މި ޢިމާރާތްތައް ރައީސުލްޖުމްހޫރިއްޔާ ހުޅުއްވައި ދެއްވީ، މިހާރު އެމަނިކުފާނު، ހއ އަތޮލަށް ކުރައްވަމުންދާ ކެމްޕޭން ދަތުރުފުޅުގައި މިއަދު ހަވީރު އެރަށަށް ވަޑައިގެން، އެރަށްރަށުގައި ވަކިވަކިން މިރޭ ބޭއްވި ރަސްމިއްޔާތު ތަކުގައެވެ. މިގޮތުން ރައީސުލްޖުމްހޫރިއްޔާ އެންމެ ފުރަތަމަ ހުޅުއްވައި ދެއްވީ، އިހަވަންދޫ ސްކޫލުގެ މަލްޓިޕަރޕަސް ހޯލެވެ. ފުރަތަމަ އެމަސައްކަތް ހަވާލުކުރެވުނު ކުންފުންޏަށް އެމަސައްކަތް ނުކުރެވުމުން، އެ އިމާރާތުގެ މަސައްކަތް ނިންމާފައި ވަނީ އެމްޓީސީސީއާ ހަވާލުކޮށްގެންނެވެ.

ރައީސުލްޖުމްހޫރިއްޔާ އިހަވަންދޫ ބަނދަރު ހުޅުއްވައި ދެއްވީ، އެކަމަށްޓަކައި މިއަދު ހަވީރު އެރަށު ބަނދަރު ސަރަހައްދުގައި ބޭއްވި ރަސްމިއްޔާތެއްގައެވެ. މިސަރުކާރުން، ހއ. އިހަވަންދޫ ބަނދަރު އަޕްގްރޭޑް ކުރުމުގެ މަޝްރޫޢު ކުރިޔަށް ގެންގޮސްފައި ވަނީ އެމްޓީސީސީއާ ހަވާލުކޮށްގެންނެވެ. މިގޮތުން މިމަޝްރޫގެ ދަށުން، ބަނދަރު ފުޅާކޮށް، 251 މީޓަރުގެ ބޭރުތޮށިލައި 178 މީޓަރުގެ ސަރަހައްދެއްގައި ރިވެޓްމެންޓް ޖަހާފައިވެއެވެ. އަދި ބޭރުތޮއްޓަށް އެރުމަށްޓަކައި ބުރިޖެއް ހެދުމުގެ އިތުރުން، 121 އަކަމީޓަރުގެ ރޭމްޕެއް ބަނދަރުގައި ވަނީ ހަދާފައެވެ. މީގެ އިތުރުން މިމަޝްރޫޢުގެ ދަށުން ނެރު ބައްތި އާ ބަނދަރު ބައްތި ޖަހައި، ޕޭވްމެންޓް ވަނީ ހަދާފައެވެ.

ހއ. މޮޅަދޫއަކީ މި ސަރުކާރު ވެރިކަމަށް އައިރު ރާއްޖޭގައި ލަފާފުރުމަށް ބަނދަރެއް ނެތް މަދު ރަށްތަކުގެ ތެރޭގައި ހިމެނޭ ރަށެކެވެ. ރައީސުލްޖުމްހޫރިއްޔާ މޮޅަދޫ ބަނދަރު ހުޅުއްވައި ދެއްވީ މިއަދު އެމަނިކުފާނު ހއ އަތޮޅަށް ފެއްޓެވި ކެމްޕޭން ދަތުރުފުޅުގެ ތެރެއިން މިއަދު މެންދުރުފަހު އެރަށަށް ވަދައިގެންނެވެ. މޮލަދޫގެ ބަދަރަކީ، 645 ފޫޓު ދިގު އަދި 250 ފޫޓު ފުޅާ ބަނދަރެކެވެ.

އިސްލާމިކް މިނިސްޓަރ ޑރ އަޙްމަދު ޒާހިރު ޢަލީ ވިދާޅުވީ، ކޮންމެ މިސްކިތެއްގެވެސް މަސައްކަތް ހަވާލުކުރެވެމުން އަންނަނީ 1 އަހަރުގެ ތެރޭގައި މަސައްކަތް ނިންމުމަށް ކަމަށެވެ. އަދި މިސްކިތްތައް ބިނާކުރުމަށް ހަވާލުކުރެވޭ ކޮންޓްރެކްޓަރުންނަށް މުއްދަތައް މަސައްކަތް ނުނިންމޭކަން ފާހަގަކުރައްވައި މިނިސްަޓަރ ވިދާޅުވީ، މިސްކިތްތައް ބިނާކުރެއްވުމަށް ސަރުކާރުން ކުރައްވާ މަސައްކަތްކުރިއަށް ގެންދިޔުމަށްޓަކައި، މަސައްކަތުގެ ކޮންޓްރެކްޓަރުންވެސް އެހީތެރިކަންދީ، އެއްބަސްވެފައިވާ މުއްދަތަށް އެ މަސައްކަތް ނިންމަންޖެހޭކަމަށެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތގައި، އައްޑޫ ސިޓީ މީދޫގައި ބިނާކުރުމަށް ހަމަޖެހިފައިވަނީ 700 މީހުންގެ ޖާގައިގެ މިސްކިތެކެވެ. ސަރުކާރުގެ ޕީއެސްއައިޕީ ބަޖެޓުން ޚަރަދުކޮށްގެން ކުރިއަށް ގެންދިޔުމަށް ހަމަޖެހިފައިވާ، މި މަޝްރޫޢުއަކީ 13,947,943.70 (ތޭރަ މިލިއަން ނުވަލައްކަ ސާޅީސް ހަތްހާސް ނުވަސަތޭކަ ސާޅީސް ތިން ރުފިޔާ ހަތްދިހަ ލާރި)އެވެ.

ރައީސުލްޖުމްހޫރިއްޔާ ހއ އަތޮޅަށް ކުރައްވާ ކެމްޕޭން ދަތުރުފުޅުގައި ހއ އަތޮޅަށް ވަޑައިގެންނެވީ މިއަދު ހެނދުނުއެވެ. އެމަނިކުފާނު އެންމެ ފުރަތަމަ ވަޑައިގެންނެވީ، ހއ ހޯރަފުއްޓަށެވެ. އެރަށުން ރައީސުލްޖުމްހޫރިއްޔާއަށާއި އެމްޑީޕީގެ ޓީމަށް ވަނީ ވަރަށް ހޫނު މަރުޙަބާއެއް ދަންނަވާފައެވެ. ހޯރަފުއްޓަށް ވަޑައިގެން ރައީސުލްޖުމްހޫރިއްޔާ ވަނީ، ހޯރަފުށީ "ނޫރާނީ ޖަގަހަ" ހުޅުއްވައިދެއްވާފައެވެ. އަދި ހޯރަފުށީގެ ރައްޔިތުންނާއި ބައްދަލު ކުރައްވައި ރައީސުލްޖުމްހޫރިއްޔާ ވަނީ ވާހަކަފުޅުދައްކަވާފައެވެ.

ރައީސުލްޖުމްހޫރިއްޔާ މިއަދު ވަނީ، ހއ އަތޮޅަށް ކުރައްވާ ކެމްޕޭން ދަތުރުފުޅުގައި މިއަދު ހއ. އުލިގަމަށް ވަޑައިގެންފައެވެ. އުލިގަމުގެ ފެނާއި ނަރުދަމާގެ ނިޒާމްގެ ޚިދުމަތް އިފްތިތާޙް ކުރުމާއި، ފެނަކަ އިންޖީނުގެއާ އޮފިސް އިމާރާތް ހުޅުއްވައި ދެއްވީ މިއަދު ހެނދުނުއެވެ. އުލިގަމުގެ ފެނާއި ނަރުދަމާގެ ނިޒާމް ހިންގައި ބަލަހައްޓައި ޚިދުމަތްދޭނީ ފެނަކައިންނެވެ.  އުލިގަމު ފެނަކަ އޮފީސް އިމާރާތާއި އައު އިންޖީނުގެއަކީ ޖާގަތަނަވަސް އަދި ބޭނުންވާ ޒަމާނީ ވަޞީލަތްތަކާއެކު އިމާރާތްކޮށްފައިވާ ތަނެކެވެ. މީހުން ދިރިއުޅޭ ސަރަހައްދާ ދުރުގައ އިމާރާތްކޮށްފައިވާ އެރަށުގެ އައު އިންޖީނުގެއިން މިހާރު 458 ކިލޯވޮޓްގެ ކަރަންޓް އުފެއްދޭނެއެވެ.ރާއްޖޭގެ ރައްޔިތުންގެ ދިރިއުޅުމުގެ ފެންވަރު މަތިކުރުމަށާއި، ފަޚުރުވެރި، އަބުރުވެރި ދިރިއުޅުމެއް އުޅެވޭނެހެން މަގުފަހިކުރުމަށް ރާއްޖޭގެ ރަށްރަށުގެ ތަރައްޤީއަށް ސަރުކާރުން ދަނީ ގިނަ ގުނަ މަސައްކަތްތަކެއް ކުރަމުންނެވެ .

އިލެކްޝަންސް ކޮމިޝަނުން ހާމަކޮށްފައިވާ ގޮތުގައި، ރައްޔިތުންގެ މަޖިލީހަށް އިތުރުވާ 6 ގޮނޑިއާއެކުގައި، 20 ވަނަ ރައްޔިތުންގެ މަޖިލީހުގައި އިދާރީ 96 ދާއިރާއަކުން 96 މެމްބަރުން ތިއްބަވާނެއެވެ. އަދި އަލަށް ދާއިރާތައް އިތުރުވަނީ މާލެ އަށާއި މާލެ އަތޮޅަށާއި، އައްޑޫ ސިޓީއަށާއި، ބ އަތޮޅަށާއި ގއ އަތޮޅަށެވެ. އެއީ މާލެއަށް އިތުރުވާ ދެ ގޮނޑިއާ މިއިން ކޮންމެ އަތޮޅަކަށް އިތުރުވާ އެއް ގޮނޑިއެވެ.

ރައިސުލްޖުމްހޫރިއްޔާގެ ޚިޠާބުގައި ވިދާޅުވީ، އަޅުގަނޑުމެންގެ މިސްރާބު އަމާޒުކުރަންވީ، ދިވެހިންގެ މެދުގައި މިއޮތް ހަމަޖެހުމާއި ޞުލްޙަވެރިކަމުގެ މަތީގައި ޤައުމު ބިނާކުރުމަށްކަމަށާއި، އުފާވެރިކަމާއި އަމާންކަންމަތީ ދެމި ތިބެ ދިރިއުޅުން އާރާސްތުކޮށް، އިޤްތިޞާދީ ގޮތުންނާއި އިޖުތިމާޢީ ގޮތުން ކުރިއަރާފައިވާ ތަހުޒީބީ ޤައުމެއްގެ ގޮތުގައި، ކުރިމަގުގެ ޖީލުތަކަށް މި ޤައުމު ފޯރުކޮށްދިނުމަށް ކަމަށެވެ. އަދި ބައިބައިވުމާއި ދެކޮޅުވެރިކަމާއި ޙަސަދަވެރިކަން ދޫކޮށްލައި، އެކުވެރިކަމާއި އެއްބައިވަންތަކަމުގެ މަތީގައި ސާބިތުވެ ތިބެ، ކޮންމެ ކަމެއްގައި ވެސް ޤައުމީ މަޞްލަޙަތު އިސްކުރުމަށް، މި އުފާވެރި މުނާސަބަތުގައި، ދިވެހިރާއްޖޭގެ ލޮބުވެތި ރައްޔިތުންނަށް ރައީސުލްޖުމްހޫރިއްޔާ ވަނީ ޢިލްތިމާސްކުރައްވާފައެވެ.

ރައީސް އިބްރާޙިމް މުޙައްމަދު ޞާލިޙްއަކީ އެއްވެސް ކަމެއް ރައްޔިތުންނަށް ފޮރުވާފަ އޮތް، ނުވަތަ "ހިޑެން އެޖެންޑާ" އެއް ގެންގުޅުއްވާ ބޭފުޅެއް ނޫންކަމަށާއި، އެ މަނިކުފާނަކީ މަސައްކަތުގައި ތެދުވެރި ބޭފުޅެއް ކަމަށް ދާންދޫ ދާއިރާގެ މަޖިލިސް މެންބަރ ޔަޢުޤޫބު ޢަބްދުﷲ ވިދާޅުވެއްޖެއެވެ. މެންބަރު ޔަޢުޤޫބު މިހެން ވިދާޅުވީ "ނޫން" އަށް ދެއްވި ޙާއްސަ އިންޓަވިއުއެއްގައި، ރައީސުލް ޖުމްހޫރިއްޔާ އިބްރާޙިމް މުޙައްމަދު ޞާލިޙް އާއި އެހެން ރައީސުންނާއި ހުރި ތަފާތު ހާމަ ކުރައްވަމުންނެވެ.

"އުފާވެރި އަމާންރާއްޖެ" ކެމްޕޭން ދަތުރުފުޅުގައި ހޮނިހިރު ދުވަހު ރައީސުލްޖުމްހޫރިއްޔާ އެންމެ ފުރަތަމަ ވަޑައިގެންނެވީ، މުލަކަތޮޅު ކޮޅުފުއްޓަށެވެ. އަދި މިދަތުރުފުޅުގައި ރައީސުލްޖުމްހޫރިއްޔާ ވަނީ، މުލަކަތޮޅުގެ މީހުން ދިރިއުޅޭ ހުރިހާ ރަށަކަށް ވަޑައިގެންފައެވެ.

2022 ވަނަ އަހަރުގެ ޖެނުއަރީ މަހު ރައީސުލް ޖުމްހޫރިއްޔާ ވަނީ ލަންދޫއަށް ވަޑައިގެން އެ ރަށުގެ ބަނދަރު އިފްތިތާޙު ކޮށްދެއްވައިފައެވެ. މި ރަސްމިއްޔާތުގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ, ލަންދޫ ބަނދަރު މަޝްރޫޢަކީ ލަންދޫ ރައްޔިތުން އެ މަނިކުފާނުގެ އަރިހުގައި ދެންނެވި ގޮތަށް ކުރިޔަށް ގެންދެވުނު މަޝްރޫޢަކަށް ވުމަކީ އިތުރު ހިތް ހަމަޖެހުމެއް އެ މަނިކުފާނަށް ލިބިވަޑައިގެންނެވި ކަމެއް ކަމަށް ވިދާޅުވިއެވެ.

ތިނަދޫ އަކީ 2010 ވަނަ އަހަރު ރައްޔިތުންގެ އިންޖީނުގެތައް ސަރުކާރުން ހިންގަން ހަވާލުވާން ފެށުމާ އެކު، ސްޓެލްކޯއިން ހަވާލުވި ފުރަތަމަ އިންޖީނުގެއެވެ. ސްޓްލްކޯއިން ތިނަދޫގެ ކަރަންޓްގެ ކަންތައްތަކާ ހަވާލުވި އިރު ހުރީ ވަރަށް ކުޑަ، އެންމެ ޖަނަރޭޓަރެއްކަމާއި އެހެން ނަމަވެސް، މިއަދު އަލަށް ރަސްމީކޮށް ހުޅުވުނު އިންޖީނުގެ ހުޅުވުމާއި ހަމަޔަށްވެސް، ބައު އިންޖީނުގޭގައި އައު ޖަނަރޭޓަރުތައް ބަހައްޓައި ރައްޔިތުންގެ ބޭނުންތަކާއި އެއްގޮތަށް މެދުނުކެނޑި ކަރަންޓުގެ ހިދުމަތް އެ ރަށަށް ސްޓެލްކޯއިން ފޯރުކޮށްދީފައިވެއެވެ.

ހަމައެކަނި ހިލޭ ޑިގްރީއަށް ބަލާލިޔަސް, ދެމެހެއްޓެނިވި ތަރައްގީއަށް މި ސަރުކާރުން ކުރާ މަސައްކަތް ފެނިވަޑައިގަންނަވާނެކަމަށް ރައީސް އިބްރާޙިމް މުޙައްމަދު ޞާލިޙް ވިދާޅުވެއްޖެއެވެ. އެގޮތުން މިހާތަނަށް 17،858 ދަރިވަރުން ހިލޭ ޑިގްރީ ޕްރޮގްރާމުގެ ދަށުން މަތީ ތަޢުލީމު ހާސިލްކުރަން ފަށާފައިވާކަމަށާއި, އެތަނުން 6,540 ދަރިވަރުން މިހާރު މި މަރުހަލާ ނިމިފައިވާކަމަށް ވެސް ރައީސް ވިދާޅުވިއެވެ.

އެމަނިކުފާނު މިހެން ވިދާޅުވީ، ރިޔާސީ އިންތިޚާބުގެ ކެމްޕޭނުގައި މ. އަތޮލަށް ކުރައްވަމުން ގެންދަވާ ދަތުރުފުޅުގައި މިރޭ، މ ދިއްގަރަށް ވަޑައިގެން އެރަށުގައި ބޭއްވި ހަރުގެ ޖަލްސާގައި ދެއްކެވި ވާހަކަފުޅުގައެވެ. ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، މިހާރު ދިއްގަރު ރައްޔިތުންނަށް އެންމެ ބޭނުންވެފައިވާ އެއްކަމަކީ ރަށުގައި ތިބެގެން ރަނގަޅު ފެންވަރުގެ ޞިއްޙީ ޚިދުމަތް ލިބުން ކަމަށެވެ. އެހެންކަމުން ކުރިޔަށް އޮތް ދައުރުގައި ޒަމާނީ ފެންވަރުގެ ހޮސްޕިޓަލެއް ދިއްގަރުގައި އަޅުއްވައިދެއްވާނެ ކަމުގައި، ރައީސުލްޖުމްހޫރިއްޔާ ވިދާޅުވިއެވެ.