Advertisement

25 Sep 2023
ޚަބަރު

އެމްޑީޕީ ކެންޕެއިން ވަރުގަދަކޮށް ދެކުނަށް!

ރިޔާސީ އިންތިހާބުގެ 2 ވަނަ ބުރުގެ ވޯޓުލާން ދެން އޮތީ އެންމެ 4 ދުވަހެވެ. އެގޮތުން ގުޅިފައިވާ ޕަޓީތަކުގެ ފަރާތުން ކެންޕެއިންގައި ބައިވެރިވެވަޑައިގަންނަވާ އެމްޑީޕީގެ ރިޔާސީ ކެނޑިޑޭޓް ރައީސް އިބްރާހިމް މުހައްމަދު ސާލިހްގެ ކެންޕެއިން އަންނަނީ މާލޭގައި ވަރަށް ފޯރީގައި ކުރިއަށްގެންދަމުންނެވެ.

މާލޭގައި ކަންމަތީ ޖަލްސާތަކާއި ޖަގަހަ ޖަލްސާތައް ބޭއްވުމާއި ޑޯޓުޑޯ ހަރަކާތްތައް ރައީސް އަންނަނީ ކުރިއަށްގެންދަވަމުންނެވެ. އެމްޑީޕީގެ ކެމްޕެއިން ހަރަކާތްތައް ދެކުނުގެ އަތޮޅުތަކުގައި މި ހަފްތާގައި ކުރިއަށްދާނެކަމަށް އެ ޕާޓީއިން މިހާރު މިވަނީ ބުނެފައެވެ.

ދެކުނުގެ އަތޮޅުތަކުގައި ކުރިއަށްގެންދާ ކެމްޕެއިން ހަރަކާތްތަކުގައި ބައިވެރިވެވަޑައިގަންނަވާނީ އެމްޑީޕީގެ ރިޔާސީ ކެންޑިޑޭޓް ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙުގެ ރަނިންމޭޓް ހިތަދޫ އުތުރު ދާއިރާގެ މެންބަރު މުޙައްމަދު އަސްލަމްއެވެ. 

މިވަގުތު އައްޑޫ ސިޓީގައި ކެމްޕެއިން ހަރަކާތްތައް ކުރިއަށްދާއިރު، ހުވަަދު އަތޮޅާއި ފުވައްމުލައް ސިޓީގައިވެސް ހަރަކާތްތައް ކުރިއަށްގެންދިއުމަށް ހަމަޖެހިފައިވާކަމަށް އެމްޑީޕީން ބުނެއެވެ. އެގޮތުން ރަނިންމޭޓާއިއެކު ދޮރުން ދޮރަށް ހިނގުމުގެ ހަރަކާތްތަކެއް އައްޑޫ ސިޓީގެ ހުރިހާ ރަށްތަކަށް ޚާއްސަކޮށްގެން މިހާރު ވަނީ ފަށާފައެވެ. މި ހަރަކާތުގައި ގޭގެއަށް ގޮސް ރައްޔިތުންނާއި އެމްޑީޕީގެ މެނިފެސްޓޯ ހިއްސާކުރުމާއި، ރައްޔިތުން ބޭނުންވާ ކަންކަމުގެ މަޢުލޫމާތު އޮޅުންފިލުވަމުންދާކަމަށް އެމްޑީޕީން ބުންޏެވެ. 

މިދިޔަ ހޮނިހިރު ދުވަހު ހަވީރު، އެ ޕާޓީން ވަނީ މާލެ ސަރަޙައްދު ހިމެނޭހެން ރާއްޖޭގެ ހުރިހާ ރަށެއްގައި ދޮރުން ދޮރަށް ހިނގުމުގެ ހަރަކާތެއް ކުރިއަށްގެންގޮސްފައެވެ. 

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.