާގެ ރިޕޯޓް ފުލުހުންނަށް ލިބިފައި ވަނީ ރޭގެ 18:51ގައި ކަމަށެވެ. އަދި މިމައްސަލަ ތަޙްޤީޤުކުރަމުންދާ ކަމުގައި ފުލުހުންގެ އިދާރާއިން ވިދާޅުވެއެވެ.