Advertisement

27 Sep 2023
ޚަބަރު

ތުރާކުނުން ފެށިގެން އައްޑޫ ސިޓީއަށް ބަލާލިޔަސް، ޕްރޮޖެކްޓެއް ނުހިނގާ، ޕްރޮޖެކްޓެއް ނުނިންމާ ރަށެއް ނޯންނާނެ: ސީއީއޯ އާޒިމް

މިހާރު މުޅި ރާއްޖެއަށް ބަލާލިޔަސް، ނުވަތަ ތުރާކުނުން ފެށިގެން އައްޑޫ ސިޓީއަށް ބަލާލިޔަސް، ޕްރޮޖެކްޓެއް ނުހިނގާ، ޕްރޮޖެކްޓެއް ނުނިންމާ ރަށެއް މިގައުމުގައި ނޯންނާނެ ކަމަށާއި، ދުވަހަކުވެސް ރާއްޖޭގެ ތާރީޚުގައި މިގޮތަށް މިކަން ހިނގާފައި ނުވާކަމަށް  މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ގެ ސީއީއޯ އާދަމް އާޒިމް ވިދާޅުވެއްޖެއެވެ. އާޒިމް މިހެން ވިދާޅުވީ ހއ. ދިއްދޫ ބިން ހިއްކަން ފެށުމުގެ ގޮތުން ބޭއްވި ރަސްމިއްޔާތުގައެވެ.

"ކޮންމެ ރަށަކަށް ބަލާލިޔަސް ތުރާކުނުން ފެށިގެން އައްޑޫ ސިޓީއަށް ބަލާލިޔަސް ޕްރޮޖެކްޓެއް ނުހިނގާ، ޕްރޮޖެކްޓެއް ނުނިންމާ ރަށެއް މިގައުމަކު ނޯންނާނެ މިހާރަކު. ދުވަހަކުވެސް ރާއްޖޭގެ ތާރީޚުގައި މިގޮތަށް މިކަން ހިނގާފައެއް ނެތް" އާޒިމް ވިދާޅުވިއެވެ.

މި ރަސްމިއްޔާތުގައި އިތުރަށް ވާހަކަ ދައްކަވަމުން އެމްޓީސީސީގެ ސީއީއޯ އާދަމް އާޒިމް ވިދާޅުވީ ކޮންމެ މަޝްރޫއެއްވެސް ފަށަނީ ކަނޑައެޅިފައިވާ ތާރީޚަށް ނިންމުމުގެ އުންމީދުގައިކަމަށެވެ. އެގޮތުން މިހާތަނަށް އެމްޓީސީސީން 157 މަޝްރޫއު ނިންމާ 90އަށް ވުރެ ގިނަ ރަށުގައި މިހާރުވެސް މަސައްކަތް ކުރިއަށްދާކަން އާޒިމް ފާހަގަކުރެއްވިއެވެ.

ހއ. ދިއްދޫގެ ބިން ހިއްކުމުގެ އަމަލީ މަސައްކަތް އެމްޓީސީސީން ފެށިއިރު، މިކަމަށް އޮތް ޙާއްސަ ރަސްމިއްޔާތުގައި މިކަން ފައްޓަވައި ދެއްވީ ޑިފެންސް މިނިސްޓަރ މާރިޔާ އަޙްމަދު ދީދީއާއި އެމްޓީސީސީގެ ސީއީއޯ އާދަމް އާޒިމްއެވެ.

ދިއްދޫގައި 5000 އާއި ގާތްކުރާ އަދަދަކަށް މީހުން ދަނީ ދިރިއުޅެމުންނެވެ. ދިއްދުއަށް ދިމާވެފައިވާ އެންމެ ބޮޑު އެއް ދައްޗަކީ ބިމުގެ ޖާގައިގެ ދަތިކަމެއެވެ. ދިއްދޫއަށް ދިމާވެފައިވާ ބިމުގެ ޖާގައިގެ ދަތިކަން ހައްލުކުރުމުގެ ގޮތުން ދިއްދޫގެ ބިން ހިއްކުމުގެ މަޝްރޫއު ސަރުކާރުން އެމްޓީސީސީއާއި ހަވާލުކުރެއްވީ 17 ޖުލައި 2023 ގައެވެ. މިމަޝްރޫއުގެ ދަށުން ޖުމްލަ 26 ހެކްޓަރުގެ ބިން ހިއްކާނެއެވެ.

ދިއްދޫ ކައުންސިލުން ވިދާޅުވީ މިމަޝްރޫޢުގެ މަސައްކަތް ނިމުމާއެކު ދިއްދޫ ރައްޔިތުންނަށް ދިމާވެފައިވާ ބިމުގެ ދަތިކަމަށް ހައްލު ލިބ،ި މުސްތަޤުބަލުގައި ދިއްދޫ އިތުރަށް އާބާދުވެ ތަރައްޤީކުރުމުގެ ދޮރުތައް ހުޅުވިގެން ދާނެކަމަށެވެ. މިފަހަރު އިތުރުކުރެވޭ 26 ހެކްޓަރާއެކު ގެސްޓް ހައުސް ވިޔަފާރިޔާއި އެހެނިހެން ސިނާއަތްތަކަަށް ބިން ދެވިގެން ދާނެކަމަށް ދިއްދޫގެ ކައުންސިލުން ފާހަގަކުރެއެވެ.

މި މަޝްރޫޢުގެ މަސައްކަތުގެ ތެރޭގައި 1,150 މީޓަރުގެ ސޭންޑް ބަންޑުވޯލްއެއް ހެދުމާއ،ި 623,968 ކިއުބިކް މީޓަރުގެ ސަރަޙައްދެއްގެ ބިން ހިއްކާނެއެވެ. އަދި 10,962 ކިއުބިކް މީޓަރުގެ ގޮނޑުދޮށް ސަރަޙައްދުގެ ބިން ހިއްކުމާއި، 916 މީޓަރުގެ ބަޔޮސްވޭލް ޓްރެންޗެއް ކޮނުމާއ،ި 916 މީޓަރުގެ ޖިއޯ ޓެކްސްޓައިލް އެޅުމުގެ މަސައްކަތް ހިމެނެއެވެ. މިމަޝްރޫޢުއަށް ދައުލަތުން 83.07 މިލިއަން ރުފިޔާގެ ޚަރަދުކުރެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.