Advertisement

29 Sep 2023
ޚަބަރު

ގޯތި އަތުނުލާނަމޭ އިދިކޮޅުން ބުންޏަސް ގަބޫލުކުރާނީ ކިހިނެތް: ރައީސް

މި ސަރުކާރުން މާލޭގެ ރައްޔިތުންނަށް ދިން ގޯތި ޕީޕީއެމް/ޕީއެންސީގެ ވެރިކަމެއްގައި އަތުނުލާނެ ކަމަށް ކެންޑިޑޭޓް ޑރ. މުހައްމަދު މުއިއްޒު ވިދާޅުވިޔަސް ހައުސިން މިނިސްޓަރަކަށް ހުންނަވައި މާލޭގެ ރައްޔިތުންނާ މެދު އަމަލުކޮށްފައިވާ ގޮތުން އެކަން ގަބޫލުނުކުރެވޭކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެއެވެ.

40 އަހަރަށް ފަހު މާލެ ސަރަހައްދުން ބިން ކަނޑައި އިން ވަކިކޮށް މާލޭގެ ރައްޔިތަކަށް ގޯއްޗެއް ދޭން ކެރުނު ބަޔަކު މި ސަރުކާރު ނޫނީ ނެތް ކަމަށް ރައީސް ވިދާޅުވިއެވެ.

މާލޭގެ ރައްޔިތުންނަށް ވީ އެ ވައުދު މި ސަރުކާރުން ފުއްދާފައިވާ ކަމަށާއި މާލޭގެ ރައްޔިތުންނަށް މި ދައުރުގެ ތެރޭގައި ބިން ހަވާލުކުރާނެ ކަމަށް ވިދާޅުވިއެވެ. އެ ގޯތިތަކުގައި އިމާރާތް ކުރެވޭނެ ގޮތް ވެސް ހަދައިދޭނެ ކަމަށް ރައީސް ވަނީ ވިދާޅުވެފައެވެ.

"އަޅުގަނޑުމެންގެ ވާދަވެރި ކެންޑިޑޭޓް ތަކުރާރުކޮށް އެބަވިދާޅުވޭ ތިމަންނަމެން އަޔަސް އެ ދޫކޮށްފައި ހުރި ގޯތިތަކެއް ނުނަގާނަމޭ. ކިހިނެއްތޯ އެކަން އަޅުގަނޑުމެން ގަބޫލުކުރާނީ. ޝާހިދު އެ ވިދާޅުވިހެން ގުޅީފަޅުން ދޫކޮށްފައި ހުރި ފްލެޓްތަކަށް ފައިސާ ދައްކައި ނިންމާފައި އޮށްވައި 24 ގަޑިއިރު ދީފައި އެތަނަށް ފުލުހުން އަރުވައި މީހުން ބޭލީ," ރައީސް ވިދާޅުވިއެވެ.

ކުރީގެ ސަރުކާރުގައި ފަށައި ނުނިމި ވަރަށް ގިނަ ބަޔަކަށް ތަކުލީފު އުފުލަން ޖެހިފައި ވަނިކޮށް އެކަންކަމަށް ހައްލު ހޯދައިދީ ވަންނާނެ ތަނެއްގެ އިންތިޒާމް ހަމަޖައްސައިދިނީ މި ސަރުކާރުން ކަމަށް ރައީސް ވިދާޅުވިއެވެ. އެމަނިކުފާނު ވިދާޅުވި ގޮތުގައި އޭގެ ތެރޭގައި ސީ ލައިފާއި ކޭޕާކާއި ޖާހް ފްލެޓްތައް ހިމެނެއެވެ.

ގާކޮށްޓާއި އަރަބިއްޔާ ފްލެޓްތައް ބޮޑު އަގުގައި ދޫކޮށްފައި ވަނިކޮށް އެ މީހުންނަށް ވެސް އެކަމުގައި ލުޔެއް ހޯދައި ދިނީ މި ސަރުކާރުން ކަމަށް ރައީސް ވަނީ ވިދާޅުވެފައެވެ.

"މިހެން ހުރި ދަތި އެތައް އުނދަގޫ ކިތަންމެ ކަމަކަށް މި ވޭތުވެދިޔަ ހަތަރު, ފަސް އަހަރު ދުވަހުގެ ތެރޭގައި އަޅުގަނޑުމެންނަށް ރައްޔިތުންނަށްޓަކައި ހައްލު ގެނެވިއްޖެ. މި ހުރިހާ ކަމެއް ހިނގައިދިޔައީ ކޮވިޑުގެ އާލަމީ ދަތިތަކާ އެކު. ދިވެހި ރާއްޖެ އޭރު އޮތް ހާލަތު ވެސް މިއަދު ވެސް އަޅުގަނޑުމެން ހިތަށް އަރާ," ރައީސް ވިދާޅުވި އެވެ.

މި ސަރުކާރުން ވަނީ މާލޭގެ ރައްޔިތުންގެ ބޯހިޔާވަހިކަމުގެ ސްކީމެއް ހުޅުވާލައި ހުޅުމާލެ އާއި ގުޅީފަޅުން ގޯތި ދޫކުރަން ފަށައިފައެވެ. ސަރުކާރުގެ "ބިންވެރިޔާ" ސްކީމްގެ ފުރަތަމަ ބުރުގައި 18،955 މީހަކު ގޯއްޗަށް ޝަރުތު ހަމަވާއިރު އެއީ އެއީ 9003 ގޯއްޗެވެ. ފުރަަތަމަ ބުރުގައި ދޫކުރާ ފްލެޓްގެ ދާއިމީ ލިސްޓު އިއުލާންކޮށް ޝަރުތު ހަމަވާ އެންމެންނަށް ފްލެޓް ދޭން ވަނީ ނިންމައިފައެވެ.

ބޯހިޔާވަހިކަމުގެ ދެވަނަ ފިޔަވަހިން، 8،000 ފްލެޓާއި 5،000 އަށް ވުރެން ގިނަ ގޯއްޗަށް ކުރިމަތިލާން މިހާރު އޮތީ ހުޅުވާލައިފައެވެ. މި ސްކީމް ހުޅުވާލީ މާލޭގައި ދިރިއުޅޭތާ 20 އަހަރުވެފައިވާ އެހެން ރަށްރަށުގެ މީހުންނަށް ވެސް ގޯއްޗަށް އެދި ކުރިމަތިލެވޭ ގޮތަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.