Advertisement

27 Sep 2023
ޚަބަރު

ގެދޮރުވެރިޔާ ސްކީމުން ފްލެޓް ލިބޭ އެންމެންނަށް އެކަން އަންގައިފި

ސަރުކާރުން ކުރިއަށްގެންދާ "ގެދޮރުވެރިޔާ" ސްކީމްގެ ދަށުން ފްލެޓް ލިބޭ މީހުންގެ ތެރެއިން ދާއިމީ ލިސްޓަށް ޝަރުތު ހަމަވާ ހުރިހާ މީހުންނަށް، ގެދޮރުވެރިޔާ ޕޯޓަލްގެ ތެރެއިން އެކަން މިހާރު އަންގާފައިވާކަމަށް މިނިސްްޓްރީ އޮފް ނެޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރއިން ވިދާޅުވެއްޖެއެވެ. ހައުސިންގ މިނިސްޓްރީއިން ވިދާޅުވީ އެ ފަރާތްތަކަށް ފްލެޓް ލިބޭކަން އަންގާފައިވަނީ، ވަގުތީ ލިސްޓުގައި ޝަރުތު ހަމަވެ، އަދި ޝަކުވާ ހުށައެޅުމަށް ހުޅުވާލި ފުރުޞަތުގައި ހުށައެޅި ޝަކުވާއަށް ބެލުމަށްފަހުކަމަށެވެ.

މިނިސްޓްރީން ވިދާޅުވީ ހުށައެޅި ޝަކުވާތަކަށް ބެލުމަށްފަހު، ދާއިމީ ލިސްޓަށް ޝަރުތު ހަމަވާ މީހުންނަށް، ފްލެޓް ލިބޭކަން ގެދޮރުވެރިޔާ ޕޯޓަލް މެދުވެރިކޮށް މިހާރު ފެންނަން ހުންނާނެކަމަށެވެ. ޝަރުތު ހަމަނުވާ ފަރާތްތަކަށްވެސް ޝަތުރު ހަމަނުވާ ސަބަބު ބަޔާންކޮށް ޕޯޓަލް މެދުވެރިކޮށް ޖަވާބު ފޮނުވާފައިވާކަމަށްވެސް މިނިސްޓްރިއިން ވިދާޅުވެފައިވެއެވެ.

ޝަތުރު ހަމަނުވި މީހުންގެ އިތުރު ޝަކުވާއެއް އޮތްނަމަ، 7 ދުވަހުގެ މުއްދަތުގެ ތެރޭގައި ޝަކުވާ ހުށައެޅުމަށް ހައުސިން މިނިސްޓްރީއިން ވަނީ ފުރުސަތު ދީފައެވެ. މި ޝަކުވާވެސް ޕޯޓަލް މެދުވެރިކޮށް ހުށައެޅޭނެއެވެ.

ފްލެޓް ލިބޭ މީހުންގެ ވަގުތީ ލިސްޓް ސަރުކާރުން އިޢުލާންކުރެއްވީ އޮގަސްޓްމަހުގެ 8ވަނަ ދުވަހުއެވެ. 15،000 އަށްވުރެ ގިނަ މީހުން ޝަރުތުހަމަވާކަމަށް ވަގުތީ ލިސްޓުގައި ވަނީ ކަނޑައަޅާފައެވެ.

"ގެދޮރުވެރިޔާ" ސްކީމުގެ ދަށުން ފުލެޓަށް އެދި ޖުމްލަ 20،697 މީހުން ފޯމު ހުށަހަޅާފައިވެއެވެ. އޭގެ ތެރޭގައި 3 ކޮޓަރީގެ އެޕާޓްމަންޓަށް 14،489 މީހުން އަދި 2 ކޮޓަރީގެ އެޕާޓްމަންޓަށް 6،208 މީހުން ފޯމް ހުށައެޅިއެވެ.

ގެދޮރުވެރިޔާ ސްކީމްގެދަށުން ސަރުކާރުން ފުރަތަމަ ހުޅުވާލީ 4000 ފްލެޓަށެވެ. ސަރުކާރުން މިހާރު ވަނީ އިތުރު 6000 ފްލެޓަށްވެސް ކުރިމަތިލުމަށް ހުޅުވާލާފައެވެ. ފްލެޓާށް ކުރިމަތިލުމުގެ ފުރުޞަތަކީ، މާލޭ ރައްޔިތުންގެ އިތުރުން، މާލޭގައި ދިރިއުޅޭ އެހެން ރަށްރަށުގެ ރައްޔިތުންނަށްވެސް ކުރިމަތިލެވޭގޮތަށް ހުޅުވާލި ފުރުޞަތެކެވެ.  

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.