ޚަބަރު
ދިވެހި ސަރުކާާރުން ޗައިނާގެ ކިބައިން މަޢާފަށް އެދިއްޖެ
20 May 2023
ރަސްމީ ދަތުރުފުޅެއްގައި އިސްލާމިކް މިނިސްޓަރ މޮރޮކޯއަށް ފުރާވަޑައިގަންނަވައިފި
19 May 2023
ދިއްދޫގައި އިސްލާމިކް ސެންޓަރެއް އިމާރާތްކުރަން ކުންފުންޏަކާ ހަވާލުކޮށްފި
19 May 2023
ޕްރިންސިޕަލުން މެލޭޝިއާއަށް ކުރި ތަޖުރިބާ ދަތުރު ކާމިޔާބު ކަމާއިއެކު ނިންމާލައިފި
19 May 2023
19 May 2023
އެމްޑީޕީން އިންތިޚާބު އެއްބުރުން ކާމިޔާބު ކުރާނެ: ފައްޔާޒް
ފައްޔާޒު މިހެންވިދާޅުވީ، ޕާޓީގެ ހަރަކާތްތައް އިތުރު ގިޔަރެއް ކުރިއަށް ޖައްސައި، އެމްޑީޕީއިން މުޅި ރާއްޖެއަށް ކުރާ، ރާއްޖެ ދަތުރުގައި، ޕާޓީގެ ދިދަ މިއަދު ހުރިހާ ރަށެއްގައި ނަގާ ކެމްޕޭން ޓީމްތައް ރުކުރުވާލުމުގެ މަސައްކަތް ފެށިފައިވާ ކަމަށެވެ.
އެމްޑީޕީން މިހާރު އަތޮޅުތަކަށް ކުރަމުންދާ ދަތުރުގައި، މިއަދު ވަނީ ހުރިހާ ރަށެއްގައި އެމްޑީޕީގެ ދިދަ ނެގުމުގެ ހަރަކާތެއް ބާއްވާފައެވެ. މީގެ އިތުރުން މިއަދު ވަނީ ރަށްރަށުގައި ޕޯސްޓަރު ހިއްޕުމުގެ ހަރަކާތެއްވެސް ކުރިޔަށް ގެންގޮސްފައެވެ.
އެމްޑީޕީގެ "ރާއްޖެ ދަތުރު"ގެ ބޭނުމަކީ ރިޔާސީ އިންތިޚާބަށް މެނިފެސްޓޯ އެކުލަވާލުމަށް ބޭނުންވާ މައުލޫމާތު އެއްކުރުން ކަމުގައި އެމްޑީޕީން ވަނީ ބުނެފައެވެ.
19 May 2023
ހަތަރުމީހުން އަރައިގެން ސައިކަލް ދުއްވަނިކޮށް ހިފަހައްޓައި ޖޫރިމަނާކޮށްފި
އެނގިފައިވާ ގޮތުގައި މިއަދު މާލޭ މަޖީދީ މަގުގައި އެއްސައިކަލަށް 4 މީހުން އަރައިގެން ދުއްވަނިކޮށް ފެނިގެން އާއްމު ބައެއް ފަރާތްތަކުން ވަނީ ފޮޓޯނަގައި ސޯޝަލްމީޑިއާގައި ޕޯސްޓްކޮށްފައެވެ. އެއްސައިކަލުގައި ދަތުރުކޮށްފައި ވަނީ އިންޑިއާއަށް ނިސްބަތްވާ އާއިލާއެއްގެ 4 މީހުންކަމަށްވެސް މައުލޫމާތު ލިބިފައިވެއެވެ.
އަވައްޓެރި އިންޑިއާގައި އެއްސައިކަލަށް 4 މީހުން އެރުމަކީ މަނާކަމެއް ނޫންނަމަވެސް ރާއްޖޭގައި ސައިކަަލަށް އެރެވޭނީ 2 މީހުންކަމަށް ޤާނޫނުގައި ކަނޑައަޅާފައިވެއެވެ. މިއަދު މަޖީދީމަގުގައި ސައިކަލުގައި ގޮސްފައި ވަނީ ދެމަފިރިއަކާ އޭނާގެ ކުޑަ ދެދަރީންނެވެ.
19 May 2023
އެމްޑީޕީން ވަކިވި މެމްބަރުން މަޖިލީހުގައި އެމްޑީޕީއަށް ލިބޭ ވަގުތުގައި ވާހަކަދެއްކުމުން އެނގުނީ ގޮތެއް ނެތްކަން: ފައްޔާޒް
ބުރާސްފަތި ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައި އެމްޑީޕީންވަކިވި މެމްބަރުން މަޖިލީހުގެ އެމްޑީޕީގެ ދަފްތަރުން ވަކިނުކުރާ މައްސަލައިގައި މެމްބަރުން ނުރުހުން ފާޅުކުރެއްވިއެވެ. ރައްޔިތުންގެ މަޖިލީހުގެ ރިޔާސަތުގައި އިންނަަވައިގެން، ފިކުރެއްގެ ދިރުމުގެ ނަމުގައި އެމްޑީޕީގެ ތެރޭގައި ވަކި ފެކްޝަނެއް އުފެއްދެވި، ރައީސް ނަޝީދު ވަނީ، އެމްޑީޕީއަށް މަޖިލީހުގައި ލިބޭ ވަގުތުގެ ތެރެއިން އެމްޑީޕީން ވަކިވި ފިކުރެއްގެ ދިރުމުގައި ބައިވެރިވެފައިވާ މަޖިލީހުންގެ މެމްބަރުންނަށްވެސް ވާހަކަދެއްކެވުމަށް ފުރުޞަތު ދެއްވާފައެވެ.
އެކަމާއި ގުޅޭ ގޮތުން ސުވާލު ދެންނެވުމުން ފައްޔާޒު ވިދާޅުވީ، އެއީ ވަރަށް ދެރަކޮށް ހިނގާފައިވާ ކަމެއް ކަމަށާއި، މެމްބަރުން އަމިއްލައަށްވެސް އެވަގުތުގެ ބޭނުން ނުހިފައި ދޫކޮށްލައްވަން ޖެހިވަޑައިގަންނަވާ ކަމަށް ދެކެވަޑައިގަންނަވާ ކަމަށެވެ.
18 May 2023
ނިއުޒިލެންޑްގެ ހޮސްޓެލްއެއްގައި ހިނގި އަލިފާނުގެ ހާދިސާއާ ގުޅިގެން މީހަކު ހައްޔަރުކޮށްފި
އަންގާރަ ދުވަހުގެ ފަތިހު ނިއުޓައުންގެ އަވަށުގައި ހުންނަ ލޯފަރސް ލޮޖްގެ މަތީ ފަންގިފިލާގައި އަލިފާނުގެ ހާދިސާއެއް ހިނގައި، އެހޮސްޓެލްގައި ދިރިއުޅުނު 6 މީހަކު ވަނީ މަރުވެފައެވެ.
ހަތަރު ފަންގިފިލާ ހުންނަ، އެ ހޮސްޓެލްގައި 92 ކޮޓަރި ހުންނައިރު އެ އިމާރާތަށް ބޮޑެތި ގެއްލުންތަކެއް ވަނީ ލިބިފައެވެ.
18 May 2023
ކުޑަކުދިންގެ ދުވަހާއި އާއިލާތަކުގެ ދުވަސް ފާހަގަކުރުމަށް މޫވީ ނައިޓް ހަރަކާތެއް ހިންގައިފި
މިހަރަކާތްކުރިޔަށް ގެންގޮސްފައި ވަނީ ޖެންޑާ މިނިސްޓްރީއާ އާބަންކޯ ގުޅިގެން މިރޭ ހުޅުމާލެ ސެންޓްރަލް ޕާކުގައެވެ.
މިރޭ ސެންޓްރަލް ޕާކުގައި ދައްކާފައި ވަނީ، ކުޑަކުދިންގެ ކާޓޫނު ފިލްމު "ލައިލް. ލައިލް.ދި ކްރޮކޮޑައިލް އަންދަރ ދަ ސްޓަރސް" އެވެ.
މިރޭގެ ހަރަކާތުގައި ގިނަ އަދަދެއްގެ ކުޑަކުދިންނާއި އެކުދިންގެ އާއިލާތަކުން ބައިވެރިވިއެވެ. އާބަންކޯ އާއި ޖެންޑަރ މިނިސްޓްރީން ބުނީ މި ހަރަކާތަށް އެކަށީގެންވާ ތަރުޙީބެއް ލިބުނު ކަމަށެވެ.
18 May 2023
ހަށިވިއްކުމުގެ ވިޔަފާރި ކުރަމުން ދިޔަ ބޮޑު ގުރޫޕެއް ހައްޔަރުކޮށްފި
މި މީހުން ހައްޔަރުކޮށްފައި ވަނީ، ދިވެހި ފުލުހުންގެ ޚިދުމަތުގެ އެންޓި ހިއުމަން ޓްރެފިކިންގ ޑިޕާޓްމަންޓާއި އިންޓެލިޖެންސް އަދި އިމިގްރޭޝަން ގުޅިގެން ހިންގި މި އޮޕަރޭޝަނުގައި ރޭ މާލޭގެ ހަތަރު ތަނެއް ބަލައި ފާސްކޮށްގެން ކަމުގައި ފުލުހުން ވަނީ ބުނެފައެއެވެ.
ފުލުހުންގެ އިދާރާއިން ބުނީ އެމައްސަލައިގައި ހައްޔަރުކޮށްފައި ވަނީ، ބަނގުލަދޭޝްގެ 8 ފިރިހެނުންނާއި، ބަނގުލަދޭޝްގެ އަންހެނަކާއި، ތައިލެންޑްގެ ހަތަރު އަންހެނުން ކަމަށެވެ.
ފުލުހުން ބުނީ މިމައްސަލަ ތަޙްޤީޤު ކުރަމުންދާ ކަމަށެވެ.
18 May 2023
ރާއްޖޭގެ ހުރިހާ ރަށެއްގައި މާދަމާ އެމްޑީޕީގެ ދިދަ ނެގުމުގެ ރަސްމިއްޔާތެއް ބާއްވަނީ
އެޕާޓީން މިއަދު ބޭއްވި ނޫސްވެރިންގެ ބައްދަލުވުމުގައި، އެމްޑީޕީގެ ޗެއާޕާސަންގެ ނައިބު އިބްރާހީމް ވަހީދު ވިދާޅުވީ، އެމްޑީޕީން މިމަހުގެ 18 އިން 20އަށް ހުރިހާ ދާއިރާއަކަށް ކުރާ ދަތުރުަގައި މާލެއިން އަތޮޅުތަކަށްވެސް 400 އަށްވުރެ ގިނަ މެމްބަރުން ދަތުރު ކުރާނެ ކަމަށެވެ. އަދި ރަށްރަށުންވެސް 600އެއްހައި މެމްބަރުން މިހަރަކާތްތަކުގައި ބައިވެރިވާނެ ކަމުގައި އިބްރާހިމް ވަހީދު ވިދާޅުވިއެވެ.
މީގެ އިތުރުން އޭނާ ވިދާޅުވީ، މިދަތުރުގެ ތެރެއިން ރާއްޖޭގެ މީހުން ދިރިއުޅޭ ހުރިހާ ރަށެއްގައި އެމްޑީޕީގެ ދިދައެއް ނެގުމުގެ ހަރަކާތެއް ހުކުރު ދުވަހު ބޭއްވުމަށް ނިންމާފައިވާ ކަމަށެވެ. އަދި މިދަތުރުގެ ތެރެއިން އެމްޑީޕީއަށް މެމްބަރު އިތުރު ކުރުމުގެ ހަރަކާތްތަކާއި، ޕޯސްޓަރ ހަރުކުރުމުގެ ހަރަކާތްތަކެއްވެސް އަތޮޅުތެރޭގައި ކުރިޔަށްދާނެ ކަމުގައި އޭނާ ވިދާޅުވިއެވެ.
18 May 2023
ފިލިތެޔޮ ކައިރިއަށް ފައްތާފައި ހުރި ގިނަ އަދަދެއްގެ މަސްތުވާތަކެތި ފެނިއްޖެ
ފުލުހުންގެ އިދާރާއިން ބުނީ އެމަސްތުވާތަކެތި ފެނިފައި ވަނީ، ފުލުހުންނަށް ލިބުނު ރިޕޯޓަކާއި ގުޅިގެން އެސަރަހައްދު ބެލުމަށް ހިންގި އޮަޕަރޭޝަނެއްގައި ކަމަށެވެ.
ފެނުނު މިމަސްތުވާތަކެތީގެ އަދަދެއް, އަދި ފެނިފައިވަނީ މަސްތުވާތަކެތީގެ ކޮން ބާވަތެއް ކަމެއްވެސް އަދި ފުލުހުން ހާމައެއް ނުކުރެއެވެ.
މީގެ ކުރިންވެސް ވ އަތޮޅުގެ ފަޅަކަށް ފައްތާފައި ހުއްޓައި ޓަނަކަށް ވުރެ ގިނަ މަސްތުވާތަކެތި ފެނިފައިވެއެވެ.
18 May 2023
އެއްކޮށްލި ދެފްލެޓް އަތުލަށް އާބަންކޯއިން ނޯޓިސްދީފި
ދެފްލެޓް އެއްކޮށްލައިގެން އެންމެ ޒަމާނީ ފެންވަރަށް އެތަން ހަދާފައިވާއިރު، ދެފްލެޓްގެ މެދުފާރު ތަޅާލާފައި ވަނީ އާބަންކޯގެ ހުއްދަ ނެތިއެވެ. މިތަނުން އެއް ފްލެޓަކީ، "ހިޔާ ޔޫނިއަން"ގެ ނައިބު ރައީސް އަހުމަދު ޝަމާލުގެ ފްލެޓްކަން އެނގިފައިވެއެވެ. އަނެއް ފްލެޓަކީ، އޭނާގެ އާއިލާ މީހެއްގެ ފްލެޓެކެވެ.
18 May 2023
ހައްޖުވެރިން ފުރުމުގެ އިންތިޒާމްތައް ހަމަޖެއްސުމާއި ގުޅޭ ގޮތުން މަޝްވަރާ ކުރައްވައިފި
މި ބައްދަލުކުރެއްވުމުގައި ވާހަކަފުޅުދައްކަވަމުން ރައީސުލްޖުމްހޫރިއްޔާގެ ނައިބު ވަނީ 2019 ވަނަ އަހަރާއި 2022 ވަނަ އަހަރުގެ ޙައްޖުވެރިންގެ އިންތިޒާމްތައް ކަމާބެހޭ ހުރިހާ މުއައްސަސާއަކުން ގުޅިގެން ކުރިޔަށް ގެންގޮސްފައިވަނީ ވަރަށް ފުރިހަމަށްއަށްކަން ފާހަގަކުރައްވައި، އެކަމަށްޓަކައި އެ ފަރާތްތަކަށް ޝުކުރު އަދާކުރައްވާފައެވެ.
18 May 2023
ފޮރިން މިނިސްޓަރ ޢަބުދުﷲ ޝާހިދުގެ ޢިތުބާރުނެތްކަމުގެ މައްސަލަ ރައްޔިތުންގެ މަޖިލީހަށް ހުށައަޅައިފި
ޝާހިދުގެ އިތުބާރު ނެތްކަމުގެ މައްސަލަ އިދިކޮޅު ޕާޓީތަކުގެ މެމްބަރުން ރައްޔިތުންގެ މަޖިލީހަށް ހުށައަޅާފައި ވަނީ، މޮރިޝަސް އާއި ރާއްޖެއާ ދެމެދު ކަނޑުގެ ސަރަހައްދު ބެހުމުގައި ރާއްޖެއިން އިޙްމާލުވެފައިވާ ކަމަށް ބުނެއެވެ. އެމައްސަލައިގައި ބަންޑާރަ ނައިބު އިބުރާހީމް ރިއްފަތުގެ އިތުބާރު ނެތްކަމުގެ މައްސަލަވެސް އިދިކޮޅު މެމްބަރުންގެ ފަރާތުން ވަނީ މަޖިލިސްއަށް ވައްދާފައެވެ.
18 May 2023
ރައީސް ނަޝީދުގެ ފިކުރެއްގެ ދިރުމުން އައު ސިޔާސީ ޕާޓީއެއް އުފައްދަނީ
ރައީސް ނަޝީދާއިއެކު ފިކުރެއްގެ ދިރުމުގައި ތިއްބެވި މަޖިލީހުގެ މެމްބަރުން އެމްޑީޕީން ވަކިވެ ވަޑައިގެންނެވި ނަމަވެސް ރައީސް ނަޝީދު އަދިވެސް ހުންނެވީ އެމްޑީޕީގައެވެ. ރައީސް ނަޝީދު އެމްޑީީން ދޫކޮށް ނުލައްވައި ހުންނެވީ އެމަނިކުފާނު އެމްޑީޕީން ވަކިވެވަޑައިގެންފި ނަމަ މަޖިލީހުގެ ރައީސް ކަމުން ވަކިވެވަޑައިގަންނަވަން ޖެހިވަޑައިގަންނަވާނެތީ ނުވަަތަ އިތުބާރުނެތްކަމުގެ މައްސަަލަ މަޖިލީހަށް ވައްދައިގެން މަޤާމުން ވަކިކޮށްފާނެތީ ކަމަށް ވަނީ ބެލެވިފައެވެ
18 May 2023
އީވާ އެމްޑީޕީން ވަކިވެވަޑައިގެންނެވުމާއި އެކު މަޖިލީހުގެ ނައިބު ރައީސް ކަމުގެ މަޤާމުން އޭނާ ދުރުކުރުމުގެ މަސައްކަތް ފަށައިފި
އެނގިފައިވާ ގޮތުގައި އީވާގެ އިތުބާރު ނެތްކަމުގެ މައްސަލަ ފާސްކޮށް އޭނާ މަޖިލީހުގެ ނައިބުރައީސް ކަމުގެ މަޤާމުން ވަކިކުރުމުގެ މައްސަލަ ހުށައެޅުމަށްޓަކައި އެމްޑީޕީގެ ޕާލަމެންޓްރީ ގުރޫޕުގައި ހިމެނޭ 22 މެމްބަރުން މިހާރު ވަނީ ސޮއެކުރައްވާފައެވެ. ރައްޔިތުންގެ މަޖިލީހުގެ ނައިބުރައީސް ކަމުގެ މަޤާމުން އީވާ ދުރުުކުރަން ބޭނުންވަނީ، 43 ވޯޓެވެ. ފިކުރެއްގެ ދިރުމަށް ތާއީދު ކުރައްވައި، އީވާ ހިމެނޭ ގޮތުން އެމްޑީޕީގެ 12 މެމްބަރަކު މިއަދު އެޕާޓީން ވަކިވެވަޑައިގެންނެވި ނަަމަވެސް އަދިވެސް އެޕާޓީގައި ޖުމުލަ 55 މެމްބަރުން އެބަތިއްބެވިއެވެ.
18 May 2023
ފިކުރެއްގެ ދިރުމަށް ތާއީދުކޮށްގެން ތިބި މެމްބަރުން ވަކިވުމުން، އެމްޑީޕީއަށް މަޖިލީހުގެ ސުޕަރ މެޖޯރިޓީ ގެއްލިއްޖެ
އެމްޑީޕީއިން ވަކިވެ ވަޑައިގަތުމަށް ބާރަ މެމްބަރަކު ވަނީ އިލެކްޝަންސް ކޮމިޝަނަށް އެމެމްބަރުން އެމްޑީޕީގެ ދަފްތަރުން އުނިކޮށްދެއްވުމަށް އެދި ހުށައަޅުއްވާފައެވެ. އެމްޑީޕީގެ އަސާސީ ޤަވާއިދާއި ޚިލާފްވެގެން އެޕާޓީން ވަކިވެއްޖެކަމަށް ނިންމާފައިވާ، މެދު ހެންވޭރު ދާއިރާގެ މެމްބަރު އަލީ އާޒިމް އާއެކު ޖުމުލަ 13 މެމްބަރުން އެމްޑީޕީންވަކިވެވަޑައިގެންނެވި އިރު، މަޖިލީހުގައި އެމްޑީީއަށް އޮތް ސުޕަމެޖޯރިޓީ ވަނީ ގެއްލިފައެވެ.
18 May 2023
ކޮންމެ ދަރިވަރަކު މަސައްކަތް ކުރަންވީ، ޢިލްމީ ޤާބިލުކަން ހޯދުމަށް - ރައީސް
ރައީސުލްޖުމްހޫރިއްޔާ ވިދާޅުވީ، މިއީ ދަރިވަރުން ކުރިއަށް ދާނެ ރޮނގަކާ މެދު ވިސްނައި، ކުރިމަގަށް އަމާޒު ހިފަންވީ ދުވަސްވަރުކަމަށެވެ. އަދި ތަފާތު ފަންނުތަކުން ކުރިއަށް ދެވޭނެ ހުނަރުވެރި އެތައް ދަރިވަރުންނެއް ތިބޭނެކަން ޔަޤީން ކުރައްވާ ކަމަށާއި، އެ ކުއްޖެއްގެ ކިބައިގައި ހުރި ހުނަރުވެރިކަން އިތުރަށް ތަރައްޤީކޮށް، ޤައުމީ ޚިދުމަތަށް ނުކުތުމަކީ، ކޮންމެ ދަރިވަރެއްގެ ކޮނޑުގައި އެޅިފައިވާ ޤައުމީ ވާޖިބެއްކަމުގައި ހެއްދެވުމަށް އެދިވަޑައިގަންނަވާ ކަމަށެވެ.
17 May 2023
މޫސުމަށް އަންނަ ބަދަލާއި ދެކޮޅަށް ރާއްޖޭން ކުރާ މަސައްކަތްތަކަށް ޔޫ.އޭ.އީ ގެ އެންވަޔަރަންމަންޓް މިނިސްޓަރ ތަޢުރީފް ކުރައްވައިފި
ޔޫ.އޭ.އީގެ މިނިސްޓަރ ގެ ވާހަކަފުޅުގައި އެކަމަނާ ވަނީ މޫސުމީ ބަދަލުތަކުގެ ނޭދެވޭ އަސަރުތައް ކުޑަކުރުމުގެ ގޮތުން ދިވެހި ސަރުކާރުން ކުރަމުންދާ ބައެއް މައްސަކަތްތައް ފާހަގަކުރައްވާ ތަޢުރީފްކުރައްވާފައެވެ. މިގޮތުން ރާއްޖެއިން 2030 ވަނަ އަހަރާ ހަމަޔަށް ދާން ވާއިރަށް ނެޓް ޒީރޯ އަށް ވާސިލުވުމަށް ކުރާ މަސައްކަތްތައް އެކަމަނާ ވަނީ ފާހަގަކުރައްވާފައެވެ.
ދެ ބޭފުޅުން އިތުރަށް ދެއްކެވި ވާހަކަފުޅުގައި ވަނީ މިއަހަރު ނޮވެންބަރު މަހުގެ 30 އިން ޑިސެންބަރު 12 އަށް ޑުބާއީގައި ކުރިޔަށްގެން ދިޔުމަށް ހަމަޖެހިފައިވާ ކޮޕް 28 ވަނަ ބައްދަލުވުމާއި ގުޅޭގޮތުން މަޝްވަރާކުރައްވާފައެވެ. އަދި، ރައީސުލްޖުމްހޫރިއްޔާ ވަނީ މިފަހަރުގެ ބައްދަލުވުމުގައި ޕެރިސް އެގްރީމަންޓްގެ ނަތީޖާ ނިކުންނަ ގޮތް ބެލުމަށްޓަކައި ގްލޯބަލް ސްޓޯކްޓޭކް ގެ މަސައްކަތްކުރިޔަށް ގެންދެވޭނެކަމަށް އުންމީދު ކުރައްވާކަމުގައި ވިދާޅުވެފައެވެ.